جوعارعى سوت قۇداسى 5 جىلعا سوتتاتىپ جٸبەرگەن قۇداعيدى اقتاپ الدى. بۇل تۋرالى بٷگٸن رەسپۋبليكالىق سۋديالاردىڭ كەڭەيتٸلگەن كەڭەسٸندە قر جوعارعى سوتىنىڭ تٶراعاسى جاقىپ اسانوۆ ايتتى, دەپ حابارلايدى قازاقپارات.
«قىزىلوردادا ەكٸ جاس اجىراسىپ, قۇدالاردىڭ اراسىندا ارازدىق پايدا بولعان. كەشەگٸ قۇدالار بٸر-بٸرٸمەن ايتىسا باستاعان. بٸر جاعىنىڭ جاعدايى جاقسى بولۋى كەرەك. سول ەكٸنشٸسٸنە «مەن سەنٸ قۇرتامىن» دەيدٸ. سٶيتٸپ بارىن سالىپ, تانىستارىن سالىپ, ورگانداردى تارتىپ, بۇرىنعى قۇداعيىن 5 جىلعا سوتتاتادى. قالالىق سوت تا, وبلىستىق سوت تا كٶز جۇمىپ قاراعان. وسى ٸستٸ جاقىندا جوعارعى سوتتا قاراپ, ول كٸسٸنٸ اقتادىق», - دەدٸ جاقىپ اسانوۆ.
ونىڭ ايتۋىنشا, سول ٸستٸ قاراعان تەرگەۋشٸنٸڭ ٶزٸ سوتتالىپ كەتكەن. ٶيتكەنٸ ول جالعان جاۋاپتار جازعان.
«ودان كٸم ۇتتى? جاستار اجىراستى, قۇدالار بٸرٸن-بٸرٸ كٶرمەسكە اينالدى. سوتقا بەرگەن جاق ابىرويدان ايىرىلدى, ۇياتقا قالدى. قيت ەتسە «سوتقا بەرەمٸن, قۇرتامىن, جويامىن» دەيتٸن جاعىمسىز ەدەت ەلٸ دە بار. ول قارا باسىن ويلاعان, مەدەنيەتٸ تٶمەن ادامدارعا تەن قىلىق. ناعىز جٶنسٸزدٸك, ەدەپسٸزدٸك. تٸپتٸ كٶرگەنسٸزدٸك دەپ تە ايتۋىما بولادى. ودان جاستارعا قانداي ٷلگٸ, قانداي ٶنەگە?», - دەدٸ جوعارعى سوت تٶراعاسى.
ايتا كەتەرلٸگٸ, جاقىپ اسانوۆ سۋديالاردى رەيدەرلٸك سىزبالارعا پايدالاناتىندىعىن دا ناقتى مىسالدارمەن ايتىپ بەرگەن بولاتىن.
