بٷگٸن فۋتبولدان پرەمەر-ليگا كوماندالارى اراسىنداعى ەل بٸرٸنشٸلٸگٸنٸڭ ون بەسٸنشٸ تۋرى باستالادى, دەپ حابارلايدى "ۇلت اقپارات".
ويىندار 12 جەنە 13 ماۋسىم كٷندەرٸنە بەلگٸلەنگەن. العاشقى كٷنٸ تٶرت جۇپ كەزدەسسە, ەكٸنشٸ كٷنٸندە ٷش ماتچ ٶتەدٸ.
اتالعان تۋردىڭ شىمىلدىعى 12 ماۋسىمدا 18.00-دە «جەتٸسۋ» (تالدىقورعان) مەن «كاسپيي» (اقتاۋ) كوماندالارى كەزدەسۋٸمەن اشىلادى. ودان كەيٸن 19.00-دە «اقتٶبە» مەن «اتىراۋ», 20.00-دە «اقجايىق» (ورال) مەن «ورداباسى» (شىمكەنت), 21.00-دە «شاحتەر» (قاارعاندى) مەن «قىزىلجار» (پەتروپاۆل) كەزدەسۋلەرٸمەن جالعاسادى.
ال 13 ماۋسىمدا 19.00-دە «تاراز» بەن «قايرات» (الماتى), «استانا» (نۇر-سۇلتان) مەن «توبىل» (قوستاناي) ويىندارى بولادى. بۇل تۋردى 21.00-دە «قايسار» (قىزىلوردا) مەن «تۇران» (تٷركٸستان) كەزدەسۋٸ تٷيٸندەيدٸ.
ەسكە سالساق, بۇدان بۇرىنعى ون تٶرتٸنشٸ تۋر 28 جەنە 29 مامىر كٷندەرٸ وينالدى. ودان كەيٸن ۇلتتىق قۇرامانىڭ جولداستىق كەزدەسۋٸنە وراي ەل بٸرٸنشٸلٸگٸندە ازداعان ٷزٸلٸس بولدى.
ون تٶرتٸنشٸ تۋردان كەيٸن 34 ۇپايمەن «استانا» كٶش باستاپ كەلەدٸ. ودان كەيٸنگٸ ورىندارداعى «توبىلدىڭ» 31, «قايراتتىڭ» 24 ۇپايى بار.
