سەناتتاعى پارلامەنتتٸك تىڭداۋدا دەپۋتات مۇحتار جۇماعازيەۆ جەكە كٶتەرمە-تاراتۋ ورتالىقتارى ٶز جۇمىسى بارىسىندا بٸرقاتار قيىنشىلىقتارعا تاپ بولعانىن ايتتى, دەپ حابارلايدى قازاقپارات.
«اگرارلىق سەكتوردىڭ باستى ماقساتىن ايتاتىن بولساق, ول- مەملەكەتتٸڭ ازىق-تٷلٸك قاۋٸپسٸزدٸگٸن قامتاماسىز ەتۋ. قازٸرگٸ پاندەمييا كەزٸندە ەلەمدە ازىق-تٷلٸك ينفلياتسيياسىنىڭ ٶسۋٸ بٸزدٸڭ ەلگە دە ەسەرٸن تيگٸزدٸ. مەسەلەن, بيىلعى جىلعى قازان ايىنىڭ قورىتىندىسى بويىنشا جىلدىق ينفلياتسييا 8,9%-دى قۇرادى. بۇل رەتتە باعانىڭ جىلدىق ٶسۋٸنە سالىمنىڭ جارتىسىنان كٶبٸن ازىق-تٷلٸك ينفلياتسيياسى قۇرادى. باعانىڭ تۇراقتى ٶسۋٸ مەن ينفلياتسييالىق كٷتۋلەردٸڭ جوعارى بولۋىنا بايلانىستى پرەزيدەنت ازىق-تٷلٸك تاۋارلارىنىڭ تيٸمدٸ باعاسىن قالىپتاستىرۋ مەن بٶلۋدٸ قامتاماسىز ەتۋدٸ تاپسىردى. بۇل رەتتە اۋىلشارۋاشىلىق تاۋار ٶندٸرۋشٸلەرٸنٸڭ ٶز ٶنٸمدەرٸن ساتۋ باعاسىنا ايتارلىقتاي ەسەر ەتە المايتىندىعىن جەنە كٶبٸنەسە ساتىپ الۋ ۇيىمدارىنىڭ باعالارىن قابىلداۋعا مەجبٷر بولاتىندىعىن اتاپ ٶتكەن جٶن», - دەدٸ م. جۇماعازيەۆ «اۋىل شارۋاشىلىعىن دامىتۋدىڭ ٶزەكتٸ مەسەلەلەرٸ مەن پەرسپەكتيۆالارى» تاقىرىبىنا ارنالعان پارلامەنتتٸك تىڭداۋدا.
ونىڭ پايىمىنشا, وسىلايشا, اۋىلشارۋاشىلىق ٶنٸمدەرٸنٸڭ باعاسى ٶسۋٸنٸڭ سەبەپتەرٸ شاعىن جەنە اۋىل شارۋاشىلىعىنىڭ بارلىق ٶنٸمٸنٸڭ 41,5%-ىن قامتاماسىز ەتەتٸن جەكە قوسالقى شارۋاشىلىقتاردىڭ ٶز ٶنٸمدەرٸنٸڭ ساتۋ مٷمكٸندٸكتەرٸنٸڭ شەكتەۋلۋٸمەن قوسا, ٶنٸمدەر ساۋدا ورىندارىنا دەلدالدار ارقىلى ٶتۋٸندە.
«مەملەكەتتٸك ورگاندار بۇل مەسەلەنٸ كٶتەرمە-تاراتۋ ورتالىقتارىن سالۋ ارقىلى شەشٸلەتٸنە سەنٸمدٸ, الايدا قازٸردٸڭ ٶزٸندە ٶڭٸرلەردە قىزمەت كٶرسەتٸپ وتىرعان بٸرنەشە جەكە كٶتەرمە-تاراتۋ ورتالىقتارى ٶز جۇمىسى بارىسىندا بٸرقاتار قيىنشىلىقتار كەشۋدە», - دەدٸ سەناتور.
وسى ورايدا ول كٶتەرمە-تاراتۋ ورتالىقتارىنىڭ مەرتەبەسٸ جەنە ونىڭ قىزمەتٸنە قاتىستى نورماتيۆتٸك قۇقىقتىق بازانىڭ جوقتىعى, مەملەكەتتٸك ەرٸ جەرگٸلٸكتٸ اتقارۋشى ورگاندارى, اۋىلشارۋاشىلىق تاۋار ٶندٸرۋشٸلەرٸ جەنە جەكە قوسالقى شارۋاشىلىقتارى اراسىندا ٶزارا ٸس-قيمىلدىڭ بولماۋى مەسەلەسٸن اتادى.
«ٶندٸرۋشٸلەردەن ورتالىقتارعا دەيٸنگٸ تٸزبەكتٸڭ ەر بۋىنى بويىنشا ٶنٸمدٸ جەتكٸزۋ تەتٸگٸ پىسىقتالماۋى سىندى باسقا دا مەسەلەلەرٸ جوق ەمەس», - دەدٸ دەپۋتات.
وسىعان بايلانىستى زاڭنامالىق بازانى جەتٸلدٸرۋ ماقساتىندا تيٸستٸ ۇسىنىستار جاسالدى:
- «كٶتەرمە-تاراتۋ ورتالىقتارىنىڭ قۇرىلىسى» جوباسىنىڭ پاسپورتىنا عيمارات قۇرىلىسى مەن جابدىق ساتىپ الۋ قۇنىنان ينۆەستيتسييالىق سالىمداردى ٶتەۋدٸ 25% سۋبسيدييالاۋدى ەنگٸزۋ;
- مٸندەتتەمەلەر بٶلٸگٸندە اگروٶنەركەسٸپتٸك كەشەنٸن سۋبسيدييالاۋ قاعيدالارى تۋرالى اۋىل شارۋاشىلىق مينيسترٸنٸڭ بۇيرىعىنا ٶزگەرٸستەر ەنگٸزۋ نەمەسە سۋبسيدييالانعان شارۋالار ٶندٸرگەن ٶنٸمنٸڭ بەلگٸلٸ بٸر كٶلەمٸن كٶتەرمە-تاراتۋ ورتالىقتارىنا جەتكٸزۋدٸ مٸندەتتەۋ;
- ەلدە ٶندٸرٸلەتٸن اۋىل شارۋاشىلىعى تاۋارلارىنىڭ بٸر تٸزبەسٸ بويىنشا تاۋار ٶتكٸزۋ جٷيەسٸنە قاتىسۋشىلارعا قوسىلعان قۇن سالىعىنان بوساتۋ تٷرٸندەگٸ ىنتالاندىرۋ شارالارىن ەنگٸزۋ.
- اۋىلشارۋاشىلىق تاۋار ٶندٸرۋشٸلەرٸمەن ورتالىقتاردىڭ اراسىندا فورۆاردتىق كەلٸسٸم-شارتتارمەن ساتىپ الۋ تەتٸگٸن پىسىقتاۋ مەن اينالىم قاراجات بٶلۋدٸ قاراستىرۋ.
