پارلامەنت پالاتالارىنىڭ بٸرلەسكەن وتىرىسىندا قر كونستيتۋتسييالىق كەڭەسٸنٸڭ رەسپۋبليكاداعى كونستيتۋتسييالىق زاڭدىلىقتىڭ جاي-كٷيٸ تۋرالى جىل سايىنعى جولداۋى تىڭدالدى, دەپ حابارلايدى قازاقپارات.
«بيىلعى جىل قازاقستان رەسپۋبليكاسى مەملەكەتتٸك تەۋەلسٸزدٸگٸنٸڭ 30 جىلدىعىمەن ەرەكشەلەنٸپ وتىر. ۇلى دالا ەلٸنٸڭ دەربەس مەملەكەتتٸلٸگٸن قالىپتاستىرۋداعى شەشۋشٸ قادامدار ەلٸمٸزدٸڭ تۇڭعىش پرەزيدەنتٸ-ەلباسى نۇرسۇلتان نازارباەۆتىڭ باستاۋىمەن 1995 جىلى 30 تامىزدا بٷكٸلحالىقتىق رەفەرەندۋمدا قابىلدانعان قولدانىستاعى وسى كونستيتۋتسييا اياسىندا جٷزەگە اسىرىلدى. قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ اتاپ ٶتكەندەي, «وسىناۋ تولاعاي تابىستاردىڭ بەرٸنە ەلباسىنىڭ دارا كٶشباسشىلىعىنىڭ ھەم حالقىمىزدىڭ دانالىعى مەن پاراساتىنىڭ, بٸرلٸگٸ مەن ىنتىماعىنىڭ, وتانداستارىمىزدىڭ قاجىرلى ەڭبەگٸنٸڭ ارقاسىندا قول جەتكٸزدٸك», - دەدٸ كونستيتۋتسييالىق كەڭەستٸڭ تٶراعاسى قايرات مەمي.
ونىڭ ايتۋىنشا, جاقىندا بەكٸتٸلگەن قازاقستان رەسپۋبليكاسىنىڭ 2025 جىلعا دەيٸنگٸ ۇلتتىق دامۋ جوسپارى, قازاقستان رەسپۋبليكاسىنىڭ 2025 جىلعا دەيٸنگٸ جالپىۇلتتىق باسىمدىقتارى, قازاقستان رەسپۋبليكاسىندا مەملەكەتتٸك باسقارۋدى دامىتۋدىڭ 2030 جىلعا دەيٸنگٸ تۇجىرىمداماسى تيٸستٸ مڭندەتتەردٸ شەشۋگە قىزمەت ەتەدٸ. بەكٸتٸلدٸ. بۇل قۇجاتتاردى ٸسكە اسىرۋ قازٸرگٸ كەزەڭنٸڭ سىن-قاتەرلەرٸن ەڭسەرۋگە باعىتتالعان جەنە ورتا مەرزٸمدٸ پەرسپەكتيۆادا, حالىقتىڭ تۇرمىس ساپاسى مەن تابىسىنىڭ شىنايى ارتۋىمەن قوسا جٷرەتٸن, ەلدٸڭ ورنىقتى جەنە ساپالى ەكونوميكالىق ٶسۋ جولىنا باعىت الۋىن قامتاماسىز ەتۋگە ارنالعان.
«مەملەكەتتٸك ەگەمەندٸكتٸڭ نەگٸزگٸ دٸڭگەكتەرٸن ايقىنداۋدا جەنە ٸسكە اسىرۋدا كونستيتۋتسييالىق كەڭەستٸڭ شەشٸمدەرٸ ماڭىزدى رٶل اتقارادى. كونستيتۋتسييالىق كەڭەستٸڭ قاۋلىلارىندا ەلدٸڭ كونستيتۋتسييالىق قۇرىلىسىنىڭ نەگٸزدەرٸ, ادامنىڭ جەنە ازاماتتىڭ قۇقىقتارى مەن بوستاندىقتارىن قورعاۋ, رەسپۋبليكا پرەزيدەنتٸنٸڭ, پارلامەنتتٸڭ, ٷكٸمەتتٸڭ مەرتەبەسٸ مەن ٶكٸلەتتٸكتەرٸ, بيلٸك تارماقتارىنىڭ ٶزارا قارىم-قاتىناسى, زاڭ شىعارۋ پروتسەسٸ, سوتتاردىڭ جەنە ٶزگە دە مەملەكەتتٸك ورگانداردىڭ قۇزىرەتٸ مەن قىزمەتٸنٸڭ مازمۇندارى جان-جاقتى تٷسٸندٸرٸلدٸ», - دەدٸ قايرات مەمي.
كونستيتۋتسييالىق كەڭەس ەلدە قۇقىقتىق مەملەكەت قاعيداتتارىن نىعايتۋ جٶنٸندە ناقتى ۇسىنىستار ەنگٸزدٸ.
«كونستيتۋتسييالىق كەڭەستٸڭ شەشٸمدەرٸن ورىنداۋ پروتسەسٸ جالعاسۋدا. رەسپۋبليكا پرەزيدەنتٸ مەلٸمدەگەن جەنە جٷرگٸزٸپ وتىرعان قوعام مەن مەملەكەتتٸ ودان ەرٸ دەموكراتييالاندىرۋ باعىتى كونستيتۋتسييالىق باقىلاۋ ورگانىنىڭ رٶلٸن ارتتىرۋدى جەنە كونستيتۋتسييالىق كەڭەس تۋرالى زاڭنامانى جەتٸلدٸرۋدٸ تالاپ ەتەدٸ.
ازاماتتاردىڭ كونستيتۋتسييالىق باقىلاۋعا قول جەتكٸزۋٸن كەڭەيتۋ قاجەت.
بۇل باعىتتا سوتتاردىڭ كونستيتۋتسييالىق كەڭەسكە ٶتٸنٸش جاساۋ تەرتٸبٸن, تاراپتاردىڭ قولدانىستاعى زاڭنىڭ كونستيتۋتسييالىعىن تەكسەرۋ تۋرالى ٶتٸنٸشتەرٸن قاراۋ تەرتٸبٸن وڭتايلاندىرۋ ٶزەكتٸ. ەۋروپا كەڭەسٸنٸڭ ۆەنەتسييا كوميسسيياسى بۇل مەسەلەلەر بويىنشا وڭ قورىتىندىسىن بەردٸ», - دەدٸ ول.
