فوتو: instagram.com/oo_qanat
قوسشىدا 40 جاستاعى ەر ادام توعىز جاستاعى بالانى سوققىعا جىقتى. پوليتسييا قىلمىستىق ٸس قوزعادى, - دەپ حابارلايدى Tengrinews.kz اگەنتتٸگٸ.
بۇل وقيعا تۋرالى Instagram-داعى توپتاردىڭ بٸرٸندە بەلگٸلٸ بولدى.
"بالانى كٶرشٸسٸ جۇرتتىڭ كٶزٸنشە سوققىعا جىعىپ, ازۋ تٸسٸن قاعىپ جٸبەرگەن, ميى شايقالىپ قالعان", - دەلٸنگەن حابارلامادا.
جەبٸرلەنۋشٸنٸڭ اناسى يۋلييا مانۋكيان توعىز جاستاعى ۇلىن كٶرگەندە ونى كٶلٸك قاعىپ كەتتٸ دەپ ويلاعان.
"كەشە جۇمىستا بولعانمىن, بالالار ٷيدە ەدٸ. 18 جاستاعى قىزىم قوسشىدا تۇرادى, ۇلىم قاسىندا بولعان. قىزىمنىڭ سٶزٸنشە, بالام سىرتقا شىعىپ, بٸراز ۋاقىتتان كەيٸن كٶزٸنە جاس تولىپ كەلگەن. ٷستٸ لاس, قانسىراپ كەتكەن. قىزىم سۋرەتٸن جٸبەردٸ, ول قازٸر جەلٸدە تاراپ كەتتٸ. تٶبەلەستەن كەيٸن مۇنداي بولادى دەپ ويلاماپپىن. ەدەتتە بالالار بٸر-بٸرٸمەن تٶبەلەسەدٸ عوي. قىزىم حابارلاسىپ, كٶرشٸ ەر ادام سوققىعا جىققانىن ايتتى" - دەيدٸ بالانىڭ اناسى Tengrinews.kz تٸلشٸسٸنە.
ەيەل ادامنىڭ سٶزٸنشە, باستاپقىدا بالالار ٶزارا جانجالداسىپ قالعان. ارتىنشا, ەكەسٸ ۇلىن "قورعاۋعا" شىققان.
"ونى بٸردەن اۋرۋحاناعا الىپ كەتتٸك. بٷگٸن سوت ساراپتاماسىن جاساتتىق, ازۋ تٸسٸ تٷسٸپ قالعان, كٶزٸنٸڭ اينالاسى كٶگەرٸپ كەتكەن, سەبەبٸ ونى جۇدىرىقپەن ۇرعان. سوسىن ونى ۇستاپ الىپ, اۋزىنا بالمۇزداق تىققان, سول كەزدە تٸسٸن قاعىپ العان. ۇلىم قانسىراپ كەتكەنٸن, قاتتى اۋىرعانىن ايتادى. ونى سونداعى بالالار دا, ەرەسەكتەر دە كٶردٸ", - دەيدٸ يۋلييا.
اقمولا وبلىستىق پوليتسييا دەپارتامەنتٸ ٶكٸلدەرٸ بالانىڭ اناسى كەزەكشٸ بٶلٸمگە 30 مامىردا ارىز جازعانىن ايتتى.
"قوسشىنىڭ 39 جاستاعى تۇرعىنىنان 2012 جىلى تۋعان ۇلىن سوققىعا جىققان 40 جاستاعى تۇرعىنعا قاتىستى شارا قولدانۋ تۋرالى ارىز تٷستٸ. كەمەلەتكە تولماعان بالالار اراسىندا جانجال شىققان. سالدارىنان بالالاردىڭ بٸرٸ ەكەسٸنە بارعان. ەر ادام كەمەلەتكە تولماعان بالانى جۇدىرىقپەن ۇرىپ, ارتىنشا بالا بۇل وقيعا تۋرالى اتا-اناسىنا ايتىپ بەرگەن", - دەدٸ پوليتسييا ٶكٸلدەرٸ.
بۇل دەرەك بويىنشا بالانىڭ دەنساۋلىعىنا كەلتٸرٸلگەن زيياندى انىقتاۋ ٷشٸن سوت-مەديتسينالىق ساراپتاما تاعايىندالدى. بٷگٸندە سوتالدى تەرگەۋ جٷرٸپ جاتىر.
