بٷگٸن وڭتٷستٸك قازاقستان وبلىسىنا ارنايى ساپارمەن كەلگەن قازاقستان رەسپۋبليكاسىنىڭ پرەمەر-مينيسترٸ باقىتجان ساعىنتاەۆ سارىاعاش اۋدانىندا بولىپ, ونداعى اگرارلىق-ٶنەركەسٸپتٸك كەشەن دامىتۋ باعدارلاماسىنىڭ جٷزەگە اسىرىلۋىمەن جەنە يننوۆاتسييالىق تەحنولوگييالاردى قولداناتىن شارۋا قوجالىقتارىنىڭ جۇمىسىمەن تانىستى, دەپ حابارلايدى "ۇلت اقپارات".
ٷكٸمەت باسشىسى وسى اۋدانداعى «كەلەس» جشس-نٸڭ پلەنكا جەنە كٶشەت قوندىرۋعا ارنالعان ىدىس شىعاراتىن ٶندٸرٸستٸك تسەحىن ارالاپ كٶردٸ. جوبانىڭ جالپى قۇنى 150 ملن تەڭگەنٸ قۇراسا, ونىڭ 23 ملن تەڭگەسٸ نەسيەگە الىنعان. ٸسكە قوسىلعانىنا بٸر-اق اي بولعان تسەحتا جىلىجايعا ارنالعان جابدىقتار شىعارىلادى.
مۇنان سوڭ باقىتجان ساعىنتاەۆ «جاباي اتا» شارۋا قوجالىعىنا اتباسىن بۇردى. بۇل قوجالىق جابىق توپىراق جاعدايىندا ساپالى قىزاناق سورتىن جىل مەزگٸلٸنٸڭ كٷزگٸ-قىسقى جەنە ەرتە كٶكتەمگٸ ۋاقىتتا زاماناۋي تەحنولوگييانى پايدالانا وتىرىپ ٶندٸرەتٸن شارۋاشىلىق بولىپ تابىلادى. 2009 جىلى قۇرىلعان قوجالىقتا بٷگٸنگە 20 گەكتار سۋارمالى جەرٸ بار. جوبانىڭ قۇنى 1,8 ملرد تەڭگەنٸ قۇرايدى. مۇندا جىلىنا 2250 توننا قىزاناق پەن قييار ٶنٸمدەرٸ ٶندٸرٸلەدٸ. ٶندٸرٸلگەن ٶنٸمنٸڭ 60 پايىزى ٸشكٸ نارىقتى قامتىسا, 40 پايىزى رەسەي فەدەراتسيياسىنا ەكسپورتتالادى.
ايتا كەتەيٸك, بٷگٸندە وبلىستاعى جىلىجايدىڭ جالپى كٶلەمٸ 1 325 گەكتارعا جەتكەن. ونىڭ 95,5 گەكتارى ٶنەركەسٸپتٸك, 1229,1 گەكتارى فەرمەرلٸك جىلىجاي سانالادى. ياعني, ەلٸمٸزدەگٸ جىلىجايلاردىڭ 84 پايىز ٷلەسٸ وڭتٷستٸك قازاقستان وبلىسىنا تيەسٸلٸ. 2017 جىلى ٶڭٸردەگٸ جىلىجايلاردان 174 مىڭ توننا كٶكٶنٸس ٶنٸمدەرٸ الىنعان. اتاپ ايتقاندا, 104,4 مىڭ توننا قييار, 69,6 مىڭ توننا قىزاناق ٶندٸرٸلدٸ. اعىمداعى جىلى ٶڭٸردە 214 گەكتار جىلىجاي سالۋ جوسپارلانۋدا.
