بيىل قوستاناي وبلىسىندا 50 مىڭ اۆتوكٶلٸك نارىققا شىعارىلماق. ماماندار مۇنى وتاندىق ٶنٸمگە دەگەن سۇرانىستىڭ ارتقانى دەپ وتىر. «قازاقپارات» تٸلشٸسٸ جەرگٸلٸكتٸ اۆتوزاۋىتقا بارىپ, كٶلٸك شىعارۋ ٸسٸمەن ەتەنە تانىسىپ قايقان بولاتىن.
قازاقستاننىڭ اۆتوموبيل ٶنەركەسٸبٸنٸڭ تاريحى جول تالعامايتىن «نيۆا» جەڭٸل كٶلٸك قۇراستىرۋدان باستاۋ العان. مۇنان كەيٸن ەلٸمٸزدە «سارىارقااۆتوپروم», «سەماز», «كاماز-ينجينيرينگ», «Hyundai Trans Auto», «Daewoo Bus Kazakhstan» سەكٸلدٸ اۆتوكٶلٸك قۇراستىرۋ كەسٸپورىندارى ساپقا قوسىلدى. وسى كەسٸپورىندار جۇمىسىنىڭ نەتيجەسٸندە ەلٸمٸزدە اۆتوٶنەركەسٸپ سالاسى پايدا بولدى. جىلدان جىلعا جەتٸلٸپ, قارقىندى دامىپ كەلە جاتقان قوستاناي وبلىسى كٶلٸك شىعارۋدىڭ زاماناۋي تەتٸكتەرٸنە كٶشكەن. جاڭا يندۋسترييالاندىرۋدىڭ بٸرٸنشٸ بەس جىلدىعىنىڭ قورىتىندىسىندا اۆتوموبيل ٶندٸرٸسٸ ٶڭدەۋ ٶنەركەسٸبٸندەگٸ ەڭ قارقىندى دامۋشى سالا رەتٸندە تانىتتى. «سارىارقااۆتوپروم» زاۋىتى ەلەمدٸك برەند سانالاتىن كٶلٸكتەردٸڭ 10 شاقتى تٷرٸن قۇراستىرادى.
قايناعان قىزۋ تٸرلٸكتٸڭ ورتاسىندا دەنەكەرلەۋ مەن سىرلاۋ تسەحىنىڭ توبى جٷرەدٸ. زاۋىت ديرەكتورى سىرىم سەمەيباەۆتىڭ سٶزٸنشە, زاۋىت العاشقى اشىلعاندا تەك دايىن بٶلشەكتەر قۇراستىرىلاتىن. قازٸر ٶنٸمنٸڭ وتاندىق ٷلەسٸ ارتقان.
«ٶندٸرٸس اۋقىمى دا ەسەلەپ ٶسٸپ كەلەدٸ. بىلتىر 25 مىڭ كٶلٸك قۇراستىرسا, بيىل جەلٸدەن شىعاتىن كٶلٸك سانىن 50 مىڭعا دەيٸن جەتكٸزۋ جوسپارلانىپ وتىر. ٶندٸرٸستٸڭ ارتۋى تٸكەلەي سۇرانىسقا بايلانىستى», - دەدٸ سىرىم سەمەيباەۆ.
دەۋلەت نىسانباەۆ – دەنەكەرلەۋ تسەحىنىڭ بريگاديرٸ. قول استىندا 10 جۇمىسكەر بار.
«بٸز ٶنٸمنٸڭ نەگٸزگٸ جۇمىسىنا جاۋاپتىمىز. اۆتوماشينانىڭ كابيناسىن قۇراستىرىپ, كەلەسٸ تسەحقا دايىندايمىز. ولار بوياپ, شاناقتارىن ٸلەدٸ», - دەيدٸ تسەح بريگاديرٸ.
