قوستاناي جوعارعى مەديتسينالىق كوللەدجٸنٸڭ 2-3 كۋرس ستۋدەنتتەرٸ بٷگٸندە ەر اۋدانداعى ەمدەۋ مەكەمەلەرٸندە بەلسەندٸ جۇمىس ٸستەپ جٷر, دەپ حابارلايدى "ۇلت اقپارات" وبلىس ەكٸمدٸگٸ جانىنان قۇرىلعان جەدەل شتابقا سٸلتەمە جاساپ.
بٷگٸندە مەديتسينا كوللەدجٸندە جالپى سانى 594 شەكٸرت بٸلٸم الۋدا. ونىڭ 154-ٸ ٸندەتكە قارسى كٷرەستٸڭ الدىڭعى شەبٸندە جٷر. 20 ستۋدەنت پروۆيزورلىق ستاتسيونارلارعا جۇمىسقا ورنالاسقان. وسى جىلى مەديتسينالىق كوللەدجدٸ 264 تٷلەك تەمامداپ, ماماندىقتارىنا ساي سەرتيفيكاتتارىن قولدارىنا الدى. سونىڭ ٸشٸندە 50 تٷلەك بٸردەن فەلدشەر, مەدبيكە, اكۋشەر ماماندىقتارى بويىنشا جۇمىسقا شىعىپ كەتكەن. سولاردىڭ بٸرٸ – 2-كۋرس ستۋدەنتٸ جانار ساقىمجانوۆا. ونىڭ ايتۋىنشا, قازٸرگٸ ۋاقىتتا جاعداي تۇراقتالىپ كەلەدٸ.
«باستاپقىدا بەرٸمٸزگە وڭاي تيگەن جوق. ستۋدەنت بولساق تا, مەديتسينالىق جەدەل كٶمەك كٶرسەتۋدٸڭ العىشارتىن بٸلەتٸن ەدٸك. دەرٸگەرلەردٸڭ نۇسقاۋىمەن ولارعا بارىنشى كٶمەك كٶرسەتٸپ كەلەمٸز. بۇل بٸر جاعىنان ٶزٸمٸزگە ساباق بولدى», - دەيدٸ ستۋدەنت.
جالپى, ٶڭٸردە ينفەكتسيياعا ساراپتاما جٷرگٸزۋ جەنە ەمدەۋمەن 1166 مامان اينالىسادى, ولاردىڭ 229-ى – دەرٸگەرلەر. وبلىسقا مەديتسينالىق مامانداردى تارتۋ بويىنشا جۇمىس كٷشەيتٸلگەن. ٶتكەن جىلى ايماققا 265 دەرٸگەر تارتىلسا, بيىل تاعى 240 دەرٸگەر كەلەدٸ دەپ كٷتٸلۋدە.
«2018 جىلى وبلىستىق بيۋدجەت ەسەبٸنەن العاش رەت «جالپى مەديتسينا» ماماندىعى بويىنشا 80 ەرەسەك ادام مەن 20 ستۋدەنتتٸ وقىتۋ باستالعان. ونىڭ 24-ٸ بيىل وبلىس اۋداندارىنا جٸبەرٸلەدٸ. جەرگٸلٸكتٸ بيۋدجەتتەن اۋىلدىق جەرلەرگە كەلگەن دەرٸگەرلەردٸڭ كٶتەرمە ٷستەماقىسى 1,5 ملن تەڭگەگە دەيٸن كٶبەيتٸلدٸ. سونداي-اق, «قازاقستاندىق يپوتەكالىق نەسيە بەرۋ» اق ارقىلى قوستاناي قالاسىندا 54 پەتەر بەرٸلدٸ. الداعى ۋاقىتتا مەديتسينا قىزمەتكەرلەرٸنە ارنالعان تاعى 120 پەتەر بەرٸلەدٸ», - دەلٸنگەن شتاب اقپاراتىندا.
