بٷگٸن فۋتبولدان پرەمەر-ليگا كوماندالارى اراسىنداعى ەل بٸرٸنشٸلٸگٸنٸڭ 19-تۋرىندا ەكٸ ويىن ٶتكٸزٸلدٸ, دەپ حابارلايدى "ۇلت اقپارات".
اتالعان تۋردىڭ شىمىلدىعى ەلوردالىق «استانا» مەن قاراعاندىنىڭ «شاحتەر», الماتىنىڭ «قايرات» جەنە «اتىراۋ» كوماندالارى كەزدەسۋلەرٸمەن تٷرٸلدٸ. قاتار ٶتكەن ەكٸ ويىن دا گولداردىڭ كٶپ سوعىلۋىمەن ەرەكشەلەندٸ.
«استانا» مەن «شاحتەر» كەزدەسۋٸ تارتىسقا تولى بولدى. ەكٸ كوماندا بارلىعى جەتٸ گول سوعىپ كەتتٸ. الدىمەن ەلوردالىق كلۋبتان ماكس ەبونگ - 6, ۆالەريي چۋپەركا 26-مينۋتتاردا مەرگەندٸگٸمەن كٶزگە تٷستٸ. بۇدان كەيٸن قاراعاندىلىق كوماندادان يۆان سۆيريدوۆ 41-مينۋتتا ەسەپ ايىرماسىن قىسقارتتى. ەلوردالىق ابات ايىمبەتوۆ 55-مينۋتتا گول سوقسا, قاراعاندىلىق گەۆورگ نادجاريان 63-مينۋتتا كٶزگە تٷستٸ. «استانا» ساپىنان تيگران بارسەگيان 77-مينۋتتا قاقپانى دەل كٶزدەسە, وعان قاراعاندىلىق ەسكەندٸر قىبىراي 78-مينۋتتا بٸر گولمەن جاۋاپ قايىردى.
وسىلايشا «استانا» قارسىلاسىن 4:3 ەسەبٸمەن تٸزە بٷكتٸرٸپ, تۋرنير كەستەسٸندە 41 ۇپايمەن قايتادان كٶش باسىنا شىقتى.
ال الماتىلىق «قايرات» ٶز الاڭىندا «اتىراۋدى» 5:0 ەسەبٸمەن تٸزە بٷكتٸردٸ. ويىن بارىسىندا الماتىلىق ارتۋر شۋشەناچەۆ 29, 60-مينۋتتاردا قوس گولدىڭ اۆتورى اتاندى. ال حوسە كونتە 57, گۋلجيگيت الىقۇلوۆ 69, كامو وگانەسيان 93-مينۋتتاردا ەسەپ ايىرماسىن ۇلعايتتى.
ەسكە سالساق, بٷگٸن اتالعان تۋردا تاعى بٸر كەزدەسۋ ٶتكٸزٸلۋدە. «اقتٶبە» ٶز الاڭىندا «اقجايىق» (ورال) كومانداسىن قابىلداۋدا.
ەندٸ 3 شٸلدەدە ساعات 18.00-دە «جەتٸسۋ» (تالدىقورعان) مەن «قىزىلجار» (پەتروپاۆل), 21.00-دە «قايسار» (قىزىلوردا) مەن «ورداباسى» (شىمكەنت), 20.00-دە «تۇران» (تٷركٸستان) مەن «توبىل» (قوستاناي) ويىندارى ٶتكٸزٸلەدٸ.