ٷكٸمەت باسشىسى ساپار بارىسىندا «سارىاعاش جەر سىيى» جشس-نٸڭ تۇقىمباعىنا دا ايالدادى. شارۋا قوجالىعىنىڭ باسشىسى تاناباي شىنتاسوۆ باقىتجان ساعىنتاەۆقا سۋارمالى ەگٸنشٸلٸكتە جاڭا تەحنولوگييالاردىڭ قولدانىلۋى تۋرالى ەڭگٸمەلەپ بەردٸ. 2002 جىلى قۇرىلعان بۇل شارۋاشىلىقتاعى سۋارمالى جەر كٶلەمٸ 96,5 گەكتاردى قۇرايدى. مۇندا بٷگٸندە 200 مىڭ دانا جەمٸس پەن 700 مىڭ دانا جٷزٸم كٶشەتٸ جەنە ەليتالىق دەكوراتيۆتٸك اعاش كٶشەتتەرٸ ٶسٸرٸلۋدە. ٶندٸرٸلگەن ٶنٸمنٸڭ 60 پايىزى ٸشكٸ نارىقتى قامتىسا, 40 پايىزى قىرعىزستان جەنە ٶزبەكستان رەسپۋبليكالارىنا ەكسپورتتالۋدا. جىلىنا 100 ملن تەڭگەنٸڭ ٶنٸمٸن ٶندٸرەتٸن قوجالىقتا 48 ادام جۇمىسپەن قامتىلعان.
بۇدان كەيٸن قر پرەمەر-مينيسترٸ تۇقىمباقتا اۋىل شارۋاشىلىعى تاۋارٶندٸرۋشٸلەرٸمەن ارنايى جيىن ٶتكٸزدٸ. شارا بارىسىندا اٶك دامىتۋ بويىنشا اۋىل شارۋاشىلىعى مينيسترٸنٸڭ بٸرٸنشٸ ورىنباسارى ارمان ەۆنيەۆ بايانداما جاسادى. سونداي-اق, جيىندا «قازاگرو» ۇلتتىق كومپانيياسىنىڭ باسقارما تٶراعاسى نۇرلىبەك مالەلوۆ نەسيەلەندٸرۋ جٶنٸندە باياندادى.
بٷگٸندە ٶڭٸردە 8 ەليتالىق كٶشەت ٶندٸرەتٸن شارۋاشىلىق بار. سەگٸز كٶشەتباقتا ٶندٸرٸلگەن جەمٸستٸڭ كٶشەت سانى 2746,5 مىڭ دانا بولسا, 3469 مىڭ داناسى جٷزٸم كٶشەتٸ سانالادى. اتالعان سەگٸز كٶشەتباقتىڭ بەسەۋٸ سارىاعاش اۋدانىندا ورنالاسقان. ال, ماقتارال مەن قازىعۇرت اۋدانىندا جەنە شىمكەنت قالاسىندا 1 ملن 399 مىڭ دانا جەمٸس پەن 743 مىڭ دانا جٷزٸم كٶشەتٸ ٶندٸرٸلۋدە. ٶندٸرٸلگەن ورتا بويلى جەمٸس كٶشەتتەرٸ 2,4 مىڭ گەكتار القاپقا, 3469 مىڭ دانا جٷزٸم 2 مىڭ گەكتارعا ەگۋگە جەتەدٸ.
قازٸرگٸ تاڭدا وبلىستا ٶنٸم بەرۋ جاسىنداعى 15 مىڭ گەكتار جەمٸس بار. ونىڭ 1,404 مىڭ گەكتارى سارىاعاش اۋدانىندا جايقالىپ تۇر. ال, «سارىاعاش جەر سىيى» جشس-دە ٶسٸپ تۇرعان جەمٸستەر گەكتارىنا 80 تسەنتنەرگە دەيٸن ٶنٸم بەرۋگە قاۋقارلى. اۋدانداعى جەمٸستەر گەكتارىنا 50,7 تسەنتنەردەن ٶنٸم بەرە الادى. بىلتىرعى جىلى ٶڭٸردە جالپى الىنعان جەمٸس ٶنٸمٸنٸڭ كٶلەمٸ 86,2 مىڭ تونناعا جەتكەن.
