تورعاي ٶڭٸرٸندە سوڭعى جىلدارى بۇرىن-سوڭدى بولماعان دامۋ قارقىنى بايقالۋدا. بۇل تۋرالى قوستاناي وبلىسىنىڭ ەكٸمٸ قۇمار اقساقالوۆتىڭ ەلەۋمەتتٸك-ەكونوميكالىق دامۋ مەسەلەلەرٸنە ارنالعان بريفينگٸندە مەلٸم بولدى.
مەملەكەت باسشىسى ٶز جولداۋىندا بۇل ايماقتىڭ ەلەۋمەتتٸك-ەكونوميكالىق دامۋى ٷكٸمەتتٸڭ ەرەكشە باقىلاۋىندا بولۋى تيٸس ەكەنٸن اتاپ ٶتكەن بولاتىن. وسى تاپسىرماعا سەيكەس ارقالىق قالاسىن, امانگەلدٸ جەنە جانگەلدين اۋداندارىن الداعى ٷش جىلدا كەشەندٸ دامىتۋعا ارنالعان ارنايى جوسپار ەزٸرلەندٸ.
جوسپار تولىق ٸسكە اسىرىلعان جاعدايدا تورعاي ٶڭٸرٸندە بٸرقاتار وڭ ٶزگەرٸستەر بولادى دەپ كٷتٸلۋدە. اتاپ ايتقاندا, تۋريستٸك اعىن ايتارلىقتاي ارتىپ, مەكتەپكە دەيٸنگٸ تەربيەمەن قامتۋ دەڭگەيٸ 90 پايىزدان 100 پايىزعا جەتەدٸ. سونىمەن قاتار بالالاردىڭ قوسىمشا بٸلٸممەن قامتىلۋى 66 پايىزدان 68 پايىزعا ٶسٸپ, بۇقارالىق سپورتپەن اينالىساتىن تۇرعىندار سانى كٶبەيەدٸ. ينجەنەرلٸك ينفراقۇرىلىم جەلٸلەرٸنٸڭ توزۋ دەڭگەيٸ دە ەدەۋٸر تٶمەندەيدٸ.
پرەزيدەنتتٸڭ تاپسىرماسىمەن ارقالىق قالاسىندا جاڭا ەۋەجايدىڭ قۇرىلىسى باستالدى. قازٸرگٸ تاڭدا تەرمينال عيماراتىنىڭ قاڭقاسى تۇرعىزىلىپ, ينجەنەرلٸك كوممۋنيكاتسييالار تارتىلعان, پاترۋلدٸك جولدىڭ نەگٸزٸ قالانعان. جوبا 2026 جىلدىڭ شٸلدە ايىندا تولىق اياقتالادى دەپ جوسپارلانۋدا.
بۇل نىسان تەك كٶلٸك ينفراقۇرىلىمى ەمەس, تورعاي ٶڭٸرٸن ەلدٸڭ ٸرٸ ەكونوميكالىق جەنە مەدەني ورتالىقتارىمەن بايلانىستىراتىن ستراتەگييالىق ماڭىزى بار جوبا بولىپ تابىلادى.
ينفراقۇرىلىمدىق دامۋدىڭ تاعى بٸر ماڭىزدى باعىتى — اۆتوجول جەلٸسٸن كەڭەيتۋ. اعىمداعى جىلدىڭ ماۋسىم ايىندا استانا – جانتەكە – ەگٸندٸكٶل – ارقالىق – تورعاي – ىرعىز باعىتى بويىنشا ٶتەتٸن «ورتالىق – باتىس» اۆتوماگيسترالٸنە رەسمي باستاۋ بەرٸلدٸ.
بۇل جاڭا كٶلٸك دەلٸزٸ قوستاناي, اقمولا جەنە اقتٶبە وبلىستارىنىڭ اۋداندارى ٷشٸن ٷلكەن لوگيستيكالىق سەرپٸن بولماق. بۇرىنعى باعىتتارمەن سالىستىرعاندا جول ۇزىندىعى 549 شاقىرىمعا قىسقارادى.
سونىمەن قاتار جەزقازعان – ارقالىق – پەتروپاۆل اۆتوجولىنىڭ جٶندەۋ جۇمىستارى تولىق اياقتالدى. نەتيجەسٸندە قوستاناي جەنە اقمولا وبلىستارىنىڭ تۇرعىندارى ەلٸمٸزدٸڭ وڭتٷستٸك ٶڭٸرلەرٸنە — شىمكەنت پەن قىزىلورداعا تٸكەلەي قاتىناۋ مٷمكٸندٸگٸنە يە بولدى. قىزىلوردا – قوستاناي باعىتى 376 شاقىرىمعا قىسقاردى, سونداي-اق بۇل جول رەسەيدٸڭ ٸرٸ قالالارى — چەليابٸ, ەكاتەرينبۋرگ جەنە ومبىعا تٸكەلەي شىعۋدى قامتاماسىز ەتتٸ.
