قازاقستان وليمپيادالىق قۇراما كومانداسىنىڭ كيٸم ٷلگٸسٸنٸڭ ديزاينىنا جارييالانعان اشىق كونكۋرس نەتيجەسٸ بەلگٸلٸ بولدى, دەپ حابارلايدى Olympic.kz.
14 قازان كٷنٸ قازاقستان ۇوك 2020 جىلى توكيو وليمپياداسىنا قاتىساتىن قازاقستان ۇلتتىق قۇراما كومانداسىنىڭ پارادتىق جەنە سپورتتىق كيٸم ٷلگٸسٸنٸڭ ديزاينىنا اشىق كونكۋرس باستالعانىن جارييالاعان بولاتىن.
نەتيجەسٸندە 19 قاتىسۋشى جۇمىسىن جٸبەرٸپ, ولار ۇوك سايتىنا شىعارىلدى. جەڭٸمپازداردى ارنايى كوميسسييا قۇرامى انىقتادى. ونىڭ قۇرامىنا قازاقستان ۇوك سپورت ديرەكتسيياسى مەن ۇلتتىق پاراليمپيادالىق كوميتەتٸنٸڭ ٶكٸلدەرٸ, قازاقستان ۇوك سپورتشىلار كوميسسيياسىنىڭ مٷشەلەرٸ كٸردٸ.
كوميسسييانىڭ قورىتىندى وتىرىسى بويىنشا «كازسپو-N» جشس Zibroo Active Sportswear «سپورتتىق فورما» جەنە «Marino Madi» ووو «پارادتىق فورما» جەڭٸمپاز دەپ تانىلدى. بايقاۋ جەڭٸمپازدارى اراسىندا وليمپيادالىق فورما ديزاينىنىڭ, تەحنولوگييالىق تالاپتارىنىڭ (ماتا, كەرەك-جاراقتار, گيگروسكوپييا, مەملەكەتتٸك رەمٸزدەردٸ قولدانۋ جەنە ت.ب.) تٷپكٸلٸكتٸ تۇجىرىمداماسى بويىنشا ودان ەرٸ جۇمىس جٷرگٸزٸلەتٸن بولادى.
پارادتىق جەنە سپورتتىق كيٸم ٷلگٸسٸن بەكٸتۋ ٷشٸن قازاقستاننىڭ وليمپيادالىق قۇراما كومانداسىنىڭ ٶكٸلدەرٸنەن تۇراتىن ارنايى كوميسسييا قۇرىلادى.
«كوميسسييا ٶتە جاقسى جۇمىس ٸستەدٸ. كونكۋرسقا قاتىسۋشىلار وليمپيادالىق فورمانىڭ بٸر ەمەس, بٸرنەشە ديزاين نۇسقاسىن ۇسىندى. قاتىسۋشىلاردىڭ بارلىعى قازاقستاندىق ديزاينەرلەر بولدى. بٸز ٷشٸن بۇل ٶتە قۋانىشتى جاعداي. سەبەبٸ, وليمپيادالىق فورمانى دايىنداۋدا وتاندىق مامانداردىڭ ٶنٸمدەرٸن قولداۋ بٸزدٸڭ باستى ماقساتىمىز بولاتىن.
ايتا كەتەرلٸگٸ, تاڭدالعان جۇمىستار حوك-تىڭ بارلىق تالاپ-نۇسقالارىنا سەيكەستەندٸرٸلٸپ ەلٸ دە جەتٸلدٸرٸلەدٸ. ال سوڭعى شەشٸمدٸ 2020 جىلى توكيودا ٶتەتٸن جازعى وليمپيادا ويىندارىنا قاتىساتىن سپورتشىلاردىڭ ٶزدەرٸ تاڭدايتىن بولادى», - دەيدٸ ۇوك رەسمي ٶكٸلٸ جٸگەر ەزبەرگەنوۆ.
قازاقستان ۇلتتىق قۇراما كومانداسىنىڭ وليمپيادالىق فورماسىنىڭ ديزاينى بيىل جازدا قازاقستان ۇوك رەسمي تانىستىرىلىمىندا كٶرسەتٸلەتٸن بولادى.
