"بٷگٸن الماتىداعى تەرگەۋ اباقتىسىندا رۋسلان كٷلەكباەۆتىڭ ٸسٸنە قاتىستى باستى سوت وتىرىسى ٶتٸپ جاتىر. سوت بارىسىندا مەملەكەتتٸك ايىپتاۋ تاراپى كٷلەكباەۆتىڭ سودنيكوۆانى ٶلتٸرۋٸنە قاتىستى ايىپتاۋ قورىتىندىسىن وقىدى", - دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«كٷلەكباەۆ 2016 جىلدىڭ 17-18 شٸلدەسٸندە جانسٷگٸروۆ كٶشەسٸندەگٸ "ايات" قوناقٷيٸندە جەزٶكشەلەر جٷرۋٸ مٷمكٸن ەكەنٸن الدىن الا جوسپارلاپ, ٶزٸنٸڭ دٸني ەلەۋمەتتٸك كٶزقاراسىنا قايشى بولعاندىقتان, جەزٶكشەلٸكپەن اينالىساتىن ەيەلدەردٸ ٶلتٸرۋ ماقساتىندا اتالعان ورىنعا بارعان. قوناق ٷي اۋلاسىندا تۇرعان يمانعاليەۆكە تيەسٸلٸ كيا ريو اۆتوكٶلٸگٸنە بارىپ, ونىڭ ٸشٸندە جەزٶكشەلەر بار ەكەنٸن بولجاپ, ٸشٸندە وتىرعان يمانعاليەۆتەن تەرەزەسٸن اشۋدى سۇراعان. كٶلٸك تەرەزەسٸ اشىلعاننان كەيٸن, بٸرنەشە ەسكەرتۋ جاساپ, وعان كٶنبەگەن سوڭ ارتقى ورىندىقتا وتىرعان سودنيكوۆانى باسىنان اتىپ ٶلتٸرگەن. وسى كەزدە يمانعاليەۆ قاشىپ شىققان. كٷلەكباەۆ ونىڭ ارتىنان وق اتقانىمەن, تيگٸزە الماعان. ۋاقىتىن تيٸمدٸ پايدالانۋ ماقساتىندا كٶلٸككە كەلٸپ, ٸشٸندە وتىرعان ەكٸنشٸ ٶمٸرزاقوۆانى الىپ, سودنيكوۆانىڭ مەيتٸن الىپ, قالادا جٷرگەن. جولدا ٶمٸرزاقوۆاعا «سەندەر اللاھتان قورىقپايسىڭدار! اللاھتان كەشٸرٸم سۇرا?! اللاھتىڭ جولىنا قارسى شىقساڭدار, بەرٸڭدٸ جارىپ جٸبەرەمٸن» دەپ قورقىتقان. ٶمٸرزاقوۆا ٶمٸرٸنە قاۋٸپ تٶنگەندٸكتەن كەشٸرٸم سۇراپ, ٶز ەميانىن كٷلەكباەۆقا بەرگەن. كٷلەكباەۆ ٸشٸندە 7 مىڭ تەڭگەسٸ بار ٶمٸرزاقوۆانىڭ ەمييانىمەن قوسا, كٶلٸك ٸشٸندە تۇرعان يمانعاليەۆتٸڭ ٸشٸندە 42 000 تەڭگەسٸ بار ەمييانىن العان. جولدا كٶلٸكتٸڭ قىزىل باعدارشامعا توقتاعانىن پايدالانىپ, ٶمٸرزاقوۆا ودان قاشىپ شىعىپ قۇتىلعان. كٷلەكباەۆ ونى قۋماعان. وسىدان كەيٸن كٷلەكباەۆ قالاداعى بٸر دٷكەن الدىنا كەلٸپ كٶلٸكتٸ قالدىرىپ كەتكەن», دەدٸ پروكۋرور جارقىن باقاشباەۆ.
قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى سۋدياسى ەرلان بولاتوۆتىڭ ايىپتالۋشىلارعا ورنىنان تۇرىپ, جاۋاپ بەرۋ قاجەت دەگەن تالابىنا ايىپتالۋشى رۋسلان كٷلەكباەۆ باعىنبادى, دەپ حابارلايدى سوت زالىنان قازاقپارات تٸلشٸسٸ.
«كٷلەكباەۆ ورنىڭىزدان تۇرىڭىز!» دەگەن سۋديا ەرلان بولاتوۆتىڭ تالابىنا كٷلەكباەۆ باعىنبادى. بٸرنەشە رەت ايتىپ ورنىنان تۇرعىزا الماعان سۋديا اقىرى سەبەبٸن سۇراۋعا مەجبٷر بولدى.
