قازاقستاننىڭ بىلعارى قولعاپ شەبەرٸ, بوكستان ەلەم چەمپيونى اسلان مۇقانوۆ تۋعان جەزدەسٸن ٶلتٸردٸ دەپ ايىپتالدى.
"كوستانايسكيە نوۆوستي" باسىلىمىنىڭ جازۋىنشا, 11 شٸلدەدە كٷدٸككە ٸلٸنگەن بوكسشى قىلمىس ورنىنان سەگٸز شاقىرىم قاشىقتىقتا ۇستالدى, دەپ جازادى Sputnik اگەنتتٸگٸ.
اسلان كٸشكەنتايىنان سپورتپەن شۇعىلدانعان. ەۋەسقوي بوكستا تاسى ٶرگە دومالاپ, جوعارى جەتٸستٸكتەرگە جەتتٸ, سپورت شەبەرٸ اتاعىن الدى. ەرٸ قاراي كەسٸپقوي بوكسقا اۋىسقان. قوستاناي كومانداسىنىڭ كٶمەگٸمەن مۇقانوۆ ماياميگە كەتٸپ, كەسٸبي رينگتە التى جەڭٸسكە جەتتٸ. سودان سوڭ بەلگٸلٸ پروموۋتەر نەلسون لوپەسپەن بٸرگە جۇمىس ٸستەي باستادى.
مۇقانوۆتىڭ ٸسٸ
13 شٸلدەدە قوستاناي اۋداندىق سوتىندا تەرگەۋ توبى مۇقانوۆتى قاماۋعا الۋدى سۇرادى. جانتٷرشٸگەرلٸك قىلمىس جاسادى دەپ ايىپتالعان بوكسشى مٸز باقپاي, جەكپە-جەك الدىندا ٶز-ٶزٸن ٸشتەي قايراپ وتىرڭان ادامداي كٶرٸنگەن.
"مۇقانوۆ پٸشەنباەۆتى تەرٸس ٶمٸر سالتى مەن ەپكەسٸنە كٷن كٶرسەتپەگەنٸ ٷشٸن ٶلتٸرۋدٸ جوسپارلاعان. ول الدىن الا دايىنداعان پىشاقتى الىپ, التىن دالا اۋىلىنا جاياۋ بارىپ, تاڭعى ساعات التىدا ەپكەسٸنٸڭ ەسٸگٸن قاعادى. ەسٸكتٸ پٸشەنباەۆ اشادى دا, جاتىن بٶلمەگە قايتا كٸرٸپ, جاتىپ قالىپتى. مۇقانوۆ جۋىنىپ, ٷستٸنە ۇزىن قوڭىر جەيدەسٸن كيگەن", - دەپ تەرگەۋشٸ بولعان وقيعانى باياندادى.
ساعات 6:40-تا اسلان جەزدەسٸ ۇيىقتاپ جاتقان بٶلمەگە كٸرٸپ, پٸشەنباەۆتىڭ موينىنا پىشاق سالادى. ەر ادام ويانىپ, قارسىلىق كٶرسەتۋگە تىرىسقان. سول كەزدە مۇقانوۆ پٸشەنباەۆتىڭ كەۋدەسٸ مەن قولىنا تاعى بٸرنەشە رەت پىشاق سۇعىپتى. پٸشەنباەۆ شالقاسىنان جاتىپ, كٶز جۇمعان.
ەكس-بوكسشىعا قر قك 99-بابى 2-بٶلٸمٸ 3-تارماعى بويىنشا (قارسىلىق كٶرسەتۋگە دەرمەنسiز ادامدى قاساقانا ٶلتٸرۋ) ايىپ تاعىلعان. بۇل باپ بويىنشا سوتتالۋشى 15 جىلعا دەيٸن باس بوستاندىعىنان ايىرىلۋى مٷمكٸن.
سوتتا مۇقانوۆ كٸنەسٸن مويىنداپ, تەرگەۋشٸمەن تولىق كەلٸستٸ. "قايدا بارا جاتتىڭىز? نەگە سٸزدٸ زارەچنىي ماڭىندا ۇستادى?" دەگەن سۇراققا ول:
"ٶزەننەن جٷزٸپ ٶتتٸم. تاۋعا شىققىم كەلگەن ەدٸ, اۋا رايى جاقسى بولدى... سودان سوڭ اتا-انام قوڭىراۋ شالدى... سوڭىمنان كەلە جاتقانىن سەزٸپ, پوليتسييانى كٷتتٸم", - دەپ جاۋاپ بەردٸ.
