فوتو: SMARTNEWS.KZ
اتىراۋ وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا قۇلسارىدا 7 جاستاعى قىزدى زورلاپ, ٶلتٸرگەن پەدوفيلگە قاتىستى ٷكٸم شىقتى, دەپ حابارلايدى Ult.kz SMARTNEWS.KZ باسىلىمىنا سٸلتەمە جاساپ.
ٷكٸمدٸ سۋديا زارەما حاميدۋللينا جارييالادى.
قاندى وقيعا 5 ماۋسىم كٷنٸ بولعان. قىز بالا اۋلاعا ويناۋعا شىققان سوڭ, ٷيٸنە قايتا ورالماعان. كەيٸن ونىڭ دەنەسٸ قۇرساي ٶزەنٸنٸڭ ماڭىنان تابىلعان.
تەرگەۋ بارىسىندا انىقتالعانداي, 35 جاستاعى ەر ادام ماس كٷيٸندە بالانى زورلاپ, ٸزٸن جاسىرۋ ٷشٸن تۇنشىقتىرىپ ٶلتٸرگەن. سودان كەيٸن مەيٸتتٸ ٶزەنگە تاستاعان. قىلمىستان كەيٸن دٷكەننەن ٸشٸمدٸك ساتىپ الىپ, تانىسىنىڭ اۋلاسىندا ۇيىقتاپ قالعان. بالانىڭ دەنەسٸ 12 ساعاتتان كەيٸن تابىلدى.
سوت-مەديتسينالىق ساراپتاما قىزدىڭ دەنەسٸنەن زورلىق, سوققى جەنە تۇنشىقتىرۋ بەلگٸلەرٸن انىقتادى. كٷدٸكتٸ ٶز كٸنەسٸن مويىنداماعانىمەن, سوت ونىڭ ايىبىن كۋەگەرلەردٸڭ ايعاقتارى, بەينەجازبالار جەنە ساراپتاما قورىتىندىلارى ارقىلى تولىق دەلەلدەندٸ دەپ شەشتٸ.
ايىپتالۋشىعا قازاقستان قىلمىستىق كودەكسٸنٸڭ: 120-بابى 4-بٶلٸگٸ («كەمەلەتكە تولماعاندى زورلاۋ»), 99-بابى 3-بٶلٸگٸ («كەمەلەتكە تولماعاندى ٶلتٸرۋ») بويىنشا ايىپ تاعىلدى. سوت ٷكٸمٸمەن ول ٶمٸر بويىنا باس بوستاندىعىنان ايىرىلدى. جازا ەرەكشە تەرتٸپتەگٸ مەكەمەدە ٶتەلەدٸ. سونىمەن قاتار, سوت قۇربان بولعان قىزدىڭ تۋىستارىنا 20 ميلليون تەڭگە كٶلەمٸندە ٶتەماقى ٶندٸرۋ تۋرالى شەشٸم شىعاردى.
سۋديا حاميدۋللينا ٷكٸم شىعارۋ كەزٸندە اتاپ ٶتتٸ:
«مۇنداي دامىعان قوعامدا, بەيبٸت زاماندا جازىقسىز بالانىڭ ٶمٸرٸن قيىپ, اسا قاتىگەزدٸك تانىتۋ — تەك بٸر وتباسىنىڭ ەمەس, بٷكٸل قوعامنىڭ تراگەديياسى. بۇل — ادامگەرشٸلٸك پەن قاۋٸپسٸزدٸك ۇعىمدارىنا سوققى», – دەدٸ ول.
سوڭعى جىلدارى قازاقستاندا بالالارعا قارسى جانتٷرشٸگەرلٸك قىلمىستارعا قاتىستى جازانى كٷشەيتۋتۋرالى تالاپ جيٸلەپ كەلەدٸ. الايدا قولدانىستاعى زاڭناما بويىنشا, ەلٸمٸزدە ەڭ اۋىر جازا — ٶمٸر بويعى باس بوستاندىعىنان ايىرۋ بولىپ قالا بەرەدٸ. مۇنداي ٷكٸم كەسٸلگەندەر ەرەكشە كٷزەتتەگٸ تٷرمەلەردە, تولىق وقشاۋلاۋدا جازاسىن ٶتەيدٸ.
