قازٸرگٸ تاڭدا ەلٸمٸزدە دەرٸ-دەرمەكتٸ زاڭسىز ساتۋدىڭ 17 جاعدايى بويىنشا سوتقا دەيٸنگٸ تەرگەۋ امالدارى جٷرگٸزٸلٸپ جاتىر, دەپ حابارلايدى قازاقپارات.
«ەڭ الدىمەن قر زاڭىن بۇزا وتىرىپ, دەرٸ-دەرمەكتٸ ساتۋعا باعىتتالعان جەدەل شارالار تۋرالى ايتا كەتكٸم كەلەدٸ. اتالعان جۇمىستىڭ بارىسىندا حالىقتىڭ دەرٸ-دەرمەككە مۇقتاجدىعىن پايدالانعان دەرٸحانا قىزمەتكەرلەرٸ مەن جەكەلەگەن ازاماتتاردىڭ ەرەكەتٸنە توسقاۋىل قويىلدى. قازٸر قىلمىستىق كودەكستٸڭ 274-بابى (زاڭسىز كەسٸپكەرلٸك) بويىنشا 17 فاكتٸگە قاتىستى سوتقا دەيٸنگٸ تەرگەۋ امالدارى باستالدى», - دەدٸ وكق-دا ٶتكەن باسپاسٶز مەسليحاتىندا ٸشكٸ ٸستەر ۆيتسە-مينيسترٸ الەكسەي كالايچيدي.
ٸشكٸ ٸستەر ۆيتسە-مينيسترٸ بٷگٸن تاڭەرتەڭ دەنساۋلىق ساقتاۋ مينيسترٸ الەكسەي تسوي جارييا ەتكەن فاكتٸلەردٸ راستادى.
«بۇل جۇمىس جاۋاپتى ورگاندارمەن بٸرگە كٷن سايىن كٷشەيتٸلەدٸ. ٶڭٸرلەردٸڭ بەرٸندە دە تيٸستٸ جەدەل شتابتار قۇرىلدى. ول شتابتاردا قاجەتتٸ قۇزىرەتتەر مەن رەسۋرستار بار. سول سەبەپتٸ دەرٸ-دەرمەكتٸ زاڭسىز ساتۋعا جول بەرٸلمەيتٸنٸن ايتا وتىرىپ, وعان جول بەرگەندەرگە قۇقىقتىق جاۋاپكەرشٸلٸك بارىن ەسكە سالامىز. مورالدىق جاۋاپكەرشٸلٸكتٸ دە ۇمىتپايىق», - دەدٸ ول.
