قر ييدم ازاماتتىق اۆياتسييا كوميتەتٸنٸڭ تٶراعاسى تالعات لاستاەۆ «Diamond Princess» لاينەرٸندە بولعان قازاقستاندىقتار نەلٸكتەن ەلگە ورتاق بورتپەن ۇشىپ كەلگەنٸن تٷسٸندٸردٸ, دەپ حابارلايدى قازاقپارات.
«بۇل - SCAT ەۋە كومپانيياسى ورىندايتىن نۇر-سۇلتان مەن توكيو اراسىنداعى تۇراقتى جولاۋشىلار رەيسٸ بولاتىن. «Diamond Princess» لاينەرٸندە بولعان جولاۋشىلار جالپىعا ورتاق تەرتٸپ بويىنشا تۇراقتى رەيسكە بيلەت العان. تاسىمالداۋشى رەتٸندە ەۋە كومپانيياسى ول جولاۋشىلاردىڭ دەل وسى رەيسكە وتىرعانىنان حابارسىز بولدى. ياعني ولار كەز كەلگەن باسقا رەيسپەن-اق ەلگە ۇشىپ كەلە الاتىن ەدٸ», - دەدٸ تالعات لاستاەۆ ٷكٸمەت وتىرىسىنان كەيٸن تٸلشٸلەرگە.
كوميتەت تٶراعاسى SCAT ەۋە كومپانيياسى شىنىندا دا ٶز جولاۋشىلارىنىڭ ٸشٸندە «Diamond Princess» لاينەرٸندەگٸ قازاقستاندىقتار بار ەكەنٸن بٸلمەگەنٸن شەگەلەي تٷستٸ.
«تيٸسٸنشە رەيستەن كەيٸن كارانتين كەرەكتٸگٸ جٶنٸندە ەۋە كومپانيياسىنىڭ قىزمەتكەرلەرٸنە ۇشار الدىندا حابارلاندى. جاپوندىق تاراپ بولسا بۇل جولاۋشىلاردى ٶز ەلٸندەگٸ كارانتيننەن, ياعني تەستٸدەن كەيٸن جٸبەرگەن. ولار بيلەتتٸ جالپىعا ورتاق تەرتٸپپەن الدى. ولار – قازاقستان رەسپۋبليكاسىنىڭ ازاماتتارى. ەۋە كومپانيياسىنىڭ ولاردى تاسىمالداۋدان باس تارتۋعا قاقىسى جوق», - دەدٸ كوميتەت تٶراعاسى.
ەسكە سالا كەتسەك, جاپوندىق Diamond Princess لاينەرٸنٸڭ بورتىندا بولعان قازاقستاننىڭ 4 ازاماتى نۇر-سۇلتان قالاسىنىڭ №3 كٶپبەيٸندٸ اۋرۋحاناسىنىڭ جانىنداعى ينفەكتسيياعا قارسى كورپۋسقا ورنالاستىرىلعان ەدٸ. 23 اقپاندا نۇر-سۇلتان قالاسىنداعى ەۋەجايعا توكيو-نۇر-سۇلتان رەيسٸمەن 20 جولاۋشى كەلگەن. ونىڭ 16-سى – قازاقستان ازاماتى. تٶرتەۋٸ - Diamond Princess لاينەرٸنٸڭ ٸشٸندە بولعان جولاۋشىلار.
