قوستاناي وبلىسىندا بٸرنەشە كٷن بۇرىن جوعالعان بەس جاسار قىزدىڭ دەنەسٸ تابىلدى, دەپ حابارلايدى "ۇلت اقپارات" ٶڭٸرلٸك پوليتسييا دەپارتامەنتٸنە سٸلتەمە جاساپ.
ۆەدومستۆو مەلٸمەتٸنشە, قىزدىڭ مەيٸتٸ جامبىل اۋىلىنداعى ٶز ٷيٸنەن ٷش شاقىرىم جەردە دروننىڭ كٶمەگٸمەن تابىلعان.
بالانىڭ دەنەسٸن جاساندى سۋ قويماسىنان پوليتسييانىڭ اعا لەيتەنانتى سامات ەششانوۆ پەن ەرٸكتٸ دامير بەكتۇرعانوۆ تاپقان.
وبلىستىق پوليتسييا دەپارتامەنتٸنٸڭ باستىعى ەرلان وماربەكوۆ جاعدايعا قاتىستى تٷسٸنٸك بەردٸ.
«10 تامىز كٷنٸ ٸزدەۋ جۇمىستارىنىڭ بارىسىندا ەرلانقىزى مەدينانىڭ دەنەسٸ جاساندى ارنادان تابىلدى. بۇل – ٷلكەن تراگەدييا. وبلىس, رەسپۋبليكا تۇرعىندارى, پوليتسييا قىزمەتكەرلەرٸنٸڭ اتىنان مارقۇمنىڭ وتباسىنا قايعىرىپ كٶڭٸل ايتامىز. بەرٸمٸز بالانى امان-ەسەن تاباتىنىمىزعا سوڭىنا دەيٸن سەنٸپ, ٷمٸتتەنٸپ جٷردٸك. الايدا, جاعداي باسقاشا بولدى», - دەدٸ ول.
قازٸرگٸ ۋاقىتتا تەرگەۋ جۇمىستارى جٷرٸپ جاتىر.
ەسكە سالايىق, 2017 جىلى تۋعان مادينا ەرلانقىزى 7 تامىزدا قوستاناي وبلىسىنا قاراستى جامبىل اۋىلىنداعى ٷيٸنەن تاڭعا جۋىق شىعىپ كەتكەن. بالا 18 جەنە 13 جاستاعى ەپكەلەرٸنٸڭ باقىلاۋىندا بولعان. قىزدار تاڭەرتەڭ ويانعاندا بٷلدٸرشٸندٸ تاپپاي قالعان. قىزدىڭ اناسى پوليتسييانىڭ كٶمەگٸنە جٷگٸنگەن.
بالانى ٸزدەۋ جۇمىستارىنا تەپلوۆيزور دا قولدانىلدى. كەيٸن ەرٸكتٸ ونى قالاي كٶرٸپ قالعانىن ايتىپ بەرگەن ەدٸ. جٷگەرٸ القاپتارىنىڭ بٸرٸنەن بالا تٸسٸنٸڭ ٸزٸ بار جٷگەرٸ تابىلدى. ول ساراپتاماعا جٶنەلتٸلدٸ. ٸزدەۋ توبى اۋىل ماڭايىنداعى ەگٸستٸك القاپتارىنا ەۋە شارىنا بايلانعان ازىق-تٷلٸكتەر قالدىردى. سونداي-اق رۋدنىي دەلتاكلۋبىنىڭ نۇسقاۋشىلارى ەگٸستٸك القاپتارىن تٷنٸ بويى دەلتاپلاندارمەن تٸنتٸپ شىقتى.
