سىرتتان تارتىلاتىن كوللەكتورلاردىڭ قىزمەتتەرٸن اسىرا پايدالانۋعا جول بەرمەۋ تەتٸكتەرٸن قاراستىرۋدى تاپسىرامىن. بۇل تۋرالى الماتىدا قارجى سەكتورىنىڭ ٶكٸلدەرٸمەن كەزدەسكەن پرەزيدەنت قاسىم-جومارت توقاەۆ ايتتى, دەپ حابارلايدى قازاقپارات.
كەزدەسۋ بارىسىندا مەملەكەت باسشىسى بورىشكەرلەرگە قاتىستى قارجى نارىعىنداعى ٶكٸلدەردٸڭ شەكتەن شىعۋ ەرەكەتتەرٸنە توقتالدى.
«نەسيە مەكەمەلەرٸنٸڭ باسشىلارىنا ٸشكٸ رەسٸمدەردٸ كٷشەيتۋ مەسەلەسٸن پىسىقتاۋدى, سونداي-اق جەكەلەگەن قىزمەتكەرلەر مەن سىرتتان تارتىلاتىن كوللەكتورلاردىڭ قىزمەتتەرٸن اسىرا پايدالانۋعا جول بەرمەۋ تەتٸكتەرٸن قاراستىرۋدى تاپسىرامىن», – دەدٸ قاسىم-جومارت توقاەۆ.
سونداي-اق پرەزيدەنت شاعىن جەنە ورتا بيزنەستٸ نەسيەلەۋ, ونىڭ ٸشٸندە اۋىلدارداعى كەسٸپكەرلٸك باستامالاردى دامىتۋ ەلٸمٸزدٸڭ قارجى سەكتورىنىڭ باستى باسىمدىعى بولۋى كەرەك دەپ ەسەپتەيدٸ. مەملەكەت باسشىسىنىڭ ايتۋىنشا, تۇراقتى جەنە ارزان قور جاساۋ كٶزدەرٸنٸڭ جوقتىعى ميكروقارجىلاندىرۋ نارىعىنداعى نەگٸزگٸ مەسەلەنٸڭ بٸرٸ.
«مۇنداي ۇيىمداردىڭ قىزمەتٸ ەكٸنشٸ دەڭگەيلٸ بانكتەردەن الىناتىن قارىز بەن جەكە قاراجات ەسەبٸنەن قارجىلاندىرىلادى. نەتيجەسٸندە تۇتىنۋشىلار ٷشٸن نەسيەلەردٸڭ قۇنى جوعارى بولادى. سوندىقتان ٷكٸمەتكە اگەنتتٸكپەن بٸرلەسٸپ, ميكروقارجى ۇيىمدارىنىڭ قولجەتٸمدٸ ەرٸ ۇزاق مەرزٸمدٸ قارجىلاندىرۋ تەتٸكتەرٸن پىسىقتاۋدى تاپسىرامىن», – دەدٸ قاسىم-جومارت توقاەۆ.
