تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸنٸڭ تٶراعاسى ليۋدميلا بيۋرابەكوۆا كوروناۆيرۋس مامىر ايىندا جوعالاتىنى تۋرالى بولجامعا پٸكٸر بٸلدٸردٸ, دەپ حابارلايدى قازاقپارات.
بۇعان دەيٸن بٸرقاتار باق كوروناۆيرۋستىڭ ۋلترافيولەتكە تٶتەپ بەرە المايتىنىن, سوندىقتان مامىر ايىندا تولىق جوعالاتىنىن جازعان ەدٸ.
«ەپيدەمييالىق جاعداي بويىنشا بۇل بولجام قيسىنعا كەلمەيدٸ. سۇحبات بەرگەن ماماننىڭ ٶزٸ ينتەرۆيۋدىڭ تەلەفونمەن جٷرگٸزٸلگەنٸن, سۇراقتى جاڭساق تٷسٸنگەنٸن مويىندادى. سوندىقتان وسىنداي بولجام ايتقان. شىن مەنٸندە, بٸز دە بولجامدار جاساپ وتىرمىز. بٸراق سەۋٸردە نەمەسە مامىر ايىندا دەپ ناقتى ەشتەڭە ايتا المايمىز», - دەپ جاۋاپ بەردٸ ل. بيۋرابەكوۆا ورتالىق كوممۋنيكاتسييالار قىزمەتٸندە تٸلشٸ سۇراعىنا.
ايتا كەتەيٸك, قازٸرگٸ ۋاقىتتا ەلەمدە COVID-19 ۆيرۋسىن جۇقتىرعاندار سانى 90 893 ادام جەنە ودان 3110 ادام قايتىس بولدى.
سوڭعى 48 ساعاتتا قىتايدان تىسقارى جەردە تٸركەلگەن 1848 ناۋقاستىڭ 80%-ى ٷش ەلگە تيەسٸلٸ: يران, يتالييا جەنە وڭتٷستٸك كورەيا.
