© Photo: 24.kz
كوستەنكو اتىنداعى شاحتادا بولعان جارىلىسقا قاتىستى تەرگەۋ شارالارى اياقتالۋعا جاقىن, - دەپ حابارلايدى "ۇلت اقپارات" باس پروكۋراتۋرانىڭ باسپاسٶز قىزمەتٸنە سٸلتەمە جاساپ.
"46 كەنشٸنٸڭ ٶمٸرٸن قيعان كوستەنكو شاحتاسىنداعى جارىلىستارعا قاتىستى تەرگەۋ اياقتالىپ جاتىر. شاحتانىڭ 9 لاۋازىمدى ادامى كٷدٸكتٸ دەپ تانىلىپ, قاماۋعا الىندى", - دەلٸنگەن ۆەدومستۆو حابارلاماسىندا.
ايتا كەتەيٸك, بۇعان دەيٸن كٶمٸر ٶندٸرۋ كەزٸندە قاۋٸپسٸزدٸك شارالارىن ساقتاماعان دەگەن كٷدٸكپەن 7 ادامنىڭ ۇستالعانى حابارلانعان بولاتىن.
ەسكە سالايىق, بىلتىر 28 قازاندا كٶمٸر شاحتاسىندا جارىلىس بولىپ, سالدارىنان 46 ادام قازا تاپتى. تاعى 28 كەنشٸ جاراقات العان. وقيعانىڭ سەبەبٸن تەكسەرۋ بويىنشا قۇرىلعان ٷكٸمەتتٸك كوميسسييا تراگەديياعا 100% جۇمىس بەرۋشٸ كٸنەلٸ دەگەن قورىتىندى شىعاردى.
