كوروناۆيرۋستى انىقتاۋدا ەڭ ناقتى نەتيجە كٶرسەتەتٸن تالداۋ تٷرٸ قانداي? ول قالاي جاسالادى? وسى ساۋالدارعا الماتىداعى Medical Partners Korea Clinic وڭتٷستٸك كورەيا ەمحاناسىنىڭ نەگٸزٸن قالاۋشى عالىمجان توعىزباەۆ جاۋاپ بەردٸ, دەپ حابارلايدى قازاقپارات.
بٷگٸندە قالاداعى 6 زەرتحانانىڭ بٸرٸ وسى ەمحانادا جۇمىس ٸستەپ تۇر. COVID-19 تالداۋى كەپٸلدەندٸرٸلگەن مەملەكەتتٸك مەديتسينالىق كٶمەك كٶلەمٸ اياسىندا تەگٸن جاسالادى.
سپيكەردٸڭ ايتۋىنشا, تەستٸلەۋ وڭتٷستٸككورەيالىق جٷيەمەن جٷرگٸزٸلەدٸ. ونىڭ قازاقستاندىق جٷيەدەن ايىرماشىلىعى - مولەكۋليارلى دياگنوستيكا اۆتوماتتى تٷردە جاسالادى.
«بۇل تەحنولوگييادا رنق ەكستراكتسيياسىن اۆتومات جاسايدى. ال قازاقستاندا بۇل قولمەن جاسالادى. اۆتومات 90 تالداۋدى بٸر مەزەتتە 99% دەلدٸكپەن كٶرسەتە الادى. پتر رەاكتيۆتەر COVID-19 گەنٸن 1-1 دەن ەمەس, 3-4 گەندٸ بٸردەن انىقتايدى. بۇل ۆيرۋستى انىقتاۋ بارىنشا دەل بولاتىنىن كٶرسەتەدٸ. بٸر مەزەتتە تۇماۋ ۆيرۋسىنىڭ 17 تٷرٸن, 6 تٷرلٸ باكتەرييانى انىقتاي الادى. ەلەم بويىنشا ٷزدٸك تەحنولوگييانى ەۋروپا ەلدەرٸنٸڭ 80%-ى قولدانادى», - دەدٸ عالىمجان توعىزباەۆ.
ونىڭ ايتۋىنشا, پتر تالداۋ كوروناۆيرۋستىڭ بٸرنەشە مولەكۋلاسىن دا انىقتاي الادى. ياعني, اۋرۋ جاڭادان باستالىپ كەلە جاتقاندا نەمەسە سوزىلمالى جاعدايدا نەمەسە بايقالماي جەڭٸل ٶتكەندە دە انىقتالادى دەگەندٸ بٸلدٸرەدٸ.
قازٸر وڭتٷستٸككورەيالىق ەمحانادا كٷنٸنە 1300 تەست جاسالىپ جاتىر. جاقىندا دياگنوستيكانى كٷنٸنە 2,5 مىڭعا جەتكٸزۋ كٶزدەلگەن.
پتر-تالداۋ ددۇ نۇسقاۋلىعى بويىنشا مۇرىننىڭ شىرىشتى قاباتىنان جاعىندى الۋ ارقىلى جاسالادى.
«مۇرىن قۋىسىنان الىنعان تەستٸدە العاشقى تەۋلٸكتەردەگٸ دەلدٸك جوعارى بولادى. ٶيتكەنٸ, ينفەكتسييا اۋا تامشى جولدارى ارقىلى جۇعادى. ال اۋىزدان الىنعان تەست ارقىلى جۇقتىرعاننان كەيٸنگٸ3 كٷن ٸشٸندە انىقتاۋعا بولادى», - دەيدٸ عالىمجان توعىزباەۆ.
ەكپرەسس-تەستٸلەۋ ارقىلى كوروناۆيرۋس دياگنوزى قويىلمايدى. ول ارقىلى اعزاداعى ۆيرۋستى انىقتاۋ مٷمكٸن ەمەس. بۇل جەردە تەك قانا اعزانىڭ يممۋندىق قارسىلىعىن, انتيدەنەنٸڭ بار ەكەنٸ كٶرسەتٸلەدٸ. ول ٷشٸن ساۋساقتان قان الىنادى. نەتيجەسٸن 15 مينۋتتا بٸلۋگە بولادى.
قازٸر الماتىداعى 6 زەرتحانا دا پتر-دياگنوستيكانى قولدانىپ وتىر. بۇل تەستٸلەۋدەن تەك قاۋپٸ جوعارى نىسانداردىڭ قىزمەتكەرلەرٸ عانا تەگٸن ٶتەدٸ. ونى ەپيدەميولوگتار ايقىندايدى.
