تٷركٸستان وبلىسىنىڭ ەلدٸ مەكەندەرٸن سۋ باسۋعا قاتىستى ٶزبەك تاراپىنا قر سىرتقى ٸستەر مينيسترلٸگٸنٸڭ نوتاسىن جولداۋ مەسەلەسٸ قاراستىرىلمايدى. بۇل تۋرالى قر سٸم-نٸڭ رەسمي ٶكٸلٸ ايبەك سماديياروۆ ايتتى, دەپ حابارلايدى قازاقپارات.
«ٶزبەكستان رەسپۋبليكاسى اۋماعىنداعى ساردوبا سۋ قويماسى بٶگەتٸنٸڭ بۇزىلۋى جەنە ونىڭ سالدارىنان تٷركٸستان وبلىسىنىڭ بٸرقاتار ەلدٸ مەكەندەرٸن سۋ باسۋ بويىنشا جاعداي بٸزدٸڭ ٷكٸمەتتٸڭ ەرەكشە باقىلاۋىندا.
ٷستٸمٸزدەگٸ جىلعى 2 مامىردا قازاقستان پرەزيدەنتٸ قاسىم-جومارت توقاەۆ ٶزبەكستان پرەزيدەنتٸ شاۆكات ميرزييوەۆپەن تەلەفون ارقىلى سٶيلەسكەنٸ جەنە سۇحبات بارىسىندا تاراپتار ورىن العان جاعدايدى ناقتى تالقىلاپ, ەكٸ ەل ٷكٸمەتٸ ٷيلەسٸمدٸ جۇمىس اتقاراتىنى تۋرالى ۋاعدالاسقانى مەلٸم.
سۋ باسۋ سالدارىن بٸرلەسٸپ جويۋ بويىنشا ٷكٸمەت پەن شەكارالاس ٶڭٸرلەر باسشىلارىنىڭ تىعىز ٶزارا ٸس-قيمىلىن نازارعا الا وتىرىپ, ٶزبەك تاراپىنا قر سىرتقى ٸستەر مينيسترلٸگٸنٸڭ نوتاسىن جولداۋ مەسەلەسٸ قاراستىرىلمايدى», - دەدٸ ا.سماديياروۆ.
رەسمي ٶكٸلدٸڭ ايتۋىنشا, تٷركٸستان وبلىسىنىڭ ەكٸمٸ ٶمٸرزاق شٶكەەۆ ٶزبەكستاننىڭ كٶرشٸلەس ٶڭٸرلەرٸنە جەدەل تٷردە ساپار جاساعان. ٶزبەك تاراپىمەن قاجەتتٸ كەلٸسسٶزدەر جٷرگٸزٸپ, ونىڭ قورىتىندىلارى تۋرالى ٷكٸمەتتٸڭ بٷگٸنگٸ وتىرىسىندا باياندادى.
«ٶزدەرٸڭٸزگە مەلٸم, پرەمەر-مينيستردٸڭ ورىنباسارى رومان سكليار باستاعان ٷكٸمەتتٸك كوميسسييا قۇرىلدى. ەرتەڭ ول تٷركٸستان وبلىسى مەن ٶزبەكستانعا بٸرلەسكەن ٸس-قيمىل الگوريتمٸن پىسىقتاۋ ٷشٸن بارادى.
ەكٸ تاراپتىڭ بارلىق بايلانىستارى تولىقتاي مەڭگٸلٸك دوستىق جەنە ستراتەگييالىق ەرٸپتەستٸك تۋرالى شارتتاردىڭ جەنە ترانسشەكارالىق سۋ اعىندارى مەن حالىقارالىق كٶلدەردٸ قورعاۋ جەنە پايدالانۋ جٶنٸندەگٸ كونۆەنتسييانىڭ نورمالارىنا سەيكەس جٷزەگە اسىرىلادى», - دەدٸ ول.
ەسكە سالايىق, ٶزبەكستاندا بٶگەتتٸڭ جارىلۋىنان تٷركٸستان وبلىسىنىڭ بٸرنەشە ەلدٸ مەكەنٸن سۋ باستى. 31 مىڭنان استام تۇرعىن ەۆاكۋاتسييالاندى. اتقارىلعان جۇمىستاردان كەيٸن سۋ باسۋ قاۋپٸ سەيٸلگەن مىرزاكەنت, اقجول اۋىلدارىنىڭ 17 مىڭنان استام تۇرعىنى ٷيلەرٸنە قايتا باستادى.
بٷگٸن تٷركٸستان وبلىسىنىڭ ەكٸمٸ ٶمٸرزاق شٶكەەۆ ٷكٸمەت وتىرىسىندا تٶتەنشە جاعداي سالدارىنان الدىن الا مەلٸمەت بويىنشا, 845 تۇرعىن ٷيدٸ, 3 مەكتەپتٸ, 5 بالاباقشانى, 4 مەديتسينا نىسانىن, 1 مەدەنيەتٸن ٷيٸن, سونىمەن قاتار 10 دٷكەندٸ سۋ باسقانىن مەلٸم ەتتٸ. جەڭٸس اۋىلىنداعى كٶپٸردٸ جەنە رەسپۋبليكالىق, وبلىستىق, اۋداندىق ماڭىزى بار 54,7 شاقىرىم اۆتوموبيل جولى سۋ استىندا قالدى. مۇنان بٶلەك, الدىن الا جيناقتالعان مەلٸمەتتەرگە سەيكەس, كٶلەمٸ 7 639 گەكتار ەگٸستٸك جەرٸن سۋ شايدى. مال شىعىنى دا ناقتىلانىپ جاتىر.
سونداي-اق ٶزبەكستان ماقتاارال اۋدانىنداعى بارلىق كوللەكتوردى تازالاۋعا كٶمەكتەسۋگە ۋەدە ەتكەنٸ اتاپ ٶتٸلدٸ.
پرەمەر-مينيستر اسقار مامين زارداپ شەككەندەرگە ٷكٸمەتتەن قاجەتتٸ بارلىق كٶمەك كٶرسەتٸلەتٸنٸن ايتتى.
