قوستانايلىق ۆولونتەر جاستار اۋرۋحانا قىزمەتكەرلەرٸنە كٶمەكتەسۋدە. باستامانى وبلىستىق جاستار ساياساتى باسقارماسى ۇسىنعان, دەپ حابارلايدى "ۇلت اقپارات".
قوستاناي قالاسىنىڭ ەمحانالارى وتتەگٸ تولتىرىلعان باللونداردى, دەرٸ-دەرمەك ٶنٸمدەرٸن تاسۋ جۇمىستارىنا ادام قاجەت ەكەنٸن ايتىپ, ەلەۋمەتتٸك جەلٸلەرگە جازبا قالدىرعان. 11 شٸلدەدەن باستاپ قوستاناي وبلىسى ەكٸمدٸگٸنٸڭ جاستار ساياساتى مەسەلەلەرٸ جٶنٸندەگٸ باسقارماسىنىڭ باسشىلىعى تيٸستٸ كٶمەك كٶرسەتۋ ٷشٸن قالا ەرٸكتٸلەرٸنٸڭ جيىنىن ۇيىمداستىردى.
«وسىناۋ قيىن شاقتا بٸرلٸك تانىتۋىمىز قاجەت. سوندا عانا قاۋٸپتٸ ٸندەتتٸ جەڭەمٸز. قازٸر ۆيرۋسپەن كٷرەستە دەرٸگەرلەردٸڭ الدىڭعى شەپتە جٷرگەنٸ مەلٸم. سول سەبەپتٸ بٸزدٸڭ باسقارما وبلىس تۇرعىندارىنا ٷندەۋ جارييالاپ, كٶمەكتەسۋگە شاقىردى. بۇل ٷندەۋگە ەرتٷرلٸ جاستاعى, تٷرلٸ كەسٸپ ٶكٸلدەرٸ ٷن قاتتى. مەسەلەن, بٸرٸنشٸ كٷننەن باستاپ مەدەنيەت قىزمەتكەرلەرٸ, جەكە كەسٸپكەرلەر, ستۋدەنتتەر, ٶرت سٶندٸرۋشٸلەر بٸزبەن بٸرگە. قازٸر وتتەگٸ باللوندارىن ەمحانالارعا جەتكٸزۋ جۇمىستارىمەن اينالىسىپ جٷرمٸز. بٷگٸن ٶڭٸردەگٸ سۋ تاسۋشى كومپانييا حابارلاسىپ, اۋىزسۋ جەتكٸزۋگە كٶمەكتەسەتٸنٸن ايتتى. مۇنداي جۇمىستار جالعاسادى», - دەدٸ باسقارما باسشىسىنىڭ مٸندەتٸن اتقارۋشى سايات شايمۇرىنوۆ.
ۆولونتەرلەر جۇمىس تاڭداپ جاتقان جوق. كٷندە شامامەن 10-15 ادام «قارا» جۇمىستا جٷر. سولاردىڭ بٸرٸ – كەسٸپكەر نۇرجان سەرٸنجٸپوۆ.
«بٸز دوستارىمىزبەن كٶمەك كٶرسەتۋگە كەلدٸك. قازٸر قالالىق اۋرۋحانانىڭ بازاسىندا تاپسىرىلعان شارۋالارعا قول ۇشىن سوزىپ جاتىرمىز. قولىمىز قالت ەتكەندە مەديتسينا قىزمەتكەرلەرٸنە كٶمەكتەسۋگە ۋەدە ەتتٸك. ەكٸمدٸك, يا بولماسا, اۋرۋحانا باسشىلىعىنىڭ نۇسقاۋى بولعان ەمەس. ەلەۋمەتتٸك جەلٸلەردەن ەرٸكتٸلەردٸڭ ۇسىنىسىن كٶرٸپ, قابىل الدىق. بٸر كيسلورود باللونى بٸر ناۋقاسقا تەزٸرەك جەتسە دەگەن تٸلەك قانا. تاڭعى 9-دان باستاپ وسىندا جٷرمٸز. قولدان كەلگەنشە كٶمەكتٸ ايامايمىز», - دەيدٸ كەسٸپكەر.
ۆولونتەرلەر بٷگٸن كەشكە دەيٸن قالالىق پروۆيزورلىق ستاتسيوناردا وتتەگٸ تولتىرىلعان باللونداردى تٷسٸرمەك.
