"جٸگٸتتەر" توبىنىڭ ەنشٸسٸ ەردوس قاناەۆ ٶزٸ اسىراپ جٷرگەن يتٸنەن ايىرىلعانىن ايتىپ, ەلەۋمەتتٸك جەلٸدە جان سىرىن اقتاردى. ٶنەر يەسٸنٸڭ سٶزٸنشە, بەلگٸسٸز جٷرگٸزۋشٸ جانۋاردى كٶلٸكپەن قاعىپ كەتكەن. بۇل جاعداي ەنشٸگە اۋىر تيگەن, دەپ حابارلايدى ult.kz.
ەردوس قاناەۆ Instagram جەلٸسٸندەگٸ جازباسىندا تٶرت اياقتى سەرٸگٸنە ەرەكشە باۋىر باسقانىن جەتكٸزدٸ. ول ٷي جانۋارىن جوعالتقان ادامنىڭ قايعىسىن كٶپشٸلٸك بٸردەي تٷسٸنە بەرمەيتٸنٸن دە جاسىرمادى. ەنشٸ ٶزٸنٸڭ جانۋارلارعا دەگەن مەيٸرٸمٸن ٶزگەلەر قالاي قابىلدايتىنىنا قاراماستان, ٸشٸندەگٸ ٶكٸنٸشٸن بٶلٸسۋدٸ جٶن كٶرگەن.
"يە, مەن سوندايمىن ەندٸ. جاناشىرلىق بولار, مەيٸرٸمدٸلٸك بولار. بٸرەۋگە كٷلكٸلٸ بولار. پابليك پاراقشالار دا جەردەن جەتٸ قويان تاپقانداي جارىسىپ جازار", – دەدٸ ول.
ٶنەر يەسٸنٸڭ ايتۋىنشا, ەڭ اۋىرى – جانۋارىنىڭ كٶلٸك استىندا قالعانىن ٶز كٶزٸمەن كٶرۋٸ.
"مىناعان نە بولدى يتتٸ جوقتاپ» دەيتٸندەر دە تابىلار قازٸر. بٸراق كٶز الدىڭدا قاڭسىلاتىپ, ٶلتٸرٸپ كەتكەنٸ اۋىر تيدٸ. «يت دوسىڭا اينالسا جاقسى, بٸراق دوسىڭ يتكە اينالسا جامان» دەۋشٸ ەدٸ. جەتٸ قازىنانىڭ بٸرٸ دەپ تە بەكەر ايتپاعان", – دەپ جازدى ەنشٸ.
ەردوس قاناەۆ يتٸنٸڭ ٶزٸنە قانشالىقتى جاقىن بولعانىن دا ەسكە الدى. ونىڭ سٶزٸنشە, جانۋارى كٶڭٸل كٷيٸ بولماعان سەتتەردە قاسىنان تابىلىپ, ٷنسٸز عانا قاراپ تۇراتىن. ەنشٸ وسى قاراپايىم سەتتەردٸڭ ٶزٸ قازٸر ٷلكەن ساعىنىشقا اينالعانىن اڭعارتتى.
ول جانۋارلاردىڭ ادامعا دەگەن شەكسٸز ادالدىعىنا ەرەكشە توقتالدى.
"يت بايعۇسقا بەرٸلگەن ٷلكەن بٸر نىعمەتٸ يەسٸنە ادال بولۋى ەكەن. كەيدە ادامنان وسى قاسيەت كەتكەندە, وسى بٸر حايۋاننىڭ ادالدىعىن كٶرٸپ ٸشٸمنەن تاڭداي قاعاتىنمىن. نەتكەن ادالدىق? دەپ", – دەدٸ ٶنەر يەسٸ.
ەنشٸ جازباسىنىڭ سوڭىندا يتٸن قاعىپ كەتكەن جٷرگٸزۋشٸگە دە ٷن قاتتى.
"مەيٸرٸمسٸز جان! ەسٸك الدىمنان ەلٸ تالاي ٶتەرسٸڭ. سول كەزدە قانداي سەزٸمدە بولار ەكەنسٸڭ?", – دەپ جازدى ول.
وسىلايشا, ەردوس قاناەۆ ٶزٸ ٷشٸن جاي عانا ٷي جانۋارى ەمەس, ادال سەرٸگٸنە اينالعان يتٸنەن ايىرىلۋدىڭ قانشالىقتى اۋىر ەكەنٸن جەتكٸزدٸ.
ەزٸرگە وقيعاعا قاتىسى بار جٷرگٸزۋشٸنٸڭ كٸم ەكەنٸ بەلگٸسٸز. سونداي-اق ەنشٸنٸڭ قۇقىق قورعاۋ ورگاندارىنا جٷگٸنگەنٸ تۋرالى رەسمي مەلٸمەت جارييالانعان جوق.
ەردوس قاناەۆ كٸم?
ەردوس قاناەۆ – قازاقستاندىق ەنشٸ, كٶپشٸلٸككە "جٸگٸتتەر" كۆارتەتٸنٸڭ مٷشەسٸ رەتٸندە تانىلعان ٶنەر يەسٸ. ول تٷركٸستان وبلىسىنىڭ ورداباسى اۋدانىنا قاراستى شۇبار اۋىلىندا دٷنيەگە كەلگەن. جوعارى وقۋ ورنىندا قازاق تٸلٸ مەن ەدەبيەتٸ پەنٸنٸڭ مۇعالٸمٸ ماماندىعى بويىنشا بٸلٸم العان. مەكتەپ قابىرعاسىندا بولاشاق ەنشٸلەر ەركٸن نۇرجانوۆ جەنە اسقار جٷنٸسبەكوۆپەن بٸرگە تريو قۇرىپ, ٶنەر كٶرسەتكەن. سول كەزدەرٸ ەردوس پەن اسقار دومبىرا, ال ەركٸن بايان اسپابىندا ويناعان.
ونىڭ كەسٸبي شىعارماشىلىق جولى 2003 جىلى قۇرىلعان "جٸگٸتتەر" كۆارتەتٸمەن تىعىز بايلانىستى. سول جىلى توپ "اراي" رەسپۋبليكالىق بايقاۋىندا باس جٷلدە يەلەنگەن.
كەيٸن كۆارتەت "ەركە قىز" ەنٸمەن تانىلىپ, 2006 جىلى الماتىدا العاشقى جەكە كونتسەرتٸن ٶتكٸزگەن.
ەردوس قاناەۆ ەن ورىنداۋمەن قاتار, ەن مەتٸندەرٸنٸڭ اۆتورى رەتٸندە دە بەلگٸلٸ. ٶنەر يەسٸ تەلەباعدارلامالار مەن سۇحباتتاردا وتباسى, بالا تەربيەسٸ جەنە ادامگەرشٸلٸك قۇندىلىقتارى تۋرالى ويلارىن جيٸ بٶلٸسەدٸ.
