قۋاڭشىلىق كەزٸندە قۇرعاقشىلىقتان زارداپ شەككەن ٶڭٸرلەرگە شٶپ جەتكٸزگەن قۇرمەت تالاپقازىعا جاڭا ٷي بەرٸلدٸ, دەپ حابارلايدى قازاقپارات.
شىمكەنتتەگٸ سولتٷستٸك ساياجاي مٶلتەك اۋدانىندا ورنالاسقان ٷيدە بارلىق جاعداي جاسالعان. تابيعي گاز قوسىلىپ, اۋىز سۋ جٷيەسٸ تارتىلعان. قوعامدىق كٶلٸكتە دەل ٷيدٸڭ ٸرگەسٸنەن جٷرٸپ جاتىر.
«قۇرمەت تالاپقازى «قۇرمەت» گراموتاسىنا لايىق ەدٸ» دەگەن ەلەۋمەتتٸك جەلٸدە پٸكٸر كٶبەيٸپ كەتتٸ. كٶپشٸلٸك «حالىق بولىپ باسپانا سىيلايىق» دەگەن ويلاردى دا ايتتى. تٸپتٸ ول پٸكٸرلەرگە مەنٸ بەلگٸلەپ جازىپ جاتتى. سوندىقتان تەۋەكەل ەتٸپ باستاپ كەتتٸك. ەكٸ كٷندە 9 ملن تەڭگەدەن استام قاراجات جينالدى. بەلگٸلٸ مەتسانانت دۋلات تاستەكەەۆ «قانشا جينايسىڭدار سونشا قاراجات قوسىپ بەرەمٸن» دەگەن ۋەدەسٸ بار ەدٸ. جالپى 19 ملن-داي قاراجاتقا ٷي الدىق», - دەدٸ جۋرناليست ماقسات تولىقباي.
بٷگٸن قۇرمەت جاڭا ٷيٸندە قۇرباندىق شالىپ, قۇران وقىتتى. جاڭا جىلدان كەيٸن شىمكەنتتەگٸ وقۋىندا تەگٸن جالعاستىرادى. ەندٸگٸ ماقساتى - التايدىڭ ار جاعىنداعى ەكە-شەشەسٸ مەن باۋىرلارىن ەلگە كٶشٸرٸپ الىپ كەلۋ.
«حالىققا راحمەتٸمدٸ ايتامىن. جينالعان اقشانى قايىرىمدىلىققا جۇمساماقشى ەدٸم, قاراجاتتى قولىما بەرمەي, ٷي الىپ بەردٸ. يگٸ ٸسكە ۇيىتقى بولعان ماقسات تولىقباي, دۋلات تاستەكەەۆ اعاما جەنە بارشا حالىققا راحمەتٸمدٸ ايتامىن. الداعى ۋاقىتتا وتباسىمدى الىپ كەلٸپ, مال شارۋاشىلىعىمەن جەنە ساۋدامەن اينالىسسام دەگەن ويىم بار» - دەيدٸ قۇرمەت.
ەسكە سالساق, شىمكەنت قالاسىنىڭ 25 جاستاعى تۇرعىنى قۇرمەت تالاپقازى ەلٸمٸزدٸڭ باتىسىنداعى قۋاڭشىلىققا تاپ بولعان مالدى اۋىلدارعا جەم-شٶپ جٸبەرۋ ٷشٸن بٷكٸل جۇمىسىن تاستاپ, قوعامدىق باستاماعا مۇرىندىق بولعان ەدٸ.
كەيٸن ونىڭ باستاماسىنا اۋىل شارۋاشىلىعى مينيسترلٸگٸ قۇلاق اسىپ, «قازاقستان تەمٸر جولى» ۇلتتىق كومپانيياسىن كٶمەككە تارتقان بولاتىن. سونداي-اق وعان شىمكەنتتەگٸ ۋنيۆەرسيتەتتە تەگٸن وقۋ مٷمكٸندٸگٸ بەرٸلدٸ. سونداي-اق, اۋىل شارۋاشىلىعى مينيسترٸ گراموتا تابىستادى.
