كيٸك مٷيٸزٸمەن اينالىسقاندار 5 جىلعا دەيٸن باس بوستاندىعىنان ايىرىلادى. بۇل تۋرالى پارلامەنت مەجٸلٸسٸنٸڭ جالپى وتىرىسىندا قىلمىستىق-پروتسەستٸك زاڭنامانى جەتٸلدٸرۋ مەسەلەلەرٸن تالقىلاۋ بارىسىندا قر باس پروكۋرورىنىڭ ورىنباسارى مارات احمەتجانوۆ مەلٸم ەتتٸ, دەپ حابارلايدى قازاقپارات.
«ٶكٸنٸشكە قاراي, كيٸكتٸ زاڭسىز اۋلاۋ ەلٸ دە جالعاسىن تابۋدا. سوندىقتان زاڭسىز كيٸك مٷيٸزٸمەن اينالىسقانى ٷشٸن جەكە قۇرام قاراستىرىلىپ وتىرمىز. جازاسى قاتال, 5 جىلعا دەيٸن باس بوستاندىعىنان ايىرۋ كٶزدەلگەن. ايىپپۇل بولمايدى. سەبەبٸن تٷسٸندٸرٸپ كەتەيٸك. بۇل تٷزەتۋدٸڭ مەنٸسٸ جوعارى رۋحاني تەربيەلٸك استارى بار دەسەم دە بولادى. كەي جەردە اق بٶكەن دەيمٸز, كيٸك, حالقىمىزدىڭ كيەلٸ سانايتىن جانۋارى. كەڭ دالادا باياعى زاماننان ەركٸن ٶسكەن, ونىڭ تٸرشٸلٸگٸ اياسى دا بٸزدٸڭ دالا. وسىندا قىس قىستاپ, جاز جايلايدى, كٶكتەمدە قۇرالاي ٶرەدٸ. قازٸر ناقتى توسقاۋىل قوياتىن كەز كەلدٸ. ەيتپەسە, كيٸكتەن مٷلدەم ايىرىلىپ قالۋ قاۋٸپٸ بار», - دەدٸ م. احمەتجانوۆ.
ونىڭ سٶزٸنە قاراعاندا, تابيعاتىمىزدى, اڭ قۇستارىمىزدى قورعايتىن ينسپەكتوردى جەنە قورىقشىنىڭ ٶمٸرٸنە قاۋٸپ تٶندٸرٸپ, كٷش قولدانعانى ٷشٸن جاۋاپكەرشٸلٸك ەنگٸزۋ قاراستىرىلعان. وسىنداي قىلمىستار ٷشٸن جيىرما جىلعا دەيٸن باس بوستاندىعىنان ايىرۋ بولادى.
ايتا كەتەيٸك, بٷگٸن جالپى وتىرىستا پالاتا دەپۋتاتتارى «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە قىلمىستىق جەنە قىلمىستىق-پروتسەستٸك زاڭنامانى جەتٸلدٸرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى تالقىلانىپ جاتىر. وسى ورايدا ۇرلىققا قاتىستى ەرەكەتتەر اۋىر قىلمىستار ساناتىنا كٶشەتٸنٸ مەلٸم بولدى.
بۇدان بۇرىن حابارلانعانداي, جانۋارلار ەلەمٸنە قارسى قىلمىستارعا جازا كٷشەيتٸلەدٸ.
