قوستانايدا تەحنيكالىق قۇدىقتان ۋلى گازعا ۋلانىپ قالعان ەكٸ جۇمىسشى شىعارىلدى, دەپ حابارلايدى "ۇلت اقپارات" وبلىستىق تٶتەنشە جاعدايلار دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
ۆەدومستۆونىڭ حابارلاۋىنشا, 16 تامىز كٷنٸ ساعات 22:41-دە قوستاناي وبلىسى تجد-نىڭ جەدەل-قۇتقارۋ جاساعى كەزەكشٸ بٶلٸمٸنە تٶتەنشە جاعدايدىڭ كۋەگەرٸ بولعان ازاماتتان قوڭىراۋ تٷسكەن.
«قوستانايدىڭ ساۋدا كەسٸپورىندارىنىڭ بٸرٸنٸڭ اشىق اۋماعىنداعى كەرٸز تازارتۋ قۇدىعىندا ەس-تٷسسٸز جاتقان 1990 جەنە 1991 جىلعى ەكٸ جۇمىسشى تابىلدى. تۇندىرعىنى تازارتۋ كەزٸندە زارداپ شەككەندەر ۋلى گازدىڭ قۇربانى بولا جازداعان», - دەدٸ تجد ٶكٸلٸ.
8 مينۋتتان كەيٸن, 22:49-دا قۇتقارۋشىلار بارلىق جابدىقتارمەن وقيعا ورنىنا جەتكەن, تىنىس الۋ اپپاراتىن كيٸپ, ارقاننىڭ كٶمەگٸمەن قۇدىققا تٷسكەن. ەكٸ-ٷش مەتر تەرەڭدە جاتقان جۇمىسشىلار قۇتقارىلدى.
«اممياك جەنە كٷكٸرتسۋتەكپەن ۋلانعانداردىڭ جاعدايى اۋىر بولدى. ولاردىڭ بٸرەۋٸنە قۇتقارۋشىلار دەرٸگەر كەلگەنگە دەيٸنگٸ العاشقى كٶمەك كٶرسەتكەن, ەرٸ قاراي ەكەۋٸ دە دەرٸگەرلەرگە تاپسىرىلدى. قازٸرگٸ كەزدە زارداپ شەككەندەر اۋرۋحانادا جاتىر, جاعدايى قاناعاتتانارلىق», - دەپ قورىتتى ۆەدومستۆودان.