كٷلەكباەۆ ٸشٸن كٶرسەتٸپ: «تۇرسام, اۋىرادى!» دەپ جاۋاپ بەردٸ.
بۇعان سۋديا كەلٸستٸ.
ايتا كەتەيٸك, الماتى قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنا ر.كٷلەكباەۆقا قاتىستى قىلمىستىق ٸستٸ اتالعان سوت سۋدياسى ەرلان بولاتوۆ جٷرگٸزٸپ جاتىر. كٷلەكباەۆ بٸرنەشە قانقۇيلى توناۋ جەنە قاراقشىلىق ەرەكەتتەرگە قاتىستى بولىپ وتىر. بۇعان دەيٸن حابارلانعانداي, تەرگەۋ توبى 57 سوت ساراپتاماسى مەن زەرتتەۋلەر جٷرگٸزدٸ جەنە بولعان وقيعانىڭ بارلىق جەيتتەرٸن انىقتاۋ ماقساتىندا 200-دەن استام كۋەگەرلەر مەن وقيعانى كٶرگەن ادامداردى تەرگەدٸ. 2016 جىلدىڭ 12 قازانىندا 61 تومنان تۇراتىن قىلمىستىق ٸس سوتقا جولداندى. ر.كٷلەكباەۆقا 8 قۇقىق قورعاۋ جەنە ارنايى ورگان قىزمەتكەرلەرٸن جەنە 2 بەيبٸت تۇرعىندى ٶلتٸردٸ, تەررورلىق اكت جاسادى دەگەن ايىپ تاعىلدى. سونىمەن قاتار, ول 3 بەيٸبٸت تۇرعىندى ٶلتٸرمەك بولدى دەپ ايىپتالىپ وتىر.
ناقتىراق ايتقاندا, ايىپتالۋشىعا قاتىستى قر قىلمىستىق كودەكسٸنٸڭ (قر قك) 255-بابى 4-تارماعى (لاڭكەستٸك اكت), 99-بابى 2-تارماعى (ەكٸ نەمەسە ودان دا كٶپ ادامدى ٶلتٸرۋ), 24-بابىنىڭ 3-تارماعى (ٶلتٸرۋ ٷشٸن شابۋىل جاساۋ), 192-باپ 4-تارماق (توپ ادامعا قاراقشىلىق شابۋىل), 287-باپ 4-تارماق (زاڭسىز قارۋ تاسىمالداۋ), 288-باپ 2-تارماق (قارۋدى زاڭسىز جاساۋ), 291-باپ 4-تارماق (قارۋ ۇرلاۋ), 200-باپ 4-تارماق (كٶلٸك ۇرلاۋ), 126-باپ 2-تارماق (ادامدى زاڭسىز باس بوستاندىعىنان ايىرۋ) بويىنشا قىلمىستىق ٸس قوزعالعان.
سونداي-اق, ر.كٷلەكباەۆپەن بٸرگە سوتقا اتىس قارۋىن زاڭسىز ساقتاپ, ٶزٸمەن بٸرگە الىپ جٷرٸپ, دايىنداپ, ر.كٷلەكباەۆپەن بٸرگە م. اتتى كەسٸپكەردٸڭ ٷيٸنە قاراقشىلىق شابۋىل ۇيىمداستىرعان ر.ليۋ, ج.ساپاربەكوۆ, د.ەسەمبەكۇلى, ە.قۇسايىنوۆ, ن.ەبدٸمومىن دا سوت زالىندا.
ايىپتالۋشى ن.ەبدٸمومىنعا رۇقساتسىز قالادان كەتۋٸنە تىيىم سالىنعان. ر.ليۋعا قاتىستى قر قك 188-بابىنىڭ 4-تارماعى, 288-بابىنىڭ 1-تارماعى, 287-بابىنىڭ 4-تارماعىنا قاتىستى قىلمىستىق ٸس قوزعالدى. ج. ساپاربەكوۆتٸڭ ٷستٸنەن قر قك 192-بابى 4-تارماعى; 287-باپ 4-تارماق بويىنشا قىلمىستىق ٸس قوزعالدى. ە. قۇسايىنوۆقا قاتىستى قر قك 192-بابىنىڭ 4-تارماعى بويىنشا, د. ەسەمبەكۇلىنا قاتىستى قر قك 192-بابىنىڭ 4-تارماعى, ن. ەبدٸمومىنعا قاتىستى قر قك 287-بابىنىڭ 4-تارماعى بويىنشا قىلمىستىق ٸس قوزعالدى.
