مەنەرلەپ سىرعاناۋشى دەنيس تەن پىشاقتالعان كٷنٸ وقيعا ورنىندا بولعان كۋەگەر Tengrinews.kz تٸلشٸسٸنە سپورتشىعا العاشقى كٶمەك قالاي كٶرسەتٸلگەنٸ جايلى ايتىپ بەرگەن.
قايعىلى وقيعانىڭ كۋەگەرٸ بولعان قىز 19 شٸلدەدە دٷكەننەن شىعىپ كەلە جاتىپ ايقايلاپ جاتقان ٷش-تٶرت ادامدى بايقاعان.
"ولار سۋ سۇراپ جاتتى, سوسىن بٸر جٸگٸت سۋ الىپ كەلدٸ. بٸر جٸگٸت كٶلٸك ٸشٸندە وتىرعاندا ٷش جٸگٸتتٸڭ تٶبەلەسٸپ جاتقانىن كٶرگەنٸن ايتتى.
سودان بٸرەۋٸ قۇلاپتى. كٶلٸكتەگٸ جٸگٸت اتىپ شىعىپ, جەدەل جەردەم شاقىرعان. وقيعا ورنىندا تەحنيكالىق پاسپورت جاتقان, سودان بارلىعى زارداپ شەككەن ادامنىڭ دەنيس تەن ەكەنٸن بٸلدٸ. جەدەل جەردەم الىپ كەتكەندە ونىڭ بٸر اياعى جۋان بولىپ كٶرٸندٸ. ٸسٸنٸپ كەتكەن, قان كٶپ بولدى, بٸراق ەشكٸم ونى ٶلەدٸ دەپ ويلامادى. مەيرامحانادان داياشى اراق الىپ شىعىپ, ونىڭ جاراقاتىنا سەپپەك بولعان. تەن سول مەيرامحانادان شىققان, كٶلٸگٸ جولدىڭ ارعى بەتٸندە تۇردى. جەدەل جەردەم الىپ كەتكەندە ول دەم الىپ جاتقان. ول ٶلدٸ دەگەنگە سەنبەيمٸن. ٶزٸ تاپ-تازا بولعان, اياعىندا عانا قان كٶرٸندٸ", - دەيدٸ كۋەگەر.
ايتا كەتسەك, قازاقستاندىق مەنەرلەپ سىرعاناۋشى دەنيس تەن 19 شٸلدە كٷنٸ پىشاق جاراقاتىنان قازا بولعان ەدٸ. وقيعا قۇرمانعازى بايسەيٸتوۆا كٶشەلەرٸنٸڭ قيىلىسىندا 19 شٸلدەدە تٷسكٸ ساعات 15:00 شاماسىندا بولعان. سپورتشى كٶلٸگٸنٸڭ ايناسىن ۇرلاماق بولعان ەكٸ ادامنىڭ ٷستٸنەن تٷسكەن. ارادا باستالعان جانجالدىڭ سالدارىنان ۇرىلار دەنيس تەنگە پىشاق سۇعىپ العان. ول وڭ جاق سانىنىڭ جوعارعى تۇسىنا جاراقات الدى. 25 جاستاعى تەن ٷش ليتر قان جوعالتىپ, اۋرۋحاناعا ٶتە اۋىر جاعدايدا جەتكٸزٸلدٸ. بٸراق الماتى قالالىق دەنساۋلىق ساقتاۋ باسقارماسىنىڭ باسشىسى سەرٸكبول مۋسينوۆ قوسىمشا قان قاجەت ەمەستٸگٸن جەنە رەسۋرستار جەتكٸلٸكتٸ ەكەندٸگٸن مەلٸم ەتكەن بولاتىن.
2,5 ساعاتقا جالعاسقان رەانيماتسييالىق شارالارعا قاراماستان, اۋرۋحانا دەرٸگەرلەرٸ ونىڭ ٶمٸرٸنە اراشا تٷسە المادى. ساعات 17.30-دا وليمپيادا جٷلدەگەرٸ قايتىس بولدى.
ادام ٶلتٸرۋ بابىمەن قىلمىستىق ٸس قوزعالدى.
بٷگٸن بەلگٸلٸ بولعانداي, سپورتشىنىڭ ٶلٸمٸنە قاتىسى بار ەكٸ كٷدٸكتٸنٸڭ بٸرٸ ۇستالىپ, ول قىلمىسىن مويىندادى. ەكٸنشٸ كٷدٸكتٸ - 1994 جىلى تۋعان قىزىلوردا وبلىسى, قارماقشى اۋدانى, اقاي اۋىلىنىڭ تۋماسى ارمان قۇدايبەرگەنوۆكە ٸزدەۋ جارييالاندى.
