ەلەمدٸ الاڭداتقان قاۋٸپتٸ ٸندەتتٸڭ ەكٸنشٸ تولقىنى كەلەدٸ دەپ بولجانۋدا. وسى ورايدا بٷگٸندە ەلٸمٸزدە قاۋٸپسٸزدٸك شارالارىن كٷشەيتۋ, كارانتين تالاپتارىن قاتاڭداتۋ ٸسٸ قولعا الىنا باستادى. سونداي-اق ٸندەتكە قارسى دەرٸ-دەرمەك دە قورى جينالىپ جاتىر, دەپ حابارلايدى قازاقپارات.
«بۇرىن دەرٸ-دەرمەكتٸ جەتكٸزۋ ەۋەحابى ارقىلى 2 اپتاعا دەيٸن ۋاقىت الاتىن, بٷگٸندە جەتكٸزۋ قىزمەتٸ جەدەلدەتٸلدٸ. قازٸر كەز كەلگەن قويماعا 1 كٷننٸڭ ٸشٸندە جەتكٸزۋ مٷمكٸندٸگٸ بار. ەلورداداعى قويمادا 4 ملرد تەڭگەنٸڭ دەرٸ-دەرمەگٸ بار, ونىڭ ٸشٸندە 400 ملن تەڭگەنٸڭ پرەپاراتى ول كوروناۆيرۋس دەرتٸنە ارنالعان. قازٸرگٸ ۋاقىتتا مەديتسينالىق ۇيىمدار 110% قامتاماسىز ەتٸلٸپ وتىر. بٸزگە مەديتسينالىق ۇيىمداردى 1 ايلىق دەرٸ-دەرمەك قورىمەن قامتاماسىز ەتۋ تاپسىرىلدى. سول ٷشٸن دە كٷن سايىن دەرٸ-دەرمەك قورى جاڭارتىلىپ وتىرادى», - دەدٸ «سق-فارماتسييا» جشس-نىڭ باسقارما تٶراعاسى ەرحات ەسقاليەۆ اتالعان ۇيىمدا ٶتكەن رەيد بارىسىندا.
ونىڭ ايتۋىنشا, بٷگٸندە ساتىپ الىنعان دەرٸ-دەرمەكتٸڭ 60% ەلدەگٸ 4 حابقا تاراتىلدى.
«بٸز دەرٸ-دەرمەكتەردٸ بارلىق ٶڭٸرلەرگە بٸردەن تاراتىپ جٸبەرە المايمىز. سەبەبٸ ٶڭٸرلەردەگٸ قويمالاردىڭ اۋماعى 300 شارشى مەتردٸ قۇرايدى, بۇل دەگەنٸمٸز بار جوعى 2 جٷك كٶلٸك دەرٸ-دەرمەك. ال كەيبٸر ٶڭٸرلەردە دەرٸ-دەرمەكتٸ ساقتايتىن قويما جوق, سوندىقتان دا جٷك كٶلٸكتەرٸ مەديتسينالىق ۇيىمدارعا تٸكەلەي جەتكٸزٸپ بەرەدٸ. بٷگٸندە مەديتسينالىق ۇيىمداردىڭ سۇرانىسىن ٶتەۋدەن بٶلەك, بٸزدٸڭ قويمادا 2 ايعا جەتەتٸن دەرٸ-دەرمەك قورى بار. ٶڭٸرلەرگە جٷك كٶلٸكتەرٸ تىنىم تاپپاي كٷندەلٸكتٸ جەتكٸزٸپ وتىر», - دەدٸ ول.
اتالعان مەكەمەنٸڭ رەسمي دەرەگٸنە سٷيەنسەك, قازٸرگٸ ۋاقىتتا COVID-19 ٸندەتٸنە ارنالعان 8,2 ملرد تەڭگەنٸ قۇرايتىن 44 اتاۋلى دەرٸ-دەرمەك ساتىپ الىنۋدا.
ايتا كەتسەك, انتيكور قىزمەتكەرلەرٸ قوعام بەلسەندٸلەرٸمەن بٸرگە ەلورداداعى سق فارماتسييا جشس قويماسىنداعى دەرٸ-دەرمەك قورىنا قاتىستى مونيتورينگ جٷرگٸزدٸ.
