قر دسم تاۋارلار مەن قىزمەتتەر قاۋٸپسٸزدٸگٸ جەنە ساپاسىن باقىلاۋ كوميتەتٸنٸڭ تٶرايىمى ليۋدميلا بيۋرابەكوۆا ازىق-تٷلٸكتەردە انىقتالعان بۇزۋشىلىقتار تۋرالى ايتتى, دەپ حابارلايدى قازاقپارات.
ليۋدميلا بيۋرابەكوۆانىڭ ايتۋىنشا, بۇل كوميتەت وسى جىلدىڭ سەۋٸر ايىندا قازاقستاننىڭ تۇڭعىش پرەزيدەنتٸ نۇرسۇلتان نازارباەۆتىڭ تاپسىرماسىنا سەيكەس قۇرىلعان. كوميتەت مٸندەتتەرٸنٸڭ بٸرٸ - تاماق ٶنٸمدەرٸنٸڭ قاۋٸپسٸزدٸگٸ بويىنشا جۇمىس.
«كٷن سايىن بٸزدٸڭ بارلىق اۋماقتىق دەپارتامەنت قىزمەتكەرلەرٸ ازىق-تٷلٸك ساپاسىنا زەرتتەۋلەر جٷرگٸزەدٸ. ٶنٸمدەرگە قويىلاتىن تالاپتارعا سەيكەس كەلمەيتٸن ٶنٸمدەردٸ ٸرٸكتەپ, تالداۋ جاسايدى. اعىمداعى جىلدىڭ وسى كەزەڭٸندە تاماق ٶنٸمدەرٸ مەن ازىق-تٷلٸككە جاتپايتىن ٶنٸمدەردٸڭ 43 مىڭ سىناماسى ٸرٸكتەلٸپ الىندى جەنە 19,6% جاعدايدا تەحنيكالىق رەگلامەنتتەر مەن گيگيەنالىق نورماتيۆتەردٸڭ تالاپتارىنا سەيكەس كەلمەۋٸ انىقتالدى. كٶپتەگەن بۇزۋشىلىقتار تاڭبالاۋ ەرەجەسٸندە انىقتالدى - 68,3%, قاۋٸپسٸزدٸك تالاپتارىن ساقتاماۋ - 12,4%, مەلٸمدەلگەن قاسيەتتەرگە نەمەسە فيزيكا-حيمييالىق پارامەترلەرگە سەيكەس كەلمەۋ - 6,3% », - دەدٸ ول.
ونىڭ مەلٸمەتٸ بويىنشا, اعىمداعى جىلى انىقتالعان بۇزۋشىلىقتارعا 56 ملن. تەڭگەدەن استام ايىپپۇل سالىندى, 38 مىڭ توننا جارامسىز تاۋار اينالىمنان الىندى.
«سەيكەسسٸزدٸكتەر مەن جالعان ٶنٸمدەردٸڭ كٶپشٸلٸگٸ سٷت جەنە ماي ٶنٸمدەرٸندە كەزدەسەدٸ. تابيعي ٶنٸمدەر دەپ كٶرسەتەدٸ دە, الايدا قۇرامىندا ٶسٸمدٸك مايى بار تاعامداردى ساتادى», - دەپ تولىقتىردى ليۋدميلا بيۋرابەكوۆا.
سونداي-اق, ول بٸزدٸڭ ەلدە كونترافاكتٸلٸك ٶنٸمدەر ٷشٸن قىلمىستىق جاۋاپكەرشٸلٸك قاراستىرىلماعانىن, بٸراق ەكٸمشٸلٸك جازا قولدانىلاتىنىن ايتتى.
ەستەرٸڭٸزگە سالايىق, الماتىدا «اليمەنتاريۋس كودەكسٸ» كوميسسيياسىنىڭ ەۋروپا بويىنشا ٷيلەستٸرۋ كوميتەتٸنٸڭ 31-شٸ سەسسيياسى باستالدى. وعان ەۋروپانىڭ 38 ەلٸنەن, اقش, افريكا جەنە ازييادان ەكٸ جٷزگە جۋىق دەلەگات قاتىسۋدا.
