بٷگٸن فۋتبولدان پرەمەر-ليگا كوماندالارى اراسىنداعى ەل بٸرٸنشٸلٸگٸنٸڭ ون جەتٸنشٸ تۋرىنىڭ العاشقى ويىن كٷنٸ اياقتالدى, دەپ حابارلايدى "ۇلت اقپارات".
ەسكە سالساق, بۇعان دەيٸن اتالعان تۋرداعى ەكٸ ويىن نەتيجەسٸ بەلگٸلٸ بولدى. ەلوردادا «استانا» شىمكەنتتٸڭ «ورداباسى» كلۋبىنان 0:2 ەسەبٸمەن جەڭٸلسە, ودان كەيٸن ورالدا «اقجايىق» پەن قاراعاندىنىڭ «شاحتەرٸ» 1:1 ەسەبٸمەن تەڭ تٷستٸ.
ٷشٸنشٸ ويىندا «اقتٶبە» ٶز الاڭىندا پەتروپاۆلدىڭ «قىزىلجار» كومانداسىن قابىلدادى. اتالعان كەزدەسۋدە الدىمەن پەتروپاۆلدىق كوماندادان داركو زوريچ 68-مينۋتتا ەسەپ اشسا, ودان كەيٸن 81-مينۋتتا اقتٶبەلٸك يۋريي لوگۆينەنكو تارازى باسىن تەڭەستٸردٸ. كەزدەسۋ 1:1 ەسەبٸمەن تەڭ اياقتالدى.
ايتا كەتەيٸك, اتالعان تۋرداعى قالعان تٶرت ويىن 23 ماۋسىمدا ٶتكٸزٸلەدٸ. بۇل كٷنٸ «جەتٸسۋ» (تالدىقورعان) مەن «اتىراۋ», «قايرات» (الماتى) مەن «كاسپيي» (اقتاۋ), «تاراز» بەن «تۇران» (تٷركٸستان), «قايسار» (قىزىلوردا) مەن «توبىل» (قوستاناي) شەبەرلٸك بايقاسادى.
