جاڭادان اشىلعان "استانا" حالىقارالىق قارجى ورتالىعى - تەۋەلسٸز قازاقستاننىڭ جاڭا پاراعى. ەلوردادا ٶتكەن قارجى ورتالىعىنىڭ اشىلۋ سالتاناتىندا مەملەكەت باسشىسى وسىلاي دەدٸ, دەپ حابارلايدى قازاقپارات تٸلشٸسٸ.
"استانا" حالىقارالىق قارجى ورتالىعى - تەۋەلسٸز قازاقستاننىڭ جاڭا پاراعى. ونىڭ اشىلۋى ماڭىزدى قادام, بٸزدٸڭ ەكونوميكانىڭ بەكەم تٷردە دامۋىنىڭ جالعاسى بولىپ تابىلادى. جاھاندىق سىن-تەگەۋرٸندەرگە جاۋاپ رەتٸندە احقو-نى قۇرۋ تۋرالى يدەيانى ەڭ العاش رەت 2015 جىلى ايتقان ەدٸم", - دەدٸ نۇرسۇلتان نازارباەۆ.
پرەزيدەنت اتاپ ٶتكەندەي, احقو قاتىسۋشىلارىنا سالىق بويىنشا 50 جىلعا دەيٸن, سونداي-اق ۆيزالىق جەنە ەڭبەك بويىنشا جەڭٸلدٸكتەر قاراستىرىلعان.
"بۇل, جۇمىسى اعىلشىن قۇقىعىنا نەگٸزدەلگەن ايماقتاعى بٸردەن-بٸر قارجى ورتالىعى. تەۋەلسٸز سوت, حالىقارالىق اربيتراجدى ورتالىق تاراپتاردىڭ قۇقىقتارىنىڭ ەدٸلەتتٸ قارالۋىن قامتاماسىز ەتەدٸ. احقو سۋديالارى رەتٸندە مەنٸڭ شەشٸمٸممەن انگلييا مەن ۋەەلستەن كەلگەن 9 ابىرويلى سۋديا تاعايىندالدى. ولاردى لورد ۆۋلف مىرزا - انگلييانىڭ بۇرىنعى جوعارعى سۋدياسى باسقارادى. اربيتراجدى ورتالىققا سونىمەن بٸرگە تاعى 23 حالىقارالىق اربيتراج ەندٸ", - دەدٸ نۇرسۇلتان نازارباەۆ.
مەملەكەت باسشىسى تٸلگە تيەك ەتكەندەي, احقو-نى تيٸمدٸ باسقارۋدىڭ قاعيداتتارى مەن پراگماتيزمٸ ساقتالىپ, بارلىق ينۆەستورلاردىڭ مٷددەلەرٸ قورعالاتىن بولادى.
"قور نارىعىن دامىتاتىن قاتىسۋشىلاردىڭ ىڭعايى ٷشٸن احقو بيرجاسى - جوعارى تەحنولوگييالىق ينفراقۇرىلىم قۇرىلدى. بٷگٸن سٸزدەرمەن وسى بيرجانىڭ جۇمىسىن باستايمىز. ونىڭ جۇمىسىنا امەريكالىق Nasdaq بيرجاسى جەنە شانحاي قور بيرجاسى قاتىسادى", - دەدٸ مەملەكەت باسشىسى.
ەسكە سالا كەتسەك, ەلورداداعى كونگرەسس حولل ورتالىعىندا ەلباسى نۇرسۇلتان نازارباەۆتىڭ قاتىسۋىمەن «استانا» حالىقارالىق قارجى ورتالىعىنىڭ رەسمي اشىلۋ رەسٸمٸ ٶتتٸ.
.jpeg)