قازاقستان رەسپۋبليكاسى پرەزيدەنتٸ ەكٸمشٸلٸگٸ باسشىسىنىڭ بٸرٸنشٸ ورىنباسارى دەۋرەن اباەۆتىڭ تٶراعالىعىمەن قازاقستان رەسپۋبليكاسى پرەزيدەنتٸ جانىنداعى جاستار ساياساتى جٶنٸندەگٸ كەڭەستٸڭ كەزەكتٸ XXIV وتىرىسى ٶتتٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
كەڭەس وتىرىسىنىڭ جۇمىسىنا ٷكٸمەت مٷشەلەرٸ, مەجٸلٸس دەپۋتاتتارى, رەسپۋبليكالىق جاستار ۇيىمدارىنىڭ باسشىلارى, جاستار ساياساتى سالاسىنداعى ساراپشىلار, سونداي-اق, ٶڭٸرلەردەگٸ جاستار ساياساتى مەسەلەلەرٸنە جەتەكشٸلٸك ەتەتٸن وبلىس ەكٸمدەرٸنٸڭ ورىنباسارلارى قاتىستى.
– تەۋەلسٸزدٸك جىلدارىندا قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى نۇرسۇلتان ەبٸشۇلى نازارباەۆتىڭ باسشىلىعىمەن ەلٸمٸزدە جاستار ساياساتىنىڭ نەگٸزٸ قالاندى. سول ساياساتتىڭ جالعاسى رەتٸندە, پرەزيدەنت قاسىم-جومارت كەمەلۇلى توقاەۆ تا جاستار مەسەلەسٸنە ايرىقشا باسىمدىق بەرٸپ, ٷنەمٸ نازاردا ۇستاپ وتىرادى. سونداي-اق مەملەكەت باسشىسىنىڭ «تەۋەلسٸزدٸك بەرٸنەن قىمبات» ماقالاسىندا جاستار ساياساتىنا قاتىستى بٸرقاتار تاپسىرما بەردٸ. سوعان سەيكەس, قازاقستان رەسپۋبليكاسى پرەزيدەنتٸ جانىنداعى جاستار ساياساتى جٶنٸندەگٸ كەڭەستٸڭ قىزمەتٸن ودان ەرٸ جەتٸلدٸرۋ قولعا الىندى, – دەدٸ دەۋرەن اباەۆ.
قازاقستان رەسپۋبليكاسى پرەزيدەنتٸ ەكٸمشٸلٸگٸنٸڭ ٸشكٸ ساياسات بٶلٸمٸ مەڭگەرۋشٸسٸنٸڭ ورىنباسارى, كەڭەس حاتشىسى ەۆگەنيي گلوتوۆ قازاقستان رەسپۋبليكاسى پرەزيدەنتٸ جانىنداعى جاستار ساياساتى جٶنٸندەگٸ كەڭەستٸڭ جاڭا فورماتى تۋرالى باياندادى.
اقپارات جەنە قوعامدىق دامۋ مينيسترٸ ايدا بالاەۆا ٶزٸ باسقاراتىن مينيسترلٸكتٸڭ الدىنا جاستار ساياساتىنا قاتىستى قويىلعان ستراتەگييالىق مٸندەتتەر تۋرالى ايتتى.
اتاپ ايتقاندا, بيىل جىل سوڭىنا دەيٸن مەملەكەتتٸك جاستار ساياساتى تۋرالى زاڭناماعا ٶزگەرٸستەر ەنگٸزٸلٸپ, قر پارلامەنتٸنٸڭ قاراۋىنا ۇسىنىلۋى كەرەك. وندا «جاستاردىڭ دامۋ يندەكسٸ», «جاستاردىڭ ەلەۋمەتتٸك قىزمەتتەرٸ», «NEET ساناتىنداعى جاستار» ۇعىمدارى زاڭنامالىق تۇرعىدان بەكٸتٸلۋٸ تيٸس. سونىمەن بٸرگە مينيسترلٸك الدىندا «تەۋەلسٸزدٸك ۇرپاقتارى» ۇلتتىق جوباسىن ەزٸرلەۋ مٸندەتٸ تۇر. مۇندا جاستاردى مەملەكەتتٸك قولداۋدىڭ بارلىق شارالارىن بٸرىڭعاي قۇجاتقا بٸرٸكتٸرۋ, سونداي-اق, تالانتتى جاستاردى قولداۋ ٷشٸن «تەۋەلسٸزدٸك ۇرپاقتارى» گرانتتارىن تاعايىنداۋ جەنە بەرۋ كٶزدەلگەن.
– جاستاردى دامىتۋ يندەكسٸ جاستار ساياساتىن ٸسكە اسىرۋ, مونيتورينگ, باعالاۋ تەسٸلدەرٸن بٸرٸزدەندٸرۋگە جەنە ناقتى نەتيجەلەرگە قول جەتكٸزۋ ٷشٸن مەملەكەتتٸك, ەسٸرەسە, جەرگٸلٸكتٸ ورگانداردىڭ جاۋاپكەرشٸلٸگٸن ارتتىرۋعا باعىتتالعان, – دەدٸ ايدا بالاەۆا.
