ٶزبەكستاندا كەلٸنشەكتٸ سەبيٸمەن بٸرگە قورادا ۇستاعان كٷيەۋٸ مەن تۋىستارى سوتتالدى, دەپ حابارلايدى ult.kz.
ٶزبەكستاننىڭ سۋرحاندارييا وبلىسىندا كەلٸنشەكتٸ بەس ايلىق سەبيٸمەن بٸرگە بٸرنەشە اي بويى مال قوراسىندا زاڭسىز ۇستاپ, قورلاعان وتباسى مٷشەلەرٸنە سوت ٷكٸمٸ شىقتى.
تەرگەۋ مەلٸمەتٸنشە, وقيعا 2025 جىلدىڭ تامىزىندا ۇزىن اۋدانىندا بولعان. ەر ادام بٸرگە تۇراتىن ەيەلٸن ٷيٸنە الىپ كەلگەن كەزدە ول جٷكتٸلٸكتٸڭ التىنشى ايىندا بولعان. الايدا وعان ٷيلەنۋدٸڭ ورنىنا, كٷيەۋٸ مەن تۋىستارى ەيەلدٸ بوستاندىعىنان ايىرىپ, مال قوراسىنا قاماپ قويعان.
سوت ماتەريالدارىنا سەيكەس, جەبٸرلەنۋشٸ سٶيلەۋ قابٸلەتٸندە اقاۋى بولعاندىقتان, ٶزگەلەردەن كٶمەك سۇراي الماعان. قورانىڭ ەسٸگٸ سىممەن بايلانعان, ەيەل جيٸ بايلاۋلى كٷيدە ۇستالىپ, جٷيەلٸ تٷردە سوققىعا جىعىلعان ەرٸ تاماقتان قاعىلعان. امالسىز ول قاربىز قابىعى مەن مال ازىعىن جەپ كٷنەلتكەن.
ەيەل دەل سول قورادا ەشقانداي مەديتسينالىق كٶمەكسٸز بوسانىپ, سەبيٸن دٷنيەگە ەكەلگەن. ەكٸ كٷننەن كەيٸن نەرەستەنٸ اناسىنان تارتىپ الىپ, ەيەلدٸ قايتادان قوراعا قاماپ قويعان. كەيٸن كٶرشٸلەردٸڭ كٷدٸگٸ نەگٸزٸندە جاعداي ەشكەرەلەنٸپ, جەبٸرلەنۋشٸ قۇتقارىلعان.
ٸس بويىنشا كٷيەۋٸ, ونىڭ اناسى جەنە تاعى ەكٸ تۋىسى سوت الدىندا جاۋاپ بەردٸ. سوت نەگٸزگٸ ايىپتالۋشىنى 13 جىلعا باس بوستاندىعىنان ايىردى. تاعى ەكٸ ەيەل 9 جىلعا سوتتالسا, ەنەسٸنە 5 جىل مەرزٸمگە باس بوستاندىعىن شەكتەۋ جازاسى تاعايىندالدى. ولار زاڭسىز باس بوستاندىعىنان ايىرۋ, وتباسىلىق زورلىق-زومبىلىق, ادام ساۋداسىنا وقتالۋ جەنە ٶزگە دە اۋىر باپتار بويىنشا كٸنەلٸ دەپ تانىلدى.
