الماتىدا تٶلە بي كٶشەسٸ مەن ابىلاي حان داڭعىلى قيىلىسىندا ەكٸ اۆتوبۋس سوقتىعىستى. كۋەگەر وقيعادان كەيٸنگٸ جايتتى ايتىپ بەردٸ, - دەپ حابارلايدى Tengrinews.kz اگەنتتٸگٸ.
اتى-جٶنٸن جاسىرۋدى سۇراعان كۋەگەر كٶشە قيىلىسىنداعى جاياۋ جٷرگٸنشٸلەر ٶتكەلٸنەن ٶتكەننەن كەيٸن بٸرنەشە سەكۋندتان سوڭ اۆتوبۋستار سوقتىعىسقانىن ايتتى.
"بۇرىلىپ قاراعاندا, اۆتوبۋستار دەل ارتىمىزداعى ٶتكەلدە اعاشتارعا قالاي سوعىلعانىن كٶردٸك. دٶڭگەلەك استىندا مەيٸت جاتتى. جاياۋ جٷرگٸنشٸلەر ٶتكەلٸندەگٸ ادامدار كٶبٸرەك زارداپ شەكتٸ, ولار جان-جاقا ۇشىپ كەتتٸ دەۋگە بولادى. اۆتوبۋستاردان جولاۋشىلار ٶزدەرٸ شىقتى, جارالانعان, بٸراق قوزعالا الاتىن جاعدايدا. جٷرگٸزۋشٸلەردٸڭ بٸرٸ اۆتوبۋستا قالىپ قويدى", - دەدٸ وقيعا كۋەگەرٸ.
جول-كٶلٸك وقيعاسى كۋەگەرٸنٸڭ ايتۋىنشا, اپات كەزٸندە ادامدار زارداپ شەككەندەرگە كٶمەككە ۇمتىلعان. جەدەل جەردەم شاقىرىلىپ, العاشقىلارى بەس مينۋتتىڭ ٸشٸندە وقيعا ورنىنا جەتكەن. وقيعا كۋەگەرلەرٸ دەرٸگەرلەر كەلگەنشە زارداپ شەككەندەرگە قولدان كەلگەنشە كٶمەكتەسۋگە تىرىسقان.
بۇل رەتتە الماتى پوليتسيياسى جول اپاتىنان قازا تاپقان ادام جاياۋ جٷرگٸنشٸ ەكەنٸن راستادى.
ەسكە سالايىق, جول اپاتى تٶلە بي كٶشەسٸ مەن ابىلاي حان داڭعىلىنىڭ قيىلىسىندا بولدى. اپات سالدارىنان بٸر ادام قازا تاۋىپ, 17 ادام اۋرۋحاناعا جەتكٸزٸلگەن.