سونداي-اق جاستار ساياساتىنىڭ جەكەلەگەن باعىتتارى بويىنشا كەڭەس مٷشەلەرٸ, «اتامەكەن» ۇلتتىق كەسٸپكەرلەر پالاتاسى باسقارما تٶراعاسىنىڭ ورىنباسارى ولجاس ورداباەۆ بايانداما جاساپ, «جٷزدەن جٷيرٸك» باعدارلاماسىنا كەسٸپكەرلٸك سالاسىن ەنگٸزۋدٸ ۇسىندى.
قر ەنەرگەتيكا مينيسترلٸگٸنٸڭ «يادرولىق فيزيكا ينستيتۋتى» رەسپۋبليكالىق مەملەكەتتٸك كەسٸپورنىنىڭ نۇر-سۇلتان قالاسى بويىنشا فيليالىنىڭ ديرەكتورى, فيزيكا-ماتەماتيكا عىلىمدارىنىڭ كانديداتى, قاۋىمداستىرىلعان پروفەسسور ماكسيم زدوروۆەتس عىلىممەن اينالىسۋعا 5 جىلدىق گرانتتاردى ەنگٸزۋدٸ ۇسىندى. بۇل وتاندىق عالىمدار ٷشٸن ۇزاق مەرزٸمدٸ ماقساتتار قويۋعا, بولاشاعى زور زەرتتەۋلەردٸ ساپالى ەرٸ جاڭا دەڭگەيگە شىعارۋعا مٷمكٸندٸك بەرەتٸنٸن ايتتى.
قازاقستان رەسپۋبليكاسى پرەزيدەنتٸنٸڭ جانىنداعى ەلەۋمەتتٸك-ەكونوميكالىق رەفورمالاردى تالداۋ جەنە مونيتورينگٸلەۋ ورتالىعىنىڭ ساراپتامالىق-تالداۋ توبىنىڭ كونسۋلتانتى ەدٸل قۇسمانوۆ جاستار جەتٸستٸككە جەتٸپ جٷرگەن بيزنەس, IT, ەلەۋمەتتٸك-ەكونوميكالىق دامۋ جەنە مەملەكەتتٸك باسقارۋ سالاسىندا جەنە تاعى باسقا باعىتتار بويىنشا مەملەكەتتٸك جاستار سىيلىعىنىڭ سانىن ارتتىرۋدى ۇسىندى.
قر پرەزيدەنتٸ جانىنداعى قازاقستان ستراتەگييالىق زەرتتەۋلەر ينستيتۋتى ديرەكتورىنىڭ ورىنباسارى سابينا سەديەۆا جاستاردى جاس ەرەكشەلٸكتەرٸ بويىنشا توپقا بٶلە وتىرىپ, ولارمەن ماقساتتى تٷردە جۇمىس جاساۋ قاجەتتٸگٸن اتاپ ٶتتٸ.
وتىرىس قورىتىندىسى بويىنشا كەڭەس تٶراعاسى دەۋرەن اباەۆ بٸرقاتار ناقتى تاپسىرما بەردٸ.
– مەملەكەتتٸك قولداۋدىڭ بارلىق شاراسى جاستار ٷشٸن تيٸمدٸ, ەلگە پايدالى جوبالار جاساۋعا باعىتتالۋى تيٸس. ول جاستاردىڭ كەسٸبي باعدار الۋىنا, ماماندىقتى دۇرىس تاڭداۋىنا, ٶز دەنساۋلىعى ٷشٸن جاۋاپتى بولۋىنا, تۇلعا رەتٸندە قالىپتاسۋىنا, ٶمٸر ٶتكەلدەرٸندە دۇرىس تەۋەكەل ەتٸپ, سٷرٸنٸپ كەتپەۋٸنە جول اشۋى كەرەك, – دەدٸ دەۋرەن اباەۆ.
ەستەرٸڭٸزگە سالا كەتەيٸك, قازاقستان رەسپۋبليكاسى پرەزيدەنتٸنٸڭ جانىنداعى جاستار ساياساتى جٶنٸندەگٸ كەڭەس – ەلٸمٸزدەگٸ مەملەكەتتٸك جاستار ساياساتىن جەتٸلدٸرۋ جٶنٸندەگٸ شارالاردى ەزٸرلەۋ جٶنٸندەگٸ باستى ديالوگ الاڭى. بيىل مەملەكەت باسشىسىنىڭ جارلىعىمەن كەڭەس قۇرامى تولىعىمەن جاڭارتىلدى. وعان پرەزيدەنتتٸك جاستار كادر رەزەرۆٸ مەن ۇلتتىق قوعامدىق سەنٸم كەڭەسٸنٸڭ ٶكٸلدەرٸ, رەسپۋبليكالىق جاستار ۇيىمدارىنىڭ باسشىلارى, دەپۋتاتتار, ساراپشىلار كٸردٸ.
