پارلامەنت سەناتىنىڭ جالپى وتىرىسىندا «2005 جىلعى 25 قاراشاداعى تەۋەلسٸز مەملەكەتتەر دوستاستىعىنا قاتىسۋشى مەملەكەتتەردٸڭ اۆتوكٶلٸك قۇرالدارىن جىمقىرۋعا قارسى كٷرەستەگٸ جەنە ولاردى قايتارۋدى قامتاماسىز ەتۋدەگٸ ىنتىماقتاستىعى تۋرالى كەلٸسٸمگە ٶزگەرٸستەر ەنگٸزۋ تۋرالى حاتتامانى راتيفيكاتسييالاۋ تۋرالى» زاڭى قابىلداندى, دەپ حابارلايدى "ۇلت اقپارات".
بۇل حاتتاماعا 6 ەلدٸڭ ٸشكٸ ٸستەر مينيسترلەرٸ قول قويدى, ولاردىڭ اراسىندا رەسەي, تەجٸكستان, بەلارۋس, قازاقستان, قىرعىزستان, مولدوۆا بار.
حاتتامانىڭ نەگٸزگٸ ماقساتى – ۇرلانعان اۆتوكٶلٸك يەلەرٸنٸڭ قۇقىقتارىن قورعاۋ.
«بٷگٸندە تمد كەلٸسٸمٸنە سەيكەس, ەلدەرمەن شەكارامىز اشىق. وسىنى پايدالانىپ, كەيبٸر ادامدار زاڭ بۇزۋشىلىقتار جاسايدى. مىسىلى, 2005 جىلدان باستاپ وسى كەزگە دەيٸن ۇرلانعان 223-دان استام كٶلٸكتٸڭ تەك 30 پايىزى ەلگە قايتارىلعان. ٶيتكەنٸ, سۇراۋ سالۋ نورمالارىنىڭ كەمشٸلٸكتەرٸ بار. وسى كەمشٸلٸكتەردٸ جويۋ ٷشٸن قۇجاتقا جاڭا نورمالار ەنگٸزٸلدٸ. ەندٸ ەرەجە بويىنشا سۇراۋ سالۋدى ورىنداۋعا بٸر اي ۋاقىت بەرٸلەدٸ. سونداي-اق, سۇراۋ سالۋ بويىنشا اقپارات ۇسىنۋدان باس تارتۋ ٷشٸن ناقتى نەگٸز قاجەت», - دەدٸ قر ٸشكٸ ٸستەر مينيسترٸ ەرلان تۇرعىمباەۆ.
سونىمەن قاتار, حاتتامادا:
- جول-كٶلٸك, ٶرت جەنە تابيعي اپاتتان زارداپ شەككەن اۆتوكٶلٸكتەر تۋرالى مەلٸمەت بەرۋ;
- كەدەن ورگاندارىمەن اقپارات الماسۋ;
- 1 جىل ٸشٸندە سۇراۋى جوق اۆتوكٶلٸك, قاي جەردە انىقتالسا, سول مەملەكەتتٸڭ مەنشٸگٸندە قالدىرۋ مەسەلەلەرٸ قاراستىرىلعان.
«بٷگٸندە تەۋەلسٸز مەملەكەتتەر دوستاستىق ەلدەرٸنٸڭ اراسىندا اۆتوكٶلٸكتەردٸ ۇرلاۋ پروبلەما بولىپ تۇر. وسى كەلٸسٸمدٸ بەكٸتۋ - ازاماتتاردىڭ قۇقىعىن قورعاپ, ۇرلانعان كٶلٸكتەردٸ قايتارۋدىڭ جولىن جەڭٸلدەتەدٸ. وسى زاڭدى قابىلداۋ تەرٸس ەلەۋمەتتٸك-ەكونوميكالىق جەنە قۇقىقتىق سالدارعا ەكەپ سوقپايدى, قوسىمشا قارجى تالاپ ەتپەيدٸ», - دەدٸ مينيستر.
