«قازاقستان تەمٸر جولى» اق ٶندٸرٸستٸك قىزمەتكەرلەرٸنٸڭ جالاقىسىن 66 پايىزعا كٶتەردٸ. بۇل تۋرالى اتالعان كومپانييانىڭ باسقارما تٶراعاسى نۇرلان ساۋرانباەۆ ايتتى, دەپ حابارلايدى قازاقپارات.
«ٸس جٷزٸندە ٶندٸرٸستٸك قىزمەتكەرلەردٸڭ جالاقىسىن 66 پايىزعا كٶتەردٸك. جالاقى قورىن وسى دەڭگەيدە ۇستاپ تۇرا الساق جاقسى بولار ەدٸ. وسى جالاقى قورىن ٶزٸمٸز ۇستاپ تۇرمىز. بٸراق, جالاقى قورىنىڭ ٷشتەن ەكٸسٸ ترانزيت ەسەبٸنەن ٶتەلەدٸ. الايدا, بٷگٸنگٸ احۋالعا بايلانىستى رەسەي ارقىلى ترانزيت 43 پايىزعا قۇلدىرادى. سوعان وراي بٸزدٸڭ كٸرٸسٸمٸز دە تٶمەندەدٸ. ەندٸ جالاقى قورىن قارجىلاندىرۋ مەسەلەسٸ كٶتەرٸلەدٸ. جالاقى دەڭگەيٸن ۇستاپ تۇرۋ ٷشٸن ٷكٸمەتكە جٷگٸنٸپ, ٸشكٸ رەسۋرستاردى دا ٸزدەۋگە تىرىسامىز», - دەدٸ كومپانييا باسشىسى «2025 جىلعا دەيٸن حالىقتىڭ تابىسىن ارتتىرۋ باعدارلاماسى» كەشەندٸ جوسپارىن جٷزەگە اسىرۋ جٶنٸندەگٸ كەڭەس بارىسىندا باق ٶكٸلدەرٸنٸڭ ساۋالىنا وراي.
ونىڭ ايتۋىنشا, جالاقىنىڭ قازٸرگٸ دەڭگەيٸن ۇستاپ تۇرۋ ٷشٸن قتج مەملەكەتتەن شامامەن 90 ملرد تەڭگە سۇراۋدى جوسپارلاپ وتىر.
«بٸز جالاقىعا 300 ملرد تەڭگەدەن استام قاراجات جۇمسايمىز. ونىڭ 111 ملرد تەڭگەسٸ تاريفكە قوسىلعان. ال 200 ملرد تەڭگەنٸ ٶندٸرٸستٸك قىزمەتتەن, ونىڭ ٸشٸندە ترانزيتتەن تٷسەتٸن كٸرٸستەن الامىز. دەمەك, ترانزيت ەسەبٸنەن ٶتەيمٸز. ٷكٸمەت بٸزگە الۋعا مٷمكٸندٸك بەردٸ. ەگەر قازٸرگٸ ۋاقىتتا ترانزيت تٶمەندەيتٸن بولسا, وندا تٶمەندەگەن كٶلەمگە اقشا سۇرايمىز. شامامەن 90 ملرد تەڭگە دەپ ەسەپتەپ وتىرمىز», - دەدٸ نۇرلان ساۋرانباەۆ.
