قازاقستان رەسپۋبليكاسىنىڭ مەملەكەتتٸك حاتشىسى قىرىمبەك كٶشەرباەۆتىڭ تٶراعالىعىمەن بەينەكونفەرەنتسييا بايلانىسى رەجيمٸندە قر پرەزيدەنتٸ جانىنداعى سىبايلاس جەمقورلىققا قارسى ٸس-قيمىل مەسەلەلەرٸ جٶنٸندەگٸ كوميسسييانىڭ وتىرىسى ٶتتٸ, دەپ حابارلايدى "ۇلت اقپارات" اقورداعا سٸلتەمە جاساپ.
وتىرىستا «قازاقستان رەسپۋبليكاسىنىڭ اگروٶنەركەسٸپتٸك كەشەنٸن دامىتۋدىڭ 2017-2021 جىلدارعا ارنالعان مەملەكەتتٸك باعدارلاماسىن ٸسكە اسىرۋعا بٶلٸنگەن بيۋدجەت قاراجاتىنىڭ پايدالانىلۋ تيٸمدٸلٸگٸ تۋرالى» مەسەلە تالقىلاندى.
جيىندا تۇڭعىش پرەزيدەنت – ەلباسى ن.ە. نازارباەۆتىڭ تٸكەلەي تاپسىرماسىمەن ەزٸرلەنگەن مەملەكەتتٸك باعدارلامانى ٸسكە اسىرۋدىڭ ستراتەگييالىق ماڭىزى بار ەكەنٸ اتاپ ٶتٸلدٸ. ٶيتكەنٸ اگروٶنەركەسٸپتٸك كەشەن ەلدٸڭ ازىق-تٷلٸك قاۋٸپسٸزدٸگٸن قالىپتاستىراتىن ەكونوميكانىڭ ماڭىزدى سەكتورلارىنىڭ بٸرٸ بولىپ تابىلادى.
مەملەكەت باسشىسى ق.ك. توقاەۆتىڭ «جاڭا جاعدايداعى قازاقستان: ٸس-قيمىل كەزەڭٸ» اتتى قازاقستان حالقىنا جولداۋىندا دامىعان اۋىل شارۋاشىلىعىنسىز بەسەكەگە قابٸلەتتٸ ەكونوميكا قۇرۋدىڭ مٷمكٸن ەمەستٸگٸنە باسا نازار اۋدارىلدى.
وتىرىس بارىسىندا اۋىل شارۋاشىلىعى مينيسترلٸگٸ اگروسەكتوردىڭ جالپى ٶنٸمٸنٸڭ كٶلەمٸن 1,4 ەسەگە ارتتىرۋعا جەنە ونىڭ قۇنىن 5,2 ترلن. تەڭگەگە دەيٸن جەتكٸزۋگە مٷمكٸندٸك بەرگەن مەملەكەتتٸك باعدارلامانى ٸسكە اسىرۋدىڭ وڭ ەسەرٸ تۋرالى باياندادى.
بۇدان باسقا, اۋىل شارۋاشىلىعىنداعى نەگٸزگٸ كاپيتالعا ينۆەستيتسييالار 2 ەسەگە, ەڭبەك ٶنٸمدٸلٸگٸ 1,8 ەسەگە, اۋىل شارۋاشىلىعى ٶنٸمدەرٸ مەن ونى قايتا ٶڭدەۋ ٶنٸمدەرٸنٸڭ ەكسپورتى 1,5 ەسەگە, ال مال شارۋاشىلىعى مەن ٶسٸمدٸك شارۋاشىلىعى ٶنٸمدەرٸنٸڭ جالپى شىعارىلىمى 1,4 ەسەگە ۇلعايدى.
بۇعان كٶپ جاعدايدا اۋىل شارۋاشىلىعى تاۋار ٶندٸرۋشٸلەرٸن قولداۋعا بٶلٸنەتٸن, اگروٶنەركەسٸپتٸك كەشەن سۋبەكتٸلەرٸنٸڭ قارجىلىق جاعدايىن ەدەۋٸر جاقسارتقان بيۋدجەت قاراجاتى ىقپال ەتتٸ.
سونىمەن قاتار باقىلاۋشى جەنە قۇقىق قورعاۋ ورگاندارى مال شارۋاشىلىعى سالاسىنداعى سۋبسيدييالاۋدىڭ قولدانىستاعى جٷيەسٸ اۋىل شارۋاشىلىعى ٶنٸمٸنٸڭ كٶپ بٶلٸگٸن ٶندٸرەتٸن شاعىن اۋىل شارۋاشىلىعى قۇرىلىمدارىنا قاتىستى جەتكٸلٸكتٸ دەڭگەيدە تەڭدەستٸرٸلمەگەنٸن ايتادى.
اتالعان سالادا ٶندٸرٸس قۇرالدارىنىڭ توزۋ, وزىق تەحنولوگييالاردى جەتكٸلٸكسٸز قولدانۋ جەنە قارجى قۇرالدارىن ۇتىمدى پايدالانۋدى قامتاماسىز ەتۋ پروبلەمالارى بار.
سۋبسيدييالاۋ سالاسىنداعى نورماتيۆتٸك-قۇقىقتىق بازانىڭ جەنە «Qoldau.kz» تسيفرلىق پلاتفورماسىنىڭ جەتٸلدٸرٸلمەۋٸنەن سۋبسيدييا الۋعا ٶتٸنٸم بەرگەندە تٷرلٸ تەرٸس ەرەكەتتەرگە جول بەرٸلەدٸ.
مەسەلەن, مەملەكەتتٸك باعدارلامانى ٸسكە اسىرۋ بارىسىندا 169 قىلمىستىق قۇقىق بۇزۋشىلىق انىقتالعان, ونىڭ ٸشٸندە اۋىل شارۋاشىلىعى ٶندٸرۋشٸلەرٸنە جالعان قۇجاتتار بويىنشا سۋبسيدييالاردى زاڭسىز بەرۋ فاكتٸلەرٸنە جول بەرٸلگەن.
وسىلايشا, مەملەكەتتٸك باعدارلامانى جٷزەگە اسىرۋدىڭ جەكەلەگەن اسپەكتٸلەرٸ مەملەكەت باسشىسىنىڭ تاپسىرمالارىمەن, ەسٸرەسە جەكە قوسالقى شارۋاشىلىقتاردىڭ ەلەۋەتٸن ارتتىرۋ, سونداي-اق ولاردى ٶڭٸرلٸك ازىق-تٷلٸك حابتارىن قۇرۋعا تارتۋ بٶلٸگٸمەن سەيكەس كەلمەيدٸ.
وتىرىستا پرەزيدەنتتٸڭ كٶمەكشٸسٸ – قاۋٸپسٸزدٸك كەڭەسٸنٸڭ حاتشىسى ەسەت يسەكەشەۆ اگروٶنەركەسٸپ كەشەنٸندەگٸ سىبايلاس جەمقورلىق تەۋەكەلدەرٸن تٶمەندەتۋ بويىنشا ۇسىنىس جاسادى.
وتىرىس قورىتىندىسى بويىنشا قازاقستان رەسپۋبليكاسىنىڭ مەملەكەتتٸك حاتشىسى قىرىمبەك كٶشەرباەۆ قارالعان مەسەلەلەر بويىنشا ناقتى تاپسىرمالار بەردٸ, ولاردىڭ ورىندالۋى باقىلاۋعا الىندى.
