Qazaqstan Olimpiadalyq qurama komandasynyń kiim úlgisiniń dizainyna jariialanǵan ashyq konkýrs nátijesi belgili boldy, dep habarlaidy Olympic.kz.
14 qazan kúni Qazaqstan UOK 2020 jyly Tokio Olimpiadasyna qatysatyn Qazaqstan Ulttyq qurama komandasynyń paradtyq jáne sporttyq kiim úlgisiniń dizainyna ashyq konkýrs bastalǵanyn jariialaǵan bolatyn.
Nátijesinde 19 qatysýshy jumysyn jiberip, olar UOK saityna shyǵaryldy. Jeńimpazdardy arnaiy komissiia quramy anyqtady. Onyń quramyna Qazaqstan UOK sport direktsiiasy men Ulttyq paralimpiadalyq komitetiniń ókilderi, Qazaqstan UOK sportshylar komissiiasynyń músheleri kirdi.
Komissiianyń qorytyndy otyrysy boiynsha «KazSPO-N» JShS Zibroo Active Sportswear «sporttyq forma» jáne «Marino Madi» OOO «paradtyq forma» jeńimpaz dep tanyldy. Baiqaý jeńimpazdary arasynda olimpiadalyq forma dizainynyń, tehnologiialyq talaptarynyń (mata, kerek-jaraqtar, gigroskopiia, memlekettik rámizderdi qoldaný jáne t.b.) túpkilikti tujyrymdamasy boiynsha odan ári jumys júrgiziletin bolady.
Paradtyq jáne sporttyq kiim úlgisin bekitý úshin Qazaqstannyń Olimpiadalyq qurama komandasynyń ókilderinen turatyn arnaiy komissiia qurylady.
«Komissiia óte jaqsy jumys istedi. Konkýrsqa qatysýshylar olimpiadalyq formanyń bir emes, birneshe dizain nusqasyn usyndy. Qatysýshylardyń barlyǵy qazaqstandyq dizainerler boldy. Biz úshin bul óte qýanyshty jaǵdai. Sebebi, olimpiadalyq formany daiyndaýda otandyq mamandardyń ónimderin qoldaý bizdiń basty maqsatymyz bolatyn.
Aita keterligi, tańdalǵan jumystar HOK-tyń barlyq talap-nusqalaryna sáikestendirilip áli de jetildiriledi. Al sońǵy sheshimdi 2020 jyly Tokioda ótetin jazǵy Olimpiada oiyndaryna qatysatyn sportshylardyń ózderi tańdaityn bolady», - deidi UOK resmi ókili Jiger Ázbergenov.
Qazaqstan ulttyq qurama komandasynyń olimpiadalyq formasynyń dizainy biyl jazda Qazaqstan UOK resmi tanystyrylymynda kórsetiletin bolady.
