بٷگٸن قر مەملەكەتتٸك حاتشىسى قىرىمبەك كٶشەرباەۆتىڭ تٶراعالىعىمەن شەتەلدە كادرلار دايارلاۋ جٶنٸندەگٸ رەسپۋبليكالىق كوميسسييانىڭ كەزەكتٸ وتىرىسى ٶتتٸ, دەپ حابارلايدى قازاقپارات.
«قالىپتاسقان جۇمىس كەستەسٸنە سەيكەس, بٸز كوميسسييانىڭ كەزەكتٸ وتىرىسىنا جينالىپ وتىرمىز. قر تۇڭعىش پرەزيدەنتٸ - ەلباسى نۇرسۇلتان نازارباەۆتىڭ ۇسىنىسىمەن قابىلداعان «بولاشاق« باعدارلاماسى ەلٸمٸزدٸڭ ادامي كاپيتالىن دامىتۋ سالاسىنداعى سەرپٸندٸ جوبا بولىپ سانالادى. شەتەلدەگٸ رەيتينگٸ جوعارى بٸلٸم بەرۋ مەكەمەلەرٸندە بٸلٸم الۋ كٶپتەگەن قازاقستاندىققا ٶزدەرٸنٸڭ كەسٸبي قۇزٸرەتتەرٸ مەن بٸلٸكتٸلٸگٸن ارتتىرۋعا ايرىقشا مٷمكٸندٸك بەرەتٸندٸگٸ سٶزسٸز. بٷگٸنگٸ وتىرىستىڭ كٷن تەرتٸبٸندە 2 مەسەلە قارالادى. بٸرٸنشٸ - كونكۋرستىق ٸرٸكتەۋدەن ٶتكەن ٷمٸتكەرلەرگە «بولاشاق« حالىقارالىق ستيپەنديياسىن تاعايىنداۋ تۋرالى, ەكٸنشٸ - «بولاشاق« حالىقارالىق ستيپەنديياسىنىڭ جەكەلەگەن يەلەرٸن ودان ايىرۋ تۋرالى», - دەدٸ وتىرىستى اشقان مەملەكەتتٸك حاتشى.
كەلەسٸ كەزەكتە سٶز العان قر بٸلٸم جەنە عىلىم مينيسترٸ اسحات ايماعامبەتوۆ ەل ٷكٸمەتٸنٸڭ 2020 جىلدىڭ 6 مامىرىنداعى 271 قاۋلىسىمەن بەكٸتٸلگەن «بولاشاق» حالىقارالىق ستيپەنديياسىن تاعايىنداۋ بويىنشا ٸرٸكتەۋدٸڭ جاڭا قاعيدالارىنا سەيكەس, ستيپەندييا تاعايىنداۋعا قۇجاتتاردى قابىلداۋ مەن كونكۋرستىق ٸرٸكتەۋ 27 شٸلدەدەن باستاپ 30 قاراشاعا دەيٸن ٶتەتٸندٸگٸ جارييالانعانىن ەسكە سالدى.
«بٸز العاش رەت كونكۋرستىق ٸرٸكتەۋدەگٸ كەشەندٸ تەتٸلەۋ مەن تەۋەلسٸز ساراپتامالىق كوميسسييا مٷشەلەرٸمەن سۇحباتتاسۋ پرەزيدەنتتٸك جاستار كادرلارىنا ٸرٸكتەۋ ٷلگٸسٸ بويىنشا تولىقتاي اۆتوماتتاندىرىلدى. كونكۋرستىق ٸرٸكتەۋدٸڭ العاشقى لەگٸنٸڭ قورىتىندىسى بويىنشا شەتەلدە كادرلار دايارلاۋ جٶنٸندەگٸ رەسپۋبليكالىق كوميسسييانىڭ 2020 جىلعى 6 قىركٷيەكتەگٸ شەشٸمٸمەن 160 ستيپەندييا تاعايىندالعان بولاتىن. ەندٸ قازٸرگٸ ۋاقىتتا ەكٸنشٸ لەگٸن دايىنداپ قويدىق. كونكۋرستىق ٸرٸكتەۋدٸڭ ەكٸنشٸ كەزەڭٸ 26 قىركٷيەكتەن باستاپ 7 قازان ارالىعىندا ٶتتٸ. تەۋەلسٸز ساراپتامالىق كوميسسييا مٷشەلەرٸمەن سۇحباتتاسۋ قورىتىندىسى بويىنشا 55 ٷمٸتكەر ستيپەندييا تاعايىنداۋعا ۇسىنىلىپ, 4 ٷمٸتكەر ۇسىنىلمادى. بۇعان قوسا, ستيپەنديياعا ۇسىنىلماعان ٷمٸتكەرلەردٸڭ اراسىندا سۇحباتتاسۋ نەتيجەسٸ ورتاشا ەسەپپەن 3 بالدان جوعارى العان 2 ٷمٸتكەر بار. الايدا, تەۋەلسٸز ساراپتامالىق كوميسسييا مٷشەلەرٸنٸڭ داۋىس بەرۋٸ بويىنشا ولارعا ستيپەندييا ۇسىنىلماعان. بٸراق, زاڭناماعا سەيكەس, وسى ەكٸ ٷمٸتكەر بويىنشا سوڭعى شەشٸمدٸ كوميسسييا انىقتايدى. سوندىقتان وسى مەسەلەنٸ بٶلەك قاراستىرىپ, 2 ٷمٸتكەرگە ستيپەندييا تاعايىنداۋدى ۇسىنامىن», - دەدٸ اسحات ايماعامبەتوۆ.
