قاڭتارداعى تەرتٸپسٸزدٸك كەزٸندە توناۋعا قاتىسقان ادامداردى انىقتاۋ جالعاسىپ جاتىر. بۇل تۋرالى ٸٸم تەرگەۋ دەپارتامەنتٸنٸڭ باستىعى سانجار ەدٸلوۆ ايتتى, دەپ حابارلايدى قازاقپارات.
«ۇرلىق پەن توناۋ, ونىڭ ٸشٸندە جاپپاي تەرتٸپسٸزدٸك كەزٸندە قارۋ ۇرلاۋ فاكتٸسٸ بويىنشا 322 كٷدٸكتٸ ۇستالىپ, ۋاقىتشا ۇستاۋ يزولياتورىنا قاماۋعا الىندى. تەرگەۋ بارىسىندا باستى نازار ٸستٸڭ مەن-جايى مەن كٷدٸكتٸلەردٸڭ دەلەلدەرٸن مۇقييات تەكسەرۋگە, دەلەلدەمەلەر جيناۋعا اۋدارىلادى. بۇرىن حابارلانعانداي, تەرگەۋشٸلەردٸڭ بٷكٸل ٸس جٷرگٸزۋ شەشٸمدەرٸ, اتاپ ايتقاندا, كٷدٸكتٸنٸ قاماۋعا الۋ, ونىڭ ەرەكەتتەرٸن سارالاۋ, سونداي-اق بۇلتارتپاۋ شارالارىن تاڭداۋ قىلمىستىق پروتسەستٸڭ ٷش بۋىندى مودەلٸ اياسىندا قابىلدانادى. پروكۋرورمەن كەلٸسٸلەدٸ», - دەدٸ ول ورتالىق كوممۋنيكاتسييالار قىزمەتٸندەگٸ بريفينگ بارىسىندا.
ونىڭ اتاپ ٶتۋٸنشە, بٷكٸل كٷدٸكتٸلەر مەديتسينالىق كۋەلاندىرۋ ارقىلى دەنە جاراقاتىنىڭ بار-جوعىن انىقتاۋ ٷشٸن تەكسەرٸلەدٸ.
«دەنە جاراقاتى بولعان جاعدايدا ونىڭ مەن-جايى انىقتالعاننان كەيٸن عانا ۋاقىتشا ۇستاۋ يزولياتورىنا قامالادى», - دەدٸ دەپارتامەنت باستىعى.
