قاراعاندى گارنيزونىنداعى ەسكەري پوليتسييا بٶلٸمٸنٸڭ وفيتسەرٸ اعا لەيتەنانت زاڭعار ەلكەنوۆ «قاراعاندى-جاڭاارقا» باعىتى بويىنشا 200 شاقىرىمدىق ۋلترامارافوندا ٷزدٸك كٶرسەتكٸشكە جەتتٸ. ول مەرەنٸ 35 ساعات 11 مينۋت 52 سەكۋنتتا باعىندىرىپ, قر قارۋلى كٷشتەرٸ وفيتسەرلەرٸنٸڭ اراسىندا جاڭا رەكورد ورناتتى, دەپ حابارلايدى "ۇلت اقپارات" قر قم باسپاسٶز قىزمەتٸنە سٸلتەمە جاساپ.
وفيتسەر قاراعاندى گارنيزونى ەسكەري پوليتسييا بٶلٸمٸنٸڭ باقىلاۋ- ٶتكٸزۋ پۋنكتٸنەن باستادى. 200 شاقىرىمدى 48 ساعاتتىڭ ٸشٸندە ەڭسەرۋدٸ جوسپارلاعان ول, مارافوندى بەلگٸلەنگەن ۋاقىتىنان بۇرىن اياقتادى.
مارافون بارىسى جٷگٸرۋشٸنٸڭ باعىتى مەن ۋاقىتىن ونلاين رەجيمٸندە قاداعالاۋعا بولاتىن ناۆيگاتسييالىق پلاتفورمانىڭ كٶمەگٸمەن باقىلاندى.
بارلىق قاشىقتىقتا ەسكەري قىزمەتشٸنٸڭ جانىندا مەديتسينالىق ماماندار مەن ەسكەري پوليتسييا ورگاندارىنىڭ ٶكٸلدەرٸ جٷردٸ.
«مارافوننىڭ بٸرٸنشٸ كٷنٸ 100 شاقىرىم قاشىقتىقتى جٷرٸپ ٶتۋدٸ جوسپارلادىم, بٸراق ٶزٸمدٸ جاقسى كٶرسەتكٸشكە قول جەتكٸزەتٸنٸمدٸ سەزٸنٸپ 130 شاقىرىم قاشىقتىقتى جٷرٸپ ٶتتٸم. ەكٸنشٸ كٷنگە 70 شاقىرىم قاشىقتىقتى قالدىردىم. ەڭ قيىنى سوڭعى 20 شاقىرىم بولدى, الايدا مەن ونى جەڭدٸم», - دەيدٸ زاڭعار ەلكەنوۆ.
مەرەدە وفيتسەردٸ تۋعان-تۋىستارى مەن ەرٸپتەستەرٸ, سونداي-اق جاڭاارقا اۋدانىنىڭ تۇرعىندارى قارسى الدى.
ايتا كەتۋ كەرەك, اعا لەيتەنانت زاڭعار ەلكەنوۆ – قازاق كٷرەسٸنەن قازاقستان رەسپۋبليكاسىنىڭ سپورت شەبەرٸ, دزيۋدو مەن سامبودان سپورت شەبەرٸنە ٷمٸتكەر. العاش رەت 15 شاقىرىم قاشىقتىقتى, سودان كەيٸن 21, 42, 75, 83 شاقىرىم قاشىقتىقتى باعىندىرعان. ال قازٸرگٸ ۋلترامارافونعا دەيٸنگٸ ەڭ ۇزىن قاشىقتىعى 130 شاقىرىم بولعان.
ەسكەري قىزمەتشٸگە 200 شاقىرىمدىق ۋلترامارافوندى باعىندىرعانىن دەلەلدەيتٸن سەرتيفيكات پەن تيٸستٸ قۇجاتتار رەسٸمدەلگەننەن كەيٸن بەرٸلەدٸ.
