بٷگٸن قاراعاندى وبلىسىنىڭ قىلمىستىق ٸستەر بويىنشا مامانداندىرىلعان اۋدانارالىق سوتىندا قورىقشى ەرلان ەرلان نۇرعاليەۆتٸ ٶلتٸرگەندەرگە قاتىستى سوت ٷكٸمٸ شىقتى, دەپ حابارلايدى قازاقپارات.
ەرلان نۇرعاليەۆتٸ ٶلتٸرۋ ەرەكەتٸنە قاتىستى سوت تىڭداۋى قاراعاندىدا 2019 جىلدىڭ تامىز ايىندا باستالدى. قىلمىستىق ٸس 40 تومنان تۇرادى, تىڭداۋعا 80-نەن استام كۋەگەر قاتىستى. سوتتالۋشىلار ورىندىعىندا بەرٸك احمەتوۆ, نۇرلان شٷكٸلدٸكوۆ جەنە قايرات اقشانوۆ وتىردى.
وسىعان دەيٸنگٸ سوت تىڭداۋىندا پروكۋرور بارلىق ٷش ايىپتالۋشىعا ٶمٸر بويىنا باس بوستاندىعىنان ايىرۋ جازاسى بەرٸلسٸن, ونى ايىپكەرلەر قاۋٸپسٸزدٸگٸ ەرەكشە كولونييادا ٶتەسٸن دەپ سۇراعان بولاتىن.
قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنىڭ سۋدياسى قايرات قاسىموۆ پروكۋروردىڭ تالاپ-ارىزىن قاناعاتتاندىرىپ, سوت ٷكٸمٸمەن بەرٸك احمەتوۆ, قايرات اقشانوۆ جەنە نۇرلان شٷكٸلدٸكۇلىنىڭ ٶمٸر بويى باس بوستاندىعىنان ايىرۋ جازاسىنا كەسٸلگەندٸگٸن ايتتى.
وسى ٸسكە قاتىسى بار تاعى تٶرت ازامات: بەردەن بازاروۆ, باتىربەك قايىربەكوۆ, جاراسحان مىرزاباەۆ جەنە ايدوس ەكٸموۆكە قاتىستى قىلمىستىق ٸستٸ سوتقا دەيٸنگٸ تەرگەۋ ورگاندارى توقتاتقان بولاتىن. الايدا ەرلان نۇرعاليەۆتٸڭ بالاسىنىڭ ادۆوكاتى ەكٸجاقتى پٸكٸرتالاس بارىسىندا بۇل شەشٸممەن كەلٸسپەيتٸنٸن, وسىعان بايلانىستى جەكە قاۋلى شىعارىپ, قىلمىستى جاسىرۋ مەن ول تۋرالى قۇزىرلى ورگاندارعا دەر كەزٸندە حابار بەرمەۋ بابى بويىنشا قىلمىستىق تەرگەۋدٸ قايتا باستاۋدى سۇراعان بولاتىن.
وسىلايشا, جوعارىدا اتالعان 4 ازامات 6 جىلعا باس بوستاندىعىنان ايىرىلدى. ولار كٸنەسٸن قىلمىستىق اتقارۋ جٷيەسٸنٸڭ قاۋٸپسٸزدٸگٸ ورتاشا مەكەمەسٸندە ٶتەيتٸن بولادى.
وسىعان دەيٸنگٸ وتىرىستا جەبٸرلەنۋشٸ تاراپىنىڭ قورعاۋشىسى 20 ملن. تەڭگە مورالدىق شىعىن جەنە 9 ميلليون 137 مىڭ 600 تەڭگە كٶلەمٸندە ماتەريالدىق شىعىن كەلتٸرٸلگەنٸن اتاپ ٶتتٸ. سونىمەن قاتار, سوتتالۋشىلارعا 17 اقبٶكەن ٷشٸن ٶتەماقى تٶلەۋگە تۋرا كەلەدٸ – بۇل 89 ميلليون تەڭگە.
7 ازاماتتىڭ بارلىعىن سوت زالىنان الىپ كەتتٸ.
ەستەرٸڭٸزگە سالا كەتەيٸك, 13 قاڭتاردا تەڭٸز كٶلٸنەن وڭتٷستٸك-باتىس باعىتتا ورنالاسقان «اق قوشقار» بٶگەتٸنٸڭ ماڭىندا «وحوتزووپروم» مەملەكەتتٸك كەسٸپورنىنىڭ ينسپەكتورلارى نيتسىك پەن نۇرعاليەۆ بەس اقبٶكەندٸ ٶلتٸرگەن براكونەرلەردٸڭ ٸزٸنە تٷسكەن بولاتىن. كٶپ ۇزاماي ولار مەملەكەتتٸك نٶمٸرٸ جوق ەكٸ جول تالعامايتىن كٶلٸكتٸ قۋىپ جەتكەن.
ٸزدەرٸنە تٷسكەنٸن بايقاعان كٶلٸكتەگٸلەر جاسىرىنۋعا تىرىسقان, بٸراق ولاردىڭ بٸرەۋٸ توقتاۋعا مەجبٷر بولعان. براكونەرلەر ينسپەكتورلارعا شابۋىل جاساپ, ونىڭ سوڭى تٶبەلەسكە ۇلاسقان. وقيعا سالدارىنان ەرلان نۇرعاليەۆ وقتان جارالانىپ, اۋىر باس سٷيەك-مي جاراقاتىن العان – قورىقشى قايتىس بولدى. شابۋىلداۋشىلار ونىڭ ەرٸپتەسٸ پەتر نيتسىكتٸڭ جاعىن سىندىرىپ, بٸرنەشە پىشاق جاراقاتىن سالعان. قىلمىسكەرلەرگە قاشىپ ٷلگەرگەن.