سوت اسلاندى ەكٸ ايعا قاماۋعا الۋعا شەشٸم قابىلدادى.
اسلان مۇقانوۆقا نە بولدى?
اناسى زەۋرە تٶلەبايقىزى ەلەۋمەتتٸك جەلٸلەردەگٸ تٷرلٸ قاۋەسەتتەردەن شارشاپ, بولعان وقيعانىڭ انىق-قانىعىن ايتىپ بەرۋگە كەلٸسٸپتٸ.
"سەكا (سەرٸك پٸشەنباەۆ) قىزىمدى الاقانىنا سالىپ, ايالاپ ۇستادى, وتباسىمىزعا دەگەن كٶڭٸلٸ دە ەرەكشە ەدٸ. كٷن كٶرسەتپەدٸ دەگەن نە سٶز? جاقسى كٶرەتٸن, قوناققا بارعانىمىزدا بەرٸمٸزگە جاقسىلىق تٸلەدٸ. اسلان ەكەۋٸ اعايىندى سيياقتى ەدٸ... اسلان كولۋمبييادا جٷرگەندە, اقشا جٸبەرٸپ كٶمەكتەستٸ, بۇل جايلى ەشكٸمگە تٸس جارىپ ايتپاعان بولاتىن", - دەيدٸ ەيەل كٶزٸنە جاس الىپ.
قايعىدان قان جۇتىپ وتىرعان انانىڭ ايتۋىنشا, اسلانعا بٸرەۋلەر ىقپال ەتكەن.
"سوڭعى كەزدەرٸ باسقا ەلەمدە جٷرگەندەي ەدٸ. نە ويلاعانىن بٸلسەم, ٷيگە بايلاپ قويار ەدٸم", - دەيدٸ ول زار ەڭٸرەپ.
ەيەل ادامنىڭ سٶزٸنە سٷيەنسەك, شەتەلدە اسلانعا دەسترۋكتيۆتٸ دٸني اعىم ٶكٸلدەرٸ ىقپال ەتٸپتٸ. كولۋمبييادا تۇرمىسى تٶمەندەپ, ەبدەن قينالعان ول قازاقستانعا ورالعىسى كەلەدٸ.
سٶيتٸپ, بيىل 26 ماۋسىمدا اسلان ٷيٸنە ورالادى. اتا-اناسىنا ٶز ٸسٸن باستاعىسى كەلەتٸنٸن ايتىپ, دوستارىمەن سٶيلەسٸپ جٷرٸپتٸ. الايدا اناسى ۇلىنىڭ ٶزگەرگەنٸن سول كەزدە سەزگەن ەكەن.
"كٷلمەيتٸنٸن بٸردەن بايقادىم. سٶيلەسۋگە تەلەفون الىپ بەرگەنبٸز. كٷنٸ بويى شۇقىلاپ, ٶزٸمەن-ٶزٸ, بٶلەك ەلەمدە وتىراتىن, - دەيدٸ زەۋرە تٶلەبايقىزى. – بٸر جولى ماعان: "ماما, بٸلەسٸڭ بە, ادام ٶمٸرٸ وسىنداي قىسقا" – دەپ موينىن ساۋساعىمەن كەسكەندەي ەتٸپ كٶرسەتتٸ. ول كەزدە نەنٸ مەڭزەگەنٸن ەشقايسىمىز تٷسٸنبەپپٸز".
تۋعان-تۋىستارى جٸگٸتتٸڭ بۇل كٷيٸنە قاراپ, باسىنا تٷسكەن اۋىرتپالىقتان كٷيزەلٸسكە ۇشىراعان عوي دەپ ويلاعان.
ەستەرٸڭٸزگە سالا كەتسەك, 12 شٸلدەدە قوستاناي وبلىسىندا بوكستان قازاقستان چەمپيونى اسلان مۇقانوۆ ادام ٶلتٸردٸ دەگەن كٷدٸكپەن ۇستالعانى بەلگٸلٸ بولدى. وبلىستاعى پوليتسييا دەپارتامەنتٸنٸڭ اقپاراتىنا سەيكەس, 11 شٸلدە كٷنٸ 32 جاستاعى تۇرعىننىڭ دەنەسٸ تابىلعان. بۇل تۋرالى پوليتسيياعا قايتىس بولعان ادامنىڭ ەيەلٸ حابارلاپتى.