جالپى بٸر اۆتوكٶلٸكتٸ قۇراستىرۋعا بٸر-ەكٸ تەۋلٸك ۋاقىت كەتەدٸ. مەسەلەن, بٸر عانا JAC ماركالى اۆتوكٶلٸك ۇساق توراپ تەسٸلٸمەن ٶندٸرٸلەدٸ. بۇل تەسٸلدٸڭ ٶزٸ ٸشٸنەن بٸرنەشە بٶلٸككە جٸكتەلەدٸ.
«ەڭ ەۋەلٸ كۋزوۆ بٶلٸگٸن ٶلشەيمٸز. كەيٸن ەسٸگٸن تاڭداپ, مٶلشەرٸن ەسەپتەيمٸز. مۇنان سوڭ دايىن بٶلشەكتەردٸ دەنەكەرلەۋ جۇمىستارى باستالادى. ۇساق-تٷيەك جۇمىس بولىپ كٶرٸنگەنٸمەن, اسا جاۋاپكەرشٸلٸكپەن قاراۋدى تالاپ ەتەدٸ. سىرلاپ, بوياۋ جاققان سوڭ شاناقتارىن بٸرٸكتٸرٸپ, ٸرٸ بٶلشەكتەرٸن جالعايمىز. ۇساق توراپتى ەدٸسپەن كٶلٸك قۇراۋ شامامەن وسىلاي جٷرەدٸ. بٸر تەۋلٸك ٸشٸندە 15-16 كٶلٸكتٸڭ قورابىن دايىندايمىز», - دەپ تٷسٸندٸردٸ دەۋلەت نىسانباەۆ.
تسەح بريگاديرٸنٸڭ زاۋىتتا جٷرگەنٸنە 6 جىل. جۇمىسىن دەنەكەرلەۋشٸ مامان بولىپ باستاعان. كٶرسەتكٸشتەرٸ ەلەنٸپ, تسەح باسشىلىعىنا دەيٸن كٶتەرٸلدٸ. باستاپقىدا ٶزگە دە جەرگٸلٸكتٸ ماماندارمەن بٸرگە قىتايداعى زاۋىتقا بارىپ تەجٸريبە جيناپ قايتقان. دەۋلەت نىسانباەۆتان قىتاي ساپارى تۋرالى سۇرادىق.
«كەسٸبٸمنٸڭ نەگٸزٸ قوستاناي وبلىسىندا قالاندى. قالعانى تەك تەجٸريبە جيناۋ عوي. ول جاقتا ٶزٸمە كەرەكتٸنٸ ٷيرەندٸم. بٸراق جەرگٸلٸكتٸ زاۋىتتىڭ دايىنداۋ جٷيەسٸ ۇنايدى. جۇمىسقا تۇرعان سوڭ كەسٸبٸڭدٸ ارتتىرىپ, شىڭدالۋعا مٷمكٸندٸك بولادى. ەۋەلٸ تەورييانى ٷيرەنەسٸڭ, تەجٸريبەلٸك جۇمىستار بٸرشاما ۋاقىتتان سوڭ بەرٸلەدٸ. ەبدەن مەڭگەرٸپ العان سوڭ كٶلٸك قۇراستىرۋعا كٸرٸسۋگە بولادى. قازٸر شەتەلدەن ماماندار كەلٸپ, ٷيرەتٸپ داتىر عوي. ولار كٶبٸنە تەحنولوگييا پروتسەسٸنە اسا مەن بەرەدٸ», - دەدٸ د.نىسانباەۆ جۇمىسى تۋرالى.
سونىمەن, قوستاناي وبلىسىنداعى اۆتوزاۋىتتىڭ بٷگٸنگٸ تىنىسى وسى. قازٸر قوستانايلىقتار ەزەربايجان, رەسەي, تەجٸكستان, ٶزبەكستان ەلدەرٸنٸڭ نارىعىنا شىققان. مەملەكەتتٸك قولداۋدىڭ ارقاسىندا بٷگٸندە وتاندىق اۆتوكٶلٸكتەردٸڭ ەكسپورتتىق ەلەۋەتٸ جوعارى. ەندٸگٸ مەجە – جىل سوڭىنا دەيٸن 50 مىڭ اۆتوكٶلٸك قۇراستىرۋ.
