قر ۇلتتىق وليمپيادا كوميتەتٸنٸڭ باس حاتشىسى سەكەن مۇسايبەكوۆ قر «Pencak Silat» قاۋىمداستىعىنىڭ پرەزيدەنتٸ گادجي گادجيەۆكە, قاۋىمداستىق ۆيتسە-پرەزيدەنتٸ مەدەت ەبجانوۆتىڭ جەنە ت.ب. قاتىسۋىمەن جاۋىنگەرلٸك ٶنەردٸڭ جاڭا تٷرٸن مويىنداۋ تۋرالى سەرتيفيكات تاپسىردى, دەپ حابارلايدى "ۇلت اقپارات".
پەنچاك سيلات (Pencak Silat) - يندونەزييا, مالايزييا, سينگاپۋر جەنە برۋنەي ەلدەرٸ كٸرەتٸن يندونەزييا-مالاي ارحيپەلاگىنىڭ بايىرعى حالىقتارى قولدانعان جاۋىنگەرلٸك ٶنەر تٷرٸ. بۇل سپورت تٷرٸ يندونەزييا جەنە مالاي حالىقتارىنىڭ تاريحى مەن مەدەنيەتٸندە ماڭىزدى رٶل اتقارادى. ايتا كەتۋ كەرەك, سوڭعى جىلدارى پەنچاك سيلات وڭتٷستٸك-شىعىس ازييانىڭ اۋماعىنان شىعىپ, گوللاندييا, گەرمانييا, يتالييا, اقش پەن جاپونييا سيياقتى كٶپتەگەن ەلدەردە كەڭ تارادى. قازٸر جاۋىنگەرلٸك ٶنەردٸڭ بۇل تٷرٸن 70-تەن استام ەل سپورت رەتٸندە قولدانادى. ال دەستٷرلٸ سيلات 140-تان استام ەلدە ٶزٸن-ٶزٸ قورعاۋ ٶنەرٸ رەتٸندە تانىمال. كەيبٸر ەلدەردٸڭ قارۋلى كٷشتەرٸ پەنچاك سيلاتتى ٶزٸن-ٶزٸ قورعاۋعا ارنالعان بازالىق سپورت رەتٸندە قولدانادى.
«پەنچاك سيلات - قاۋٸپسٸز سپورت تٷرلەرٸنٸڭ بٸرٸ. ٶيتكەنٸ ونىڭ قۇرامىنا كٸرەتٸن ٷش ۇرىس تٷرٸ ەشقانداي جاناسۋدى قاجەت ەتپەيدٸ. ياعني بۇل تٷرلەرمەن بالالار دا, قىزدار دا الاڭسىز اينالىسا الادى», - دەيدٸ قاۋىمداستىقتىڭ ۆيتسە-پرەزيدەنتٸ تالعات قاليەۆ.
بٷگٸندە نۇر-سۇلتان, الماتى, شىمكەنت, اقتٶبە, پاۆلودار, قاراعاندى, قوستاناي, اتىراۋ قالالارىندا جەنە جامبىل, الماتى وبلىستارىندا پەنچاك سيلات قاۋىمداستىعىنىڭ فيليالدارى قۇرىلعان.
«كەلەشەكتە بەس ٶڭٸردە فيليالدار اشۋدى جوسپارلاپ وتىرمىز. ۇلتتىق وليمپيادا كوميتەتٸ بٸزدٸڭ ۇيىمدى قاۋىمداستىق رەتٸندە تٸركەدٸ. قاراشا ايىندا پەنچاك سيلات بويىنشا بٸرٸنشٸ رەسپۋبليكالىق چەمپيونات ٶتكٸزۋدٸ جوسپارلاپ وتىرمىز. ال جەلتوقسان ايىندا ازييا چەمپيوناتى ٶتەدٸ. رەسپۋبليكالىق چەمپيوناتتىڭ جەڭٸمپازدارى سول جارىسقا جولداما الادى», - دەدٸ «Pencak Silat» قاۋىمداستىعىنىڭ پرەزيدەنتٸ گادجي گادجيەۆ.
ونىڭ ايتۋىنشا, قازٸردٸڭ ٶزٸندە قازاقستاندىق سپورتشىلار بۇل سپورت تٷرٸنەن مەدالدەر جەڭٸپ الۋدا. بيىل ناۋرىز ايىندا ورتالىق ازييانىڭ اشىق تۋرنيرٸندە قازاقستاندىق كوماندا 3 كٷمٸس, 10 قولا مەدال جەڭٸپ السا, ٷش ايدان كەيٸن 2 التىن, 3 كٷمٸس جەنە بٸر قولا جٷلدەنٸ جەڭٸپ الدى. سونىمەن قاتار, قىركٷيەك ايىنىڭ باسىندا وڭتٷستٸك كورەيادا ٶتكەن بٷكٸلەلەمدٸك جاۋىنگەرلٸك ٶنەر ويىندارىندا قازاقستان قورجىنىنا 2 قولا مەدال تٷسكەن.
قاۋىمداستىق ٶكٸلدەرٸ جىل سوڭىنا دەيٸن تاعى بٸرنەشە جارىسقا قاتىسۋ جوسپاردا تۇرعانىن ايتادى. تايلاندتا 30 قىركٷيەك پەن 5 قازان ارالىعىندا ٶتەتٸن ازييا جاعاجاي ويىندارىنا قازاقستاندىق پەنچاك سيلات ٶكٸلدەرٸ دە قاتىسادى. سونىمەن قاتار, قازاقستان كومانداسى جەلتوقسان ايىندا پەنچاك سيلاتتان قىتايدا ٶتەتٸن بەسٸنشٸ ازييا چەمپيوناتىنا دايىندالۋدا.
