قوستانايدا جاس قىز ايازدا ٷسٸپ ٶلە جازدادى, دەپ حابارلايدى sputniknews.kz وبلىستىق ٸشكٸ ٸستەر دەپارتامەنتٸنە سٸلتەمە جاساپ.
19 قاڭتار كٷنٸ تٷزەۋ مەكەمەسٸنٸڭ قىزمەتكەرلەرٸ ەۋەجاي عيماراتىنان ٷش شاقىرىم جەردەن قيمىلسىز جاتقان قالا تۇرعىنىن تاۋىپ الدى.
"جەدەل بٶلٸمنٸڭ باستىعى, ەدٸلەت مايورى ٸليياس بوقاەۆ قارداعى ٸزدٸ كٶرٸپ, سول ٸزبەن جٷرٸپ وتىرعان. ٷش شاقىرىم جەردەن ول قاردا جاتقان قىزدى كٶرەدٸ. زارداپ شەككەن قىز قيمىلسىز كٷيدە بولعان, قاتتى توڭعاندىقتان سٶيلەي الماعان", — دەپ جازىلعان حابارلامادا.
اتالعان وقيعا 19 قاڭتار كٷنٸ ساعات 21.00 شاماسىندا قونىس كولونيياسىنىڭ ماڭىندا بولعان. كەزەكشٸلٸكتە بولعان ۋك 161/11 مەكەمەسٸنٸڭ اعا ينسپەكتور-پسيحولوگى, ەدٸلەت كاپيتانى دينارا ماديياروۆا بٸرەۋدٸڭ ايقايلاعانىن ەستيدٸ. ەر ادام قوستاناي-فەدوروۆكا اۆتوجولىنا جاقىن ماڭدا كٶمەك سۇراپ تۇرعان. جانجالدان كەيٸن ونىڭ دوس قىزى اۆتوكٶلٸكتەن تٷسٸپ, ٷيٸنە جاياۋ كەتكەنٸ انىقتالدى.
دەپارتامەنتتەگٸلەر جۇما كٷنٸ سىناپ باعاناسى 28 گرادۋس ايازدى كٶرسەتكەنٸن اتاپ ٶتتٸ.
"الدىمەن ەدٸلەت مايورى ٸليياس بوقاەۆ پەن ەدٸلەت كاپيتانى اسحات بالامباەۆ قىزدى ٶنەركەسٸپتٸك ايماققا قاراي جاياۋ ٸزدەپ شىقتى. سودان كەيٸن ەدٸلەت كاپيتانى نۇرسۇلتان جۇماشەۆ پەن ەدٸلەت اعا لەيتەنانتى دياس نۇراحمەتوۆ كٶلٸكپەن كٶمەككە كەلگەن", — دەپ ناقتىلادى ٸٸد.
ۇرسىسىپ قالعان قىز بەن جٸگٸتكە مەديتسينالىق جەنە پسيحولوگييالىق كٶمەك كٶرسەتٸلدٸ. بٸر كەسە ىستىق شاي ٸشكەننەن كەيٸن جاس جٸگٸت قىزدان كەشٸرٸم سۇرادى.
