قوستاناي وبلىسىنىڭ ارحيۆٸنە تاتارستاننان قۇندى قۇجاتتار ەكەلٸندٸ. سونىمەن قاتار ارحيۆ قورىن كٶبەيتۋ ماقساتىندا ارنايى جوبالار قولعا الىندى. بۇل تۋرالى ٶڭٸرلٸك كوممۋنيكاتسييالار قىزمەتٸنٸڭ الاڭىندا ااقپاراتتاندىرۋ, مەملەكەتتٸك قىزمەتتەر كٶرسەتۋ جەنە ارحيۆتەر باسقارماسىنىڭ باسشىسى ازامات كاشيەۆ باياندادى, دەپ حابارلايدى قازاقپارات.
ازامات كاشيەۆ «ارحيۆ-2025» جوباسىن ٸسكە اسىرۋ جٶنٸندەگٸ كەشەندٸ جوسپارلارىمەن بٶلٸستٸ. ونىڭ ايتۋىنشا, بىلتىر ارحيۆ سالاسىن قارجىلاندىرۋعا ايتارلىقتاي مەن بەرٸلٸپ, 610,7 ملن تەڭگە قاراستىرىلدى.
«ونىڭ ٸشٸندە جەرگٸلٸكتٸ بيۋدجەتتەن قوسىمشا 107 ملن تەڭگەدەن استام قاراجات بٶلٸندٸ. 40 كومپيۋتەر, ا3 فورماتىنداعى پلانشەتتٸ سكانەرلەردٸڭ 17 داناسى, 40 كٷلگٸن-شامدى سكانەر ساتىپ الىندى. مەملەكەتتٸك ارحيۆتەر قورى 392 قۇجات, 652 فوتو, 9 اۋديو, 50 ۆيدەومەن تولىقتىرىلدى. سونداي-اق تاتارستان رەسپۋبليكاسىنىڭ ارحيۆتەرٸندەگٸ قازاقستانعا, جالپى قوستاناي ٶڭٸرٸنٸڭ تاريحىنا قاتىستى قۇجاتتار ەكەلٸندٸ», - دەيدٸ باسقارما باسشىسى.
بٷگٸندە قوستاناي وبلىسىنىڭ مەملەكەتتٸك ارحيۆٸندە حV-حٸح عاسىرلار ارالىعىنداعى ٶڭٸردٸڭ ساياسي, ەلەۋمەتتٸك جەنە ەكونوميكالىق تاريحى تۋرالى دەرەكتەر ٶتە از. سوندىقتان ارحيۆ قىزمەتكەرلەرٸ رەسەي فەدەراتسيياسىنىڭ چەليابٸ, ورىنبور, ترويتسك قالالارى مەن تاتارستان رەسپۋبليكاسىنداعى ەرٸپتەستەرٸمەن ىنتىماقتاستىق ورناتىپ, ٶزارا ٸسكەرلٸك قارىم-قاتىناستى دامىتۋدا.
سوڭعى 2 جىلدا وبلىستىق ارحيۆكە قوستاناي تاريحىنا قاتىستى بٸرتالاي قۇجات ەكەلٸندٸ. ونىڭ ٸشٸندە 1919 جىلعى قوستاناي ميليتسييا بٶلٸمشەسٸنٸڭ, 1919 جىلعى قوستاناي قالالىق پارتييا كوميتەتٸنٸڭ حاتتامالارى, قوستاناي وبلىسى اۋداندارىنىڭ شەكارالارىن انىقتاۋعا قاتىستى قۇجاتتار, اۋداندىق جەنە قالالىق ۇيىمداردىڭ قىزمەتٸ, شٸركەۋ جازبالارى سيياقتى قۇندى قۇجاتتار بار.
اقپاراتتاندىرۋ, مەملەكەتتٸك قىزمەتتەر كٶرسەتۋ جەنە ارحيۆتەر باسقارماسىنىڭ بٶلٸم باسشىسى سالتانات نۇرتاسقىزىنىڭ سٶزٸنە قاراعاندا, تاتارستاننان 1700 بەتتٸك قۇجاتتار ەكەلٸندٸ. ونىڭ ٸشٸندە قازان ۋنيۆەرسيتەتٸنٸڭ كٸتاپحاناسىنداعى سيرەك قولجازبالار مەن كٸتاپتار قورىنان ٸٸ ەكاتەرينا پاتشايىمنىڭ 1789 جىلى قىرعىز-قايساق ورداسىنىڭ بوداندىققا ادالدىعى ٷشٸن بەرگەن العىسى بار. بۇدان بٶلەك, ٸٸ ەكاتەرينا پاتشايىمنىڭ 1771 جىلى 17 قاڭتاردا نۇرالى حانعا قالماقتاردىڭ نارازىلىق باس كٶتەرۋٸنە جول بەرمەۋ تۋرالى جازعان حات-حابارلاماسى, 1829 جىلدىڭ 29 مامىرىندا ورىنبور گەنەرال-گۋبەرناتورىنىڭ جانتٶرە جەڭگٸروۆ سۇلتانعا العىس حاتى تابىلدى. قازان مۇراعاتتارىنان قازاق حالقىنان شىققان العاشقى دەرٸگەر مۇحامەدجان قاراباەۆ پەن ۇلى اعارتۋشى ىبىراي التىنسارينگە قاتىستى تىڭ قۇجاتتار انىقتالدى. ارحيۆشٸلەر التىنسارين مەن يلمينسكييدٸڭ ٶزارا جازىسقان حاتتارىنىڭ تولىق كٶشٸرمەسٸن الىپ, وبلىستىق ارحيۆ قورىن تولىقتىردى. قازٸر بۇل قۇجاتتار تسيفرلىق جٷيەگە كٶشٸرٸلٸپ جاتىر, ولار كٶپشٸلٸككە قولجەتٸمدٸ بولماق. ارحيۆتەر باسقارماسى «تسيفرلىق قازاقستان» مەملەكەتتٸك باعدارلاماسىن ٸسكە اسىرۋ شەڭبەرٸندە 21 مەملەكەتتٸك ارحيۆ پەن وبلىستىڭ 294 مەكەمەسٸندە «قۇجاتتاردىڭ بٸرىڭعاي ەلەكتروندىق ارحيۆٸ» جٷيەسٸن ەنگٸزدٸ.
