قوستاناي وبلىسىندا بارلىق ٶزەن-كٶلدە بالىق اۋلاۋعا ۋاقىتشا تىيىم سالىندى. قوستاناي وبلىستىق ورمان شارۋاشىلىعى جەنە جانۋارلار دٷنيەسٸ اۋماقتىق ينسپەكتسيياسى رەيد شارالارىن جٷرگٸزۋدە, دەپ حابارلايدى "ۇلت اقپارات".
وبلىستىق ورمان شارۋاشىلىعى جەنە جانۋارلار دٷنيەسٸ اۋماقتىق ينسپەكتسيياسىنىڭ بالىق شارۋاشىلىعى بٶلٸمٸ باسشىسى تاڭات سمايىلوۆتىڭ ايتۋىنشا, بۇل شارا ٶڭٸردەگٸ بالىق قورلارىن تولىقتىرۋ ٷشٸن جاسالىپ وتىر. ٶيتكەنٸ, سۋىق سۋلاردا تٸرشٸلٸك ەتەتٸن بالىقتار كٷزدە ۋىلدىرىق شاشىپ, كٶبەيەتٸن كەزٸ. سول سەبەپتٸ تابيعي تٷردەگٸ ٶسٸمٸن قالپىنا كەلتٸرۋ ماڭىزدى.
«وسىعان وراي وبلىستا «ۋىلدىرىق شاشۋ-2019» دەستٷرلٸ ناۋقانى جٷزەگە اسىرىلۋدا.وبلىستا 20 قازاننان باستاپ, قاراشا ايىنىڭ سوڭىنا دەيٸن سانى از بالىقتاردى اۋلاۋعا تىيىم سالىنادى. مەسەلەن, اقساقا (سيگ) تۇقىمدى بالىقتار سيرەك كەزدەسەدٸ جەنە وبلىستىڭ ەر اۋدانىندا تٸرشٸلٸك ەتەدٸ. سونىمەن قاتار كەسٸپشٸلٸك ماقساتتا دا قارماق سالۋعا بولمايدى. ال قاراتومار سۋ قويماسى جەنە حالۆاي اۋىلىنان ايات شاحتاسىنىڭ بٶگەتٸنە دەيٸنگٸ ارالىقتاردا بالىق اۋلاۋ قۇرالدارىن پايدالانۋعا جىل سوڭىنا دەيٸن رۇقسات ەتٸلمەيدٸ. تۇرعىندارعا وسىنى ەسكەرتەمٸز. بٷگٸنگە دەيٸن 200-گە جۋىق زاڭ بۇزۋشىلىق انىقتالىپ, براكونەرلەرگە ايىپپۇل سالىندى», - دەيدٸ تاڭات سمايىلوۆ.
وسى كٷنٸ وبلىستا 805 سۋ ايدىنى بار. ولاردىڭ 221-ٸ بالىق شارۋاشىلىعىنا نەگٸزدەلگەن. اتالمىش ٶزەندەردٸڭ بارلىعىندا بالىق تٷرلەرٸن كٶبەيتۋ ماقساتىندا جۇمىستار باستالدى.
