Pixabay
قوستانايدا ٶرت سالدارىنان 7 جاستاعى قىز جەدەل جەردەم كٶلٸگٸندە كٶز جۇمدى. ونىڭ اناسى اۋىر جاعدايدا جانساقتاۋ بٶلٸمٸندە جاتىر, دەپ حابارلايدى Sputnik قازاقستان.
قوستاناي وبلىستىق تٶتەنشە جاعدايلار دەپاراتامەنتٸنٸڭ مەلٸمەتٸنشە, ٶرت 24 قاراشادا تۇرعىن ٷيلەردٸڭ بٸرٸندە شىقتى.
ٶرت تۋرالى حابارلاما ساعات كەشكٸ 17.20-دا كەلٸپ تٷسكەن. ٶرت سٶندٸرۋشٸلەر جانىپ جاتقان ٷيگە تٶرت مينۋتتا جەتتٸ.
تٶتەنشە جاعدايلار قىزمەتٸ كەلگەندە التى پەتەرلٸ كٸرپٸش ٷيدٸڭ بٸر پەتەرٸنٸڭ قابىرعاسى مەن تٶبەسٸ جانىپ جاتتى. ٶرتتٸڭ اۋماعى 50 شارشى مەتر.
"ٶرت سٶندٸرۋشٸلەر ٷيدەن تٶرت ادامدى الىپ شىقتى. قوستاناي قالالىق اۋرۋحاناسىنا 1977 جىلى تۋعان ەيەل ادام جەتكٸزٸلدٸ. ونىڭ دەنەسٸنٸڭ 80-85 پروتسەنتٸن كٷيٸك شالعان. قازٸر ول جانساقتاۋ بٶلٸمٸندە جاتىر. جاعدايى اسا اۋىر دەپ باعالاندى", - دەلٸنگەن حابارلامادا.
1975 جىلى تۋعان ەر ادامنىڭ قولى مەن بەتٸ كٷيگەن. ول دەرٸگەرلەردٸڭ تەكسەرۋٸنەن كەيٸن ٷيگە جٸبەرٸلدٸ.
ەرلٸ-زايىپتىلاردىڭ 7 جاستاعى قىزى اۋرۋحاناعا جەتپەي, جەدەل جەردەم كٶلٸگٸندە كٶز جۇمدى.
ٶرتتٸ سٶندٸرۋ كەزٸندە كٶرشٸ پەتەردەن 8 جاستاعى تاعى بٸر بالا تابىلدى. ونىڭ جاعدايى قاناعاتتانارلىق. بالاعا مەديتسينالىق كٶمەك قاجەت بولمادى.
ٶرتتٸڭ شىعۋ سەبەبٸ انىقتالىپ جاتىر. ٶرت ساعات 18.25-تە تولىقتاي سٶندٸرٸلدٸ. ونى سٶندٸرۋگە 26 ادام مەن جەتٸ تەحنيكا جۇمىلدىرىلدى.
