قر پرەمەر-مينيسترٸنٸڭ ورىنباسارى ەرالى توعجانوۆ قر ٷكٸمەتٸندە ٶتكەن بريفينگتە كوروناۆيرۋس ينفەكتسيياسىمەن كٷرەسۋگە تارتىلعان دەرٸگەرلەر مەن مەديتسينا قىزمەتكەرلەرٸنە ٷستەمە اقى تٶلەۋدٸڭ ودان ەرٸ جالعاساتىنى تۋرالى ايتىپ بەردٸ, دەپ حابارلايدى "ۇلت اقپارات"
مەملەكەت باسشىسىنىڭ تاپسىرماسى بويىنشا دەرٸگەرلەر مەن مەديتسينا قىزمەتكەرلەرٸنە ٷستەمەاقى تٶلەۋ ٷشٸن ٷكٸمەتكە 40 ملرد تەڭگەگە جۋىق قاراجات بٶلٸندٸ.
«تٶلەمدەردٸڭ جارتىسى تٶلەندٸ. قالعان بٶلٸگٸ بيىل تامىز ايىنا دەيٸن تٶلەنەتٸن بولادى», — دەدٸ ۆيتسە-پرەمەر.
سونىمەن قاتار توعجانوۆ جۇمىسقا شىعاتىن اتا-انالارعا قولايلى بولۋ ٷشٸن بالاباقشالاردا كەزەكشٸ توپتار ۇيىمداستىرىلاتىنىن ايتتى. بٸراق سانيتارلىق نورمالاردى ساقتاۋ قاجەت بولادى.
«مىسالى, بالاباقشگالاردا ەربٸر توپتا 25-30 بالادان بار. كارانتين كەزەڭٸندە ساقتىق شارالارىن ەسكەرە وتىرىپ, توپتارداعى بالالار سانىن 15-كە دەيٸن عانا جەتكٸزۋ كەرەك. بۇل رەتتە جۇمىس ٸستەيتٸن ەر اتا-انانىڭ بالالارىن بالاباقشادا قالدىرۋ مٷمكٸندٸگٸ بار ەكەنٸن اتاپ ايتقىم كەلەدٸ», — دەدٸ پرەمەر-مينيستردٸڭ ورىنباسارى.
