- قاراعاندى وبلىسى شاحان كەنتٸندە ٷيدٸڭ بٶلٸگٸ قۇلاعان كەزدە زارداپ شەككەن وتباسىلارعا كٶمەك رەتٸندە قوستاناي وبلىسىنىڭ مەملەكەتتٸك قىزمەتشٸلەرٸ 11 ميلليون تەڭگەدەن استام قاراجات جينادى, دەپ حابارلادى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
جينالعان قاراجات «شاحتينسك قالاسى شاحان كەنتٸندە ورىن العان تٶتەنشە وقيعا سالدارىنان زارداپ شەككەن تۇلعالارعا كٶمەك قورى» جەكە قايىرىمدىلىق قورىنا اۋدارىلدى. قارجى جيناۋعا جەرگٸلٸكتٸ اتقارۋشى ورگاندار قىزمەتكەرلەرٸ, بارلىق دەڭگەيدەگٸ ەكٸمدەر, وبلىستىق باسقارمالار مەن ۆەدومستۆولىق باعىنىستى مەكەمەلەر قىزمەتكەرلەرٸ قاتىستى.
سوڭعى دەرەككە سەيكەس جينالعان قارجى 41 ملن تەڭگەنٸ قۇراعان.
قوستاناي وبلىسى ەكٸمٸنٸڭ باسپاسٶز قىزمەتٸنٸڭ جەتەكشٸسٸ ەسييا ايماعامبەتوۆانىڭ ايتۋىنشا, قازٸر ٶڭٸردە بارلىق جىلىتۋ كٶزدەرٸ تولىقتاي تەكسەرٸلۋدە. بۇعان وبلىس ەكٸمٸ باستاماشىلىق ەتتٸ.
«جىلىتۋ ماۋسىمى باستالاردا بارلىق جىلۋمەن جابدىقتاۋ نىساندارى تەكسەرٸلگەنٸنە قاراماستان, وبلىس تۇرعىندارىنىڭ قاۋٸپسٸزدٸگٸن قامتاماسىز ەتۋ ٷشٸن قوسىمشا شارالار قابىلداۋ قاجەت», - دەپ اتاپ ٶتتٸ ٶڭٸر باسشىسى.
ەلەۋەتتٸ تەۋەكەلدەر انىقتالعان جاعدايدا ولاردى جويۋ شارالارى قابىلداناتىن بولادى.
ەسكە سالساق, 1 قاڭتاردا ساعات 22.40 مينۋتتا شاحان كەنتٸندە كٶپ قاباتتى ٷيدٸڭ بٶلٸگٸ قۇلادى. 9 ادام قازا تاپتى, ولاردىڭ 3-ەۋٸ بالا. وقيعا سەبەبٸن ارنايى كوميسسييا تەكسەرۋدە. الدىن الا دەرەك بويىنشا اپات اۆتوماتتى جىلۋ جٷيەسٸنٸڭ اقاۋىنان بولعان. تۇرعىندار پەتەرلەرٸنە ورالۋدا. ساراپشىلار ٷش كٸرەبەرٸستٸ جارامدى دەپ تانىدى, جىلۋ جٷيەسٸ قالپىنا كەلتٸرٸلدٸ. بۇل ٷشٸن مودۋلدٸك قازاندىق ورناتىلدى.
.jpeg)